ଅର୍ଗସ ବ୍ୟୁରୋ : ଦେଶରେ ପୁଣି ସାମ୍ନାକୁ ଆସିଛି ଏସିଡ ଆଟାକ୍ ଘଟଣା । ଦିଲ୍ଲୀର ଜଣେ ମହିଳାଙ୍କ ଉପରେ ହୋଇଥିବା ଏସିଡ ଆଟାକକୁ ବିରୋଧ କରି ଆଜି ଲୋୟର ପିଏମ୍ଜିରେ ଶାନ୍ତିପୂର୍ଣ୍ଣ ଧାରଣା ଦେଇଛନ୍ତି ଓଡ଼ିଶାର ଏସିଡ ପିଡିତା । ଦେଶରୁ ଖୁଲମ ଖୁଲା ହେଉଥିବା ଏସିଡ ବିକ୍ରି ବନ୍ଦ ପାଇଁ ସରକାରଙ୍କୁ କରିଛନ୍ତି ନିବେଦନ । ରାଜ୍ୟ ତଥା ଦେଶରେ ଖୋଲା ଖୋଲି ଭାବେ ଏସିଡ ବିକ୍ରି ହେଉଥିବା କାରଣରୁ ବାରମ୍ବାର ଏଭଳି ଘଟଣା ଘଟୁଛି ବୋଲି କହିଛନ୍ତି ଏସିଡ଼ ପୀଡିତ ପ୍ରମୋଦିନୀ ରାଉଳ । 

ଅଧିକ ପଢନ୍ତୁ ଓଡ଼ିଶା ଖବର

ଆଜି ବି ଓଡ଼ିଶାରେ ଏଭଳି ଏସିଡ ପିଡିତା ମାନେ ଅଛନ୍ତି ଯେଉଁମାନେ ନ୍ୟାୟ ପାଇ ନାହାନ୍ତି । ଅଭିଯୁକ୍ତ ମାନେ ଖୋଲା ଆକାଶରେ ବୁଲୁଛନ୍ତି । ରାଜ୍ୟ ସରକାର ଏସିଡ ପୀଡିତ କିମ୍ବା ପୀଡିତା ମାନଙ୍କ ପାଇଁ ନା କମ୍ପେନସେସନ ରଖିଛନ୍ତି ନା କୌଣସି ଅନୁକମ୍ପା ମୂଳକ ଚାକିରି । ଅନେକ ଝିଅ ମାନେ ଆଜି ବି ଏସିଡ ଆଟାକ ପରେ କୌଣସି କ୍ଷେତ୍ରରେ କାମ କରିବାକୁ ଅସହଜ ମନେ କରୁନାହାନ୍ତି । କେବଳ ଝିଅ ନୁହେଁ ମଦ ବିରୋଧ ଆନ୍ଦୋଳନକୁ ତୀବ୍ର କରିବାରୁ କେନ୍ଦ୍ରାପଡାର ପୁଅ ହିମାଂଶୁ ଶେଖର ବାରିକଙ୍କୁ ୨୦୧୮ରେ ଏସିଡ ଆଟାକ୍ ହୋଇଥିଲା । 

ଏବେ ପର୍ଯ୍ୟନ୍ତ ଦୋଷୀଙ୍କୁ ଦଣ୍ଡ ମିଳିନାହିଁ । ସେପଟେ ମମିତା ବେହେରା ଢେଙ୍କାନାଳର ଝିଅ ୨୦୦୫ ମସିହାରେ ତାଙ୍କ ଉପରେ ଏକତରଫା ପ୍ରେମ କରୁଥିବା ବ୍ୟକ୍ତି ଏସିଡ ଆଟାକ କରିଥିଲେ । ୧୭ ବର୍ଷ ହେଲାଣି ଗୋଟେ ଜାଗାରେ ମାତ୍ର ୩୦୦୦ ଟଙ୍କାରେ ଚାକିରୀ କରୁଛନ୍ତି । ଏଭଳି ଅନେକ ଘଟଣା ଏବେ ବି ରାଜ୍ୟରେ ଅଛି । ଯେଉଁ ଦୋଷୀ ମାନଙ୍କୁ ଧରିବାରେ ଅସକ୍ଷମ ହୋଇଛି ରାଜ୍ୟ ପୋଲିସ ବୋଲି ଅଭିଯୋଗ କରିଛନ୍ତି ପୀଡିତା ।