ଟ୍ରାଫିକ୍ ପାଇଁ ରାଜଧାନୀ ଜାମ୍ । ନାକେଦମ୍‌ କରୁଛି ଭିଡ଼ । ସେ ଦିନ ହେଉ କି ରାତି । କଲବଲ କରୁଛି ଟ୍ରାଫିକ୍‌ ଜାମ୍‌ । ଘଣ୍ଟାଘଣ୍ଟା ଧରି ରାସ୍ତାରେ ଫସି ରହୁଛି ଗାଡି । ଭୁବନେଶ୍ୱରରେ ନାକେଦମ କରୁଛି ଟ୍ରାଫିକ୍‌ ସମସ୍ୟା । ବାଣୀବିହାରରୁ ବରମୁଣ୍ଡା..ହଂସପାଳରୁ ରସୁଲଗଡ଼...କଳ୍ପନା । ରାଜରାସ୍ତାରେ ପଛକୁ ପଛ ଲମ୍ବି ଯାଉଛି ଗାଡ଼ି । ଘଣ୍ଟାଘଣ୍ଟା ଧରି ଭିଡ଼ରେ ଫସି ରହୁଛି ଗାଡ଼ି । ଏମିତି କି ଏଥିରୁ ବର୍ତ୍ତି ପାରୁନି ଆମ୍ବୁଲାନ୍ସ । ବହୁବାର ତ ଆମ୍ବୁଲାନ୍ସ ବି ଯିବାକୁ ବାଟ ପାଉନି ।

ଅଧିକ ପଢ଼ନ୍ତୁ: BJDକୁ ଧୋଇଲେ ସନା, କହିଲେ ଶହ ଶହ କୋଟି ନେଲେ କିନ୍ତୁ କିଛି ଦେଲେନି !

ତେବେ କାହିଁକି ରାଜଧାନୀରେ ଏଭଳି ଟ୍ରାଫିକ୍‌ ସମସ୍ୟା ଉପୁଜୁଛି ? ଆଉ ଏହାର ସମାଧାନ କ'ଣ ତା'ର ଟେର ପାଉନି ପ୍ରଶାସନ । ଅଫିସ ଆୱାରରେ ଭାରୀଯାନ ସହର ଭିତରକୁ ପ୍ରବେଶ କରୁଛି ବୋଲି ଏଭଳି ଅସମ୍ଭାଳ ଭିଡ଼ ହେଉଥିବା ଅଭିଯୋଗ ହୋଇଛି । ତେବେ ଦିନେ କି ଦୁଇଦିନ ନୁହେଁ ବାରମ୍ବାର ଏଭଳି ସମସ୍ୟା ଦେଖିବାକୁ ମିଳୁଛି । ବିଶେଷ କରି ସନ୍ଧ୍ୟାରେ ଏହି ସମସ୍ୟା ଉତ୍କଟତର ହେଉଛି ।

ଆଉ ପୁରୀ ବାଇପାସ ରୋଡ୍‌ କଥା ନ କହିବା ଭଲ । ନାଁ ସିନା ବାଇପାସ୍‌ ହେଲେ ଭିଡ଼ ଜନପଥଠୁ କମ୍‌ ନୁହେଁ । ବିବାହ ତିଥିରେ ନାହିଁ ନଥିବା ଭିଡ଼ ଦେଖିବାକୁ ମିଳୁଛି । ରାତି ୧୨ଟା ଯାଏ ଗାଡ଼ି ମଟର ପଛକୁ ପଛ ଧଉଳି ଛକ ଯାଏ ଲମ୍ବି ଯାଉଛି । ପୁରୀ ବାଇପାସ୍‌ ରୋଡରେ ୫୦ରୁ ଅଧିକ ବିବାହ ମଣ୍ଡପ ରହିଛି । ଆଉ ବାହାଘର ତିଥିରେ ଏହି ରୋଡ୍‌ କଥା ନ କହିବା ଭଲ । ତେବେ ସରକାରୀ ଗାଇଡଲାଇନକୁ ବେଖାତିର କରି ଏଠାରେ ବରଯାତ୍ରୀ ପ୍ରୋସେସନ ହେଉଥିବାରୁ ଏଭଳି ଭିଡ଼ ଦେଖିବାକୁ ମିଳୁଛି । ଯାହାକୁ ନେଇ ଯାତ୍ରୀଙ୍କ ମଧ୍ୟ ଅସନ୍ତୋଷ ପ୍ରକାଶ ପାଉଛି ।

ଅଧିକ ପଢ଼ନ୍ତୁ: ହ୍ୟୁମାନଙ୍କ ମୃତ୍ୟୁ ନେଇ ବଡ଼ ବୟାନ ଦେଲେ ଅନୁଭବ, କହିଲେ...

ରାଜଧାନୀରେ ଟ୍ରାଫିକ୍ ଜାମ । ଫାଇନ୍‌ ଆଦାୟ ହେଉଛି ହେଲେ ସମସ୍ୟାର ସମାଧାନ ହେଉନି। ଟ୍ରାଫିକ ଜାମ୍‌ ଭିତରେ ଘଣ୍ଟା ଘଣ୍ଟା ଫସି ଯାଉଛନ୍ତି ପଥିକ । ଆଉ କେତେ ଏହି ସମସ୍ୟାର ସ୍ଥାୟୀ ସମାଧାନ ହେବ ତାକୁ ସମସ୍ତଙ୍କ ଅପେକ୍ଷା ।