No Limit Hookah Bar / 'ନୋ ଲିମିଟ୍‌'ରେ ଚାଲୁଥିଲା ବେଆଇନ କାରବାର, ତଦନ୍ତ ନିର୍ଦ୍ଦେଶ ଦେଲେ କମିଶନର

ନୋ ଲିମିଟ ହୁକା ବାର ପାଇଁ ବଢିଲା ଅଡ଼ୁଆ । ନୋ ଲିମିଟରେ ଚାଲୁଥିବା ବେଆଇନ କାରବାରର ତଦନ୍ତ ପାଇଁ ନିର୍ଦ୍ଦେଶ ଦେଲେ ଅବକାରୀ କମିଶନର ପି. ଅନ୍ଵେଶା ରେଡ୍ଡୀ । ଏହି ନିର୍ଦ୍ଦେଶ ଅନୁସାରେ ଷ୍ଟେଟ୍‌ ଫ୍ଲାଇଂ ସ୍କ୍ବାର୍ଡ ସୁପରିଟେଣ୍ଡଣ୍ଟ ଓ ଭୁବନେଶ୍ଵରର ଏକ୍ସାଇଜ ସୁପରିଟେଣ୍ଡେଣ୍ଟଙ୍କୁ ଯଥାଶୀଘ୍ର ତଦନ୍ତ ସାରି କମିଶନରଙ୍କ ନିକଟରେ ଏହି ତଦନ୍ତ ରିପୋର୍ଟ ଦାଖଲ କରିବା ପାଇଁ ନିର୍ଦ୍ଦେଶ ରହିଛି ।

ନୋ ଲିମିଟ୍ ତଳେ ଥିବା ହୋଟେଲ ଲିଭିଙ୍ଗ୍‌ ପାରାଡାଇଜ୍‌ ସହ ସ୍ଥାନୀୟ ଲୋକଙ୍କର ବୟାନ ରେକର୍ଡ କରାଯିବ । CCTV ଯାଞ୍ଚ ସହ ନୋ ଲିମିଟ୍‌ ବିରୋଧରେ ଆସିଥିବା ସମସ୍ତ ଅଭିଯୋଗକୁ ନେଇ ତଦନ୍ତ କରିବେ ତଦନ୍ତକାରୀ ଅଧିକାରୀ । ଅନ୍ୟପଟେ ଅବକାରୀ ନିୟମ ଉଲଙ୍ଘନର କୌଣସି ପ୍ରମାଣ ମିଳିଲେ କଡ଼ା ଆକ୍ସନ୍ ନିଆଯିବ ବୋଲି କହିଛନ୍ତି ଭୁବନେଶ୍ବରର ଅବକାରୀ ସୁପରିଟେଣ୍ଡ ଦେବେନ୍ଦ୍ର ପଟେଲ ।

ଅଧିକ ପଢ଼ନ୍ତୁ: 'ବିକଶିତ ଭାରତ ପାଇଁ 'ପୂର୍ବୋଦୟ' ହେଉଛି ଅଭିବୃଦ୍ଧିର ଇଞ୍ଜିନ'

ଗୋଆ ହରର୍ ପରେ ଶୁକ୍ରବାର ଥରହର ହେଲା ଭୁବନେଶ୍ୱର । ଅଗ୍ନିକାଣ୍ଡରେ ଜଳିଗଲା କୋଟି କୋଟି ଟଙ୍କାର ସମ୍ପତ୍ତି । ମଞ୍ଚେଶ୍ୱର ଥାନା ଅନ୍ତର୍ଗତ 'ନୋ ଲିମିଟ ଏୟାର' ଶୁକ୍ରବାର ସକାଳ ପ୍ରାୟ ୮ ଟା ୩୦ ରେ ଜଳୁଥିବା ଦେଖି ଅଗ୍ନିଶମ ବିଭାଗର ୫ଟି ଟିମ୍‌ ପହଁଛି ନିଆଁକୁ ଆୟତ୍ତ କରିଥିଲା । କିନ୍ତୁ ଅଗ୍ନିକାଣ୍ଡର କାରଣ ଏଯାଏଁ ସ୍ପଷ୍ଟ ହୋଇନି । ଅଭିଯୋଗ ଅନୁସାରେ, ବିନା ଅବକାରୀ ଲାଇସେନ୍ସରେ ଚାଲିଥିଲା ମଦର ଆସର ।

ନିଶା ଚଢ଼ିବା ପରେ ରୁଫ ଟଫରେ ମିଳୁଥିଲା ହୁକା । DJର ତାଳେ ତାଳେ ନିୟମ କାନୁନର ଧଜିଆ ଉଡ଼ାଉଥିଲେ ନୋ ଲିମିଟକୁ ଆସୁଥିବା ଯୁବପୀଢ଼ି। କର୍ତ୍ତୃପକ୍ଷଙ୍କର ନା ଥିଲା ପୋଲିସକୁ ଭୟ, ନା ଥିଲା ଅବକାରୀ ବିଭାଗକୁ ଖାତିର । ରେଷ୍ଟୁରାଣ୍ଟ ନାଁରେ ରାତିତମାମ ରାଜଧାନୀରେ ଚାଲୁଥିଲା ତାମ୍‌ସା ।

ଅଧିକ ପଢ଼ନ୍ତୁ: ଲିମିଟ୍ କ୍ରସ କରି ଛାତି ଥରାଉଥିଲା 'ନୋ ଲିମିଟ୍'

ଲାଇସେନ୍ସ ନଥିଲା କିନ୍ତୁ ପଡ଼ିଥିଲା ପୁଳା ପୁଳା ମଦ ବୋତଲ । ଅଭିଯୋଗ ହେଉଛି, ରାଜମହଲରେ ଥିବା 'ନୋ ଲିମିଟ୍' ବ୍ରାଞ୍ଚରୁ ସେଠାକୁ ସପ୍ଲାଏ ହେଉଥିଲା ମଦ । ବ୍ୟାଚଲର୍ ପାର୍ଟି, ବାର୍ଥ ଡେ' ପାର୍ଟି ହେଲେ ନିଶା ଖାଇ ନାକେଦମ କରୁଥିଲେ ନିଶାଡ଼ି । କିଛି ମାସ ତଳେ ମଧ୍ୟ ଠିକ ସେହି ସ୍ଥାନରେ ବିଳମ୍ବିତ ରାତିରେ ଯୁବକଙ୍କୁ ହୋଇଥିଲା ଛୁରାମାଡ଼ । ସବୁଦେଖି ମଧ୍ୟ ନିଦାବିଷ୍ଣୁ ପାଲଟିଥିଲା ପୋଲିସ । କୁମ୍ଭକର୍ଣ୍ଣ ନିଦରେ ଶୋଇଥିଲା ଅବକାରୀ ବିଭାଗ ।