ଅର୍ଗସ ବ୍ୟୁରୋ : ଡମ୍ପିଂୟାର୍ଡ ମାମଲାକୁ ନେଇ ବିଏମସିକୁ ରାଜ୍ୟ ମାନବାଧିକାର କମିଶନଙ୍କ ନୋଟିସ । ଗାଡ଼କଣ ଅଞ୍ଚଳବାସୀଙ୍କ ଯନ୍ତ୍ରଣା ବଢ଼ାଉଛି ଅଳିଆ ଆବର୍ଜ୍ଜନାର ପାହାଡ଼ । ଶୀତ ଋତୁ ଆରମ୍ଭରେ ସ୍ଥାନୀୟ ଅଞ୍ଚଳରେ ମାଡିଲାଣି ଚର୍ମରୋଗ । ସ୍ଵାସ୍ଥ୍ୟ ବିଭାଗର କୌଣସି ଅଧିକାରୀ କିମ୍ବା ଟିମର ଦେଖାନାହିଁ । ଆଞ୍ଚଳିକ ସୁରକ୍ଷା ମଞ୍ଚ ଏହାକୁ ବିରୋଧ କରିବା ସହିତ ଗାଡ଼କଣ ଧୀରକୁଟ ବସ୍ତି ଅଞ୍ଚଳରେ ଯାଦୁ ମଲମ ବାଣ୍ଟି ଅଭିନବ ଉପାୟରେ ପ୍ରତିବାଦ ଜଣାଇଛି । ଅଳିଆ ଆବର୍ଜ୍ଜନାର ନର୍କ ଯନ୍ତ୍ରଣାରୁ ମୁକ୍ତି ଦେବା ସହ ଯଥା ସମ୍ଭବ ଡମ୍ପିଂୟାର୍ଡକୁ ଅନ୍ୟତ୍ର ସ୍ଥାନାନ୍ତର ପାଇଁ ଦାବି କରିଛନ୍ତି ସ୍ଥାନୀୟ ଲୋକେ ।

ଅଧିକ ପଢନ୍ତୁ ଓଡ଼ିଶା ଖବର

ଗାଡ଼କଣ ଡମ୍ପିଂୟାର୍ଡକୁ ନେଇ ରାଜ୍ୟ ମାନବାଧିକାର କମିଶନଙ୍କ ନିକଟରେ ପହଁଚିଛି ମାମଲା । ମଞ୍ଚେଶ୍ଵର ରେଲୱେ କଲୋନୀର ଜଣେ ବ୍ୟକ୍ତି ଏନେଇ ଓଏଚଆରସିଙ୍କ ଦ୍ଵାରସ୍ଥ ହୋଇଥିବା ବେଳେ କମିଶନ ବିଏମସିକୁ ରିପୋର୍ଟ ତଲବ କରିଛନ୍ତି । ଡିସେମ୍ବର ୧୧ତାରିଖ ସୁଦ୍ଧା ତଦନ୍ତ ରିପୋର୍ଟ ଦେବା ସହିତ ଡିସେମ୍ବର ୧୪ ତାରିଖରେ ଏହାର ଶୁଣାଣି କରିବାକୁ ଦିନ ଧାର୍ଯ୍ୟ କରିଛନ୍ତି କମିଶନ୍ ।

ସେପଟେ ନିର୍ଦ୍ଦେଶନାମା ପାଇଲେ ଘଟଣାସ୍ଥଳକୁ ଯାଇ ତଦନ୍ତ କରିବା ସହ ଅଳିଆ ଆବର୍ଜ୍ଜନା ଉଠାଇବାରେ କାହିଁକି ବିଳମ୍ବ ହେଉଛି ତା’ର ଅନୁଧ୍ୟାନ କରାଯିବ ବୋଲି କହିଛନ୍ତି ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସଦସ୍ୟ । କେବେ ଗାଡ଼କଣ ଡମ୍ପିଂୟାର୍ଡ ସମସ୍ୟାର ହେବ ସମାଧାନ । ଅଳିଆ ଆବର୍ଜ୍ଜନାର ଦୁର୍ଗନ୍ଧରୁ କେବେ ସ୍ଥାନୀୟ ଅଞ୍ଚଳବାସୀଙ୍କୁ ମିଳିବ ମୁକ୍ତି ତାକୁ ଅପେକ୍ଷା ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV