ଅର୍ଗସ ବ୍ୟୁରୋ : କେନ୍ଦ୍ରାପଡ଼ାର ପ୍ରିୟଙ୍କା ମିଶ୍ର ଓ ଭୁବନେଶ୍ୱରର ସୁରଜ ଦାସ । ବୈଦିକ ରୀତିନୀତିରେ ବିବାହ ହେଲା । ପରିବାର ବି ସୁରୁଖୁରୁରେ ଚାଲିଥିଲା । ହେଲେ ବିବାହର ଅଢେଇ ବର୍ଷ ପରେ ଗତ କାଲି ରାତିରେ ଶ୍ୱଶୁର ଘର ବନ୍ଦ କୋଠରୀରୁ ପ୍ରିୟଙ୍କାଙ୍କ ଝୁଲନ୍ତା ଅବସ୍ଥାରେ ମୃତ ଦେହ ମିଳିଲା । ପ୍ରିୟଙ୍କାଙ୍କ ମୃତ୍ୟୁ ଆତ୍ମହତ୍ୟା ନୁହେଁ ବରଂ ଏକ ହତ୍ୟା କାଣ୍ଡ ବୋଲି ଥାନାରେ ଅଭିଯୋଗ କରିଛନ୍ତି ପ୍ରିୟଙ୍କାଙ୍କ ବାପ ଘର ଲୋକେ । 

ଅଧିକ ପଢନ୍ତୁ ଓଡ଼ିଶା ଖବର

ପ୍ରିୟଙ୍କାଙ୍କୁ ଶାଶୁ ଘର ଲୋକେ ନିର୍ଯାତନା ଦେବା ସହ ତାଙ୍କ ଗର୍ଭ ନଷ୍ଟ କରାଯାଇଥିବା ଅଭିଯୋଗ ହୋଇଛି । ପୋଲିସ ଏକ ହତ୍ୟା ମାମଲା ରୁଜୁ କରି ଶବ ବ୍ୟବଛେଦ ପାଇଁ ପଠାଇଛି । ତା ସହ ସାମ୍ନାକୁ ଆସିଛି ପ୍ରିୟଙ୍କାଙ୍କ ସ୍ୱାମୀ ସୁରଜ ଦାସଙ୍କ ଅନ୍ୟ ଜଣେ ମହିଳାଙ୍କ ସହ ଥିବା ପ୍ରେମ ସମ୍ପର୍କର ଅଡିଓ କ୍ଲିପ । ଏପରିକି ଭିଡିଓ କଲ କରି ଉଭୟେ କଥା ହେଉଥିବାର ଫଟୋ ମଧ୍ୟ ସାମ୍ନା କୁ ଆସିଛି । 

ଯାହାକୁ ନେଇ ପୂର୍ବରୁ ସମ୍ପୃକ୍ତ ମହିଳାଙ୍କୁ ତାଗିତ କରିଥିଲେ ପ୍ରିୟଙ୍କା । ତେବେ ପ୍ରିୟଙ୍କାଙ୍କ ଶ୍ୱଶୁର ଘର ଲୋକ ତାଙ୍କ ବିରୋଧରେ ଆସିଥୁବା ଅଭିଯୋଗକୁ ଖଣ୍ଡନ କରିବା ସହ ନିଜ ବୋହୁ ବିରୋଧରେ ପାଲଟା ଅଭିଯୋଗ ଆଣିଛନ୍ତି । ପୋଲିସ ପ୍ରିୟଙ୍କାଙ୍କ ସ୍ୱାମୀ ସୁରଜଙ୍କୁ ଅଟକ ରଖିଥିବା ବେଳେ ପୋଷ୍ଟମଟମ ରିପୋର୍ଟ ଅନୁସାରେ ଆଗକୁ କାର୍ଯ୍ୟାନୁଷ୍ଠାନ ନେବ ବୋଲି ପ୍ରତିକ୍ରିୟା ରଖିଛି ।