ମାତିଛନ୍ତି ସାଇବର ଠକ୍, ବିବାହ ଆଶାୟୀ ଯୁବକଙ୍କୁ ଚୂନ ଲଗାଉଛନ୍ତି ସାଇବର ଠକ

ଅର୍ଗସ ବ୍ୟୁରୋ : କମିଶନରେଚଟ ପୋଲିସ ଜାଲରେ ପଡ଼ିଛି ଏମିତି ଜଣେ ଠକ । ଶିକ୍ଷାଗତ ଯୋଗ୍ୟତା ମାତ୍ର ନବମ ପାସ୍ । କିନ୍ତୁ ଏକାଧିକ ଯୁବକଙ୍କଠାରୁ  ଲକ୍ଷାଧିକ ଟଙ୍କା ହଡ଼ପ କରିନେଇଛି ଠକ । ନିଜ ପତ୍ନୀ ଦୀପା ପ୍ରଧାନ ନାଁରେ ଅଭିଯୁକ୍ତ ମେଟ୍ରିମୋନିଆଲ ସାଇଟରେ ରେଜିଷ୍ଟ୍ରେସନ କରିଥିଲା । ସାଇଟରେ ନିଜ ହ୍ବାଟସଆପ ନମ୍ବର ଦେଇଥିଲା ଅଭିଯୁକ୍ତ । ଯୋଗାଯୋଗ କରୁଥିବା ଯୁବକଙ୍କ ସହ ଚାଟ କରିବାସହ ବାପାଙ୍କ ଦେହ ଖରାପ କଥା କହି ଟଙ୍କା ମାଗିଥିଲା ଦୀପା । ପ୍ରାୟ ୩ ଲକ୍ଷ ୧୮ ହଜାର ଟଙ୍କା ନେବା ପରେ ସନ୍ଦେହ ହେବାରୁ ସାଇବର ଥାନାରେ ଏତଲା ଦେଇଥିଲେ ଅଭିଯୋଗକାରୀ । ତଦନ୍ତ ପରେ ଅଭିଯୁକ୍ତ ନୃସିଂହ ବିଶ୍ୱାସକୁ ଗିରଫ କରିଛି । ଅଭିଯୁକ୍ତଠାରୁ ୧ ଲକ୍ଷ ୬୧ ହଜାର ଟଙ୍କା ସହ ୫ ଟି ATM କାର୍ଡ ଓ ମୋବାଇଲ ଜବତ କରିଛି ପୋଲିସ । 

ଅଧିକ ପଢନ୍ତୁ ଓଡ଼ିଶା ଖବର

ମାଟ୍ରିମୋନି ସାଇଟରେ ବିଭିନ୍ନ ଫେକ୍ ସୁନ୍ଦରୀ ଝିଅଙ୍କ ଫଟେ ଲଗାଇ ପ୍ରୋଫାଇଲ୍ ବନାଇବା ପରେ ଯୁବକଙ୍କୁ ଟାର୍ଗେଟ୍ କରୁଥିଲା ଠକ । ଘଟଣା ସାମ୍ନାକୁ ଆସିବା ପରେ ଏହି ନାଁରେ ଆଉ କେହି ଠକେଇର ଶିକାର ହୋଇଛନ୍ତି କି ନାହିଁ, ସେନେଇ ତଦନ୍ତ କରୁଛି ପୋଲିସ । ଏହାସହ ମେଟ୍ରିମୋନିଆଲ ସାଇଟକୁ ମଧ୍ୟ ଚିଠି ଲେଖି ତଥ୍ୟ ମାଗିଛି କମିଶନରେଟ ପୋଲିସ ।

ଇଣ୍ଟରନେଟର ବ୍ୟବହାର ବଢିବା ସହ ବଢିଚାଲିଛି ସାଇବର ଲୁଟେରାଙ୍କ ସଂଖ୍ୟା । ପୂର୍ବରୁ ରାଜଧାନୀରେ ସାଇବର ଠକ ବିଭିନ୍ନ ଆଳ ଦେଖାଇ ଲୋକଙ୍କଠାରୁ ଟଙ୍କା ହଡ଼ପ କରୁଥିବା ଅଭିଯୋଗ ଆସିଛି । ଏବେ ମାଦ୍ରିମୋନି ସାଇଟ ପରି ସୋସିଆଲ ସର୍ଭିସ ପ୍ରଦାନକାରୀ ସାଇଟ ଗୁଡ଼ିକୁ ମଧ୍ୟ ସାଇବର ଠକମାନେ ମାଧ୍ୟମ କରୁଥିବାରୁ ସତର୍କ ରହିବାକୁ ପୋଲିସ ପକ୍ଷରୁ ପରାମର୍ଶ ଦିଆଯାଇଛି ।