Crime In Odisha / ଲିଫ୍ଟ ବାହାନାରେ ଦୁଷ୍କର୍ମ ଉଦ୍ୟମ; ବଞ୍ଚାଇଦେଲା ମୋବାଇଲ୍‌ର ୧୦ ପ୍ରତିଶତ ଚାର୍ଜ

ଭୁବନେଶ୍ଵର: ଫିଲ୍ମ ଷ୍ଟାଇଲରେ ଅପହରଣ । ଘଞ୍ଚ ଜଙ୍ଗଲ ଭିତରୁ ଯୁବତୀଙ୍କୁ ଉଦ୍ଧାର କଲା ପୋଲିସ । ଭୁବନେଶ୍ଵର କମିଶନରେଟ ପୋଲିସ ଅଞ୍ଚଳରେ ଏହି ଘଟଣା । ଗତକାଲିର ଏହି ଘଟଣା ଏବେ ଚାଞ୍ଚଲ୍ୟ ସୃଷ୍ଟି କରିଛି। ଯୁବତୀଙ୍କ ଉପସ୍ଥିତ ବୁଦ୍ଧି, ସାହାସ ତାରିଫ୍ କଲା ଭଳି । ଆଉ କମିଶନରେଟ୍ ପୋଲିସର ଆକ୍ସନ ମଧ୍ୟ ପ୍ରଶଂସାଯୋଗ୍ୟ ।

ଏ ପୂରା କାହାଣୀ ଶୁଣିଲେ ଆପଣ ଥରି ଉଠିବେ । ରବିବାର ଅପରାହ୍ଣ । ଖୋର୍ଦ୍ଧା ବସଷ୍ଟପ୍ ଠାରେ ଅସହାୟ ଯୁବତୀ ଜଣଙ୍କ ବାଇକ୍ ଚାଳକଙ୍କୁ ମାଗିଥିଲେ ଲିଫ୍ଟ । ହେଲେ ଲିଫ୍ଟ ଦେବା ବାହାନାରେ ଅଭିଯୁକ୍ତ ଯୁବତୀଙ୍କୁ ପିତାପଲ୍ଲୀରୁ ଚନ୍ଦକା ଯିବା ରାସ୍ତାରେ ନେଇ ଯାଇଥିଲେ ପାଖ ରତନପୁର ଜଙ୍ଗଲ ଭିତରକୁ ।

ଏଥିସହ ପଢ଼ନ୍ତୁ: ସମାଜସେବୀ ନା ମହାଠକ ? ମଞ୍ଚରେ ମାରୁଥିଲା ଭାଷଣ, ପଛରେ ରଚୁଥିଲା ଠକେଇର ଜାଲ 

ଯୁବତୀଙ୍କ ପ୍ରତିରୋଧ ସତ୍ତ୍ଵେ ଯୁବକ ଛୁଟାଇଥିଲେ ନିଜ ବାଇକ୍ । ଏପଟେ ସନ୍ଧ୍ୟା ହୋଇ ଆସୁଥିଲା । ନିସ୍ତବ୍ଧ ଜଙ୍ଗଲ ଭିତରେ ଆରମ୍ଭ ହୋଇଥିଲା ଜୀବନ ବଞ୍ଚାଇବାକୁ ଉଦ୍ୟମ । ଅସହାୟତାର ସୁଯୋଗ ନେଇ ଅଭିଯୁକ୍ତ ପାଲଟି ଯାଉଥିଲା ରାକ୍ଷସ । ମୋବାଇଲ୍ର ଚାର୍ଜ ସରି ଆସୁଥାଏ, ସେପଟେ ଅନ୍ଧାର ମାଡ଼ି ଆସୁଥାଏ । ସାହସ ଜୁଟାଇ ଯୁବତୀ ଜଣଙ୍କ ପୋଲିସକୁ କଲ୍ କରିଥିଲେ ।

ଯୁବତୀଙ୍କ କଲ୍ ପାଇ ତତ୍ପର ହୋଇ ଉଠିଥିଲା ପୋଲିସ । କଣ୍ଟ୍ରୋଲ ରୁମ୍ରୁ ଆରମ୍ଭ ହୋଇଥିଲା ଅପରେସନ୍ । ରତନପୁର ଜଙ୍ଗଲ ଭିତରେ ବଡ଼ ଧରଣର ସର୍ଚ୍ଚ ଅପରେସନ୍ ଆରମ୍ଭ ହୋଇଥିଲା । ଭୟ ଥିଲା ଯଦି ଫୋନ୍ ସୁଇଚ୍ ଅଫ ହୋଇଯାଏ, ତା ହେଲେ ଲୋକେସନ୍ ଟ୍ରାକ୍ କରିବା ମୁସ୍କିଲ୍ ହୋଇ ପଡ଼ିବ ।

ଏପଟେ ଚାଲିଥାଏ ଜିପିଏସ ଟ୍ରାକିଂ । ସେପଟେ ଏକାଥରକେ ଚାରି ଥାନାର ପୋଲିସ୍ ଜଙ୍ଗଲ ଭିତରେ ଆରମ୍ଭ କରିଥିଲେ ସର୍ଚ୍ଚ ଅପରେସନ୍ । ଡିସିପିଙ୍କ ନେତୃତ୍ୱରେ ଜୋନ୍ ଏସିପି, ଖଣ୍ଡଗିରି ଥାନା, ଭରତପୁର, ଜଟଣୀ ଥାନା ସହିତ ଇନଫୋଭାଲି ଥାନାର ଆଇଆଇସି ସାମିଲ୍ ହୋଇଥିଲେ ସର୍ଚ୍ଚ ଓ ଓ ରେସ୍କ୍ୟୁ ଅପରେସନ୍‌ରେ ।

ଏଥିସହ ପଢ଼ନ୍ତୁ: ଜୀବନ ବୀମା ଟଙ୍କା ପାଇଁ ସ୍ତ୍ରୀ-ଝିଅର ଷଡ଼ଯନ୍ତ୍ର; ଛାତି ଥରାଇଦେବ ଏହି ହତ୍ୟା କାହାଣୀ 

ଡାକବାଜି ଯନ୍ତ୍ର, ଡ୍ରୋନ୍‌ର ବ୍ୟବହାର କରି ଜଙ୍ଗଲ ଭିତରୁ ପୀଡ଼ିତାଙ୍କୁ ଠାବ କରାଯାଇଥିଲା । ଦୀର୍ଘ ୩ ଘଣ୍ଟାର ଅପରେସନ ପରେ ସିସିଟିଭି ଯାଞ୍ଚ କରି ଅଭିଯୁକ୍ତ ପାଖେ ପହଞ୍ଚିଥିଲା ପୋଲିସ । ଅଭିଯୁକ୍ତ ଜଣକ ଫେରାର ହେବାକୁ ଉଦ୍ୟମ କରୁଥିବା ବେଳେ ରୋଡରେ ଲାଗି ଥିବା ସିସିଟିଭି ଫୁଟେଜ ଅଧାରରେ ମାଡ଼ି ବସିଛି ପୋଲିସ ।