ଅର୍ଗସ ବ୍ୟୁରୋ : ନୟାଗଡ଼ ଟାଉନ ଥାନା ପୋଲିସକୁ ମିଳିଛି ବଡ଼ ସଫଳତା । ପଶ୍ଚିମବଙ୍ଗର କୁଲପି ଥାନା ବଡ଼ବଇଡ଼ା ଗ୍ରାମର ନାଜୁରୁଲ୍ ମୋଲାଙ୍କ ପୁଅ ଆଲୋମ୍‌ଗିରି ମୋଲା ନୟାଗଡ଼ ଟ୍ରାଫିକ ଛକରେ ଏକ ବ୍ୟାଗ ଧରି ଛିଡ଼ା ହୋଇଥିଲେ । ଲୋକଙ୍କ ସନ୍ଦେହ ହେବାରୁ ଟାଉନ ଥାନା ପୋଲିସ ଖବର ଦେଇଥିଲେ, ପୋଲିସ ପହଞ୍ଚି ତାଙ୍କ ବ୍ୟାଗ ଚେକିଙ୍ଗ୍ କରିଥିଲେ । 

ଚେକିଂ ସମୟରେ ବ୍ୟାଗରୁ ୨୬୯ ଗ୍ରାମ ସୁନା ହାର ଜବତ ହେବା ସହ ୪ ଲକ୍ଷ ୮୯ ହଜାର ୧୦୦ ଟଙ୍କା ଜବତ କରିଥିଲା ।  ଏହି ସବୁ ଚୋରି ସାମଗ୍ରୀ ବୋଲି ଜଣା ପଡିଛି । ସମସ୍ତ ଟଙ୍କା ଓ ସାମଗ୍ରୀକୁ ପୋଲିସ ସିଜ୍ କରିଛି । ଟାଉନ ଥାନା କେସ୍ ନଂ-୬୨ ରେ ମାମଲା ରୁଜ କରି ଅଭିଯୁକ୍ତକୁ ଗିରଫ କରାଯାଇଛି । 

ଅଧିକ ପଢନ୍ତୁ ଓଡ଼ିଶା ଖବର

ଅଭିଯୁକ୍ତ ଜଣଙ୍କ ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ଅଞ୍ଚଳରେ ରହୁଥିବା ଜଣା ପଡିଛି । ୧୦ ଗୋଟି ସୁନା ନେକ୍‌ଲେସ୍, ୬ ଗୋଟି ସୁନା ଚେନ୍, ୩ ଗୋଟି ସୁନା ରାଣୀ ହାର ଲକେଟ୍, ୬ ଗୋଟି ଆମ୍ବକସି ଲକେଟ୍, ୨୮ ଗୋଟି ସୁନା ଟପ୍‌ସ, ୨ ଗୋଟି ସୁନା ମୁଦି, ୩ ଗୋଟି କାନ ରିଙ୍ଗ ଓ ୨ଗୋଟି ସୁନା ପିସ୍ ଜବତ କରିଛନ୍ତି । ମୋଟ ୨୬୯ ଗ୍ରାମ ସୁନା ଜବତ କରିଛି ।