ଅର୍ଗସ ବ୍ୟୁରୋ : ବିଜୁ ଜନତା ଦଳର ମିଥ୍ୟା ବିଜ୍ଞାପନକୁ ନେଇ ଥାନାର ଦ୍ୱାରସ୍ଥ ହେଲା ବିଜେପି । ଖାରବେଳ ନଗର ଥାନାରେ ବିଜେପି ଲିଖିତ ଅଭିଯୋଗ କରିବା ସହ ବିଜ୍ଞାପନକୁ ପୋଡିଛି । ଯୋଜନାବଦ୍ଧ ଷଡଯନ୍ତ୍ର କରି ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାକୁ ରାଜ୍ୟ ସରକାର ଶାସକ ଦଳର ସ୍ୱାର୍ଥରେ ବ୍ୟବହାର କରିବା ପ୍ରସଙ୍ଗରେ ସମସ୍ତ ଖବରକାଗଜର ପ୍ରଥମ ପୃଷ୍ଠାରେ ବିଜ୍ଞାପନ ପ୍ରକାଶ ପାଇଥିଲା ।

ରାଜ୍ୟ ଖାଦ୍ୟ ସୁରକ୍ଷା ଯୋଜନାକୁ ନେଇ ରାଜ୍ୟ ସରକାରଙ୍କ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ତରଫରୁ ବିଜ୍ଞାପନ ପ୍ରକାଶ ପାଇଛି । ଏହି ବିଜ୍ଞାପନରେ ବିଜୁ ଜନତା ଦଳର ସଭାପତି ତଥା ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ରାଜ୍ୟବାସୀଙ୍କୁ ବାର୍ତ୍ତା ଦେଇଥିଲେ । ଖାଦ୍ୟ ସୁରକ୍ଷା ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ବାରା ରାଜ୍ୟ ଖାଦ୍ୟ ସୁରକ୍ଷା ଯୋଜନା ଅଧିନରେ ମାଗଣା ଚାଉଳ ଅବଧିକୁ ଆଗାମୀ ୫ ବର୍ଷ ପାଇଁ ସଂପ୍ରସାରଣ ଉଲ୍ଲେଖ ରହିଥିଲା ।

ଅଧିକ ପଢନ୍ତୁ ଓଡ଼ିଶା ଖବର

ପ୍ରତ୍ୟେକ ହିତାଧିକାରୀକୁ ପ୍ରତି ମାସ ୫ କିଲୋଗ୍ରାମ ମାଗଣା ଚାଉଳ ଯୋଗାଣରେ ସମୁଦାୟ ୧୨ ଶହ ୫୦ କୋଟି ଟଙ୍କାର ବ୍ୟୟ ବରାଦ ହୋଇଥିଲେ ବି ଏ ଟଙ୍କା କାହାର, କିଏ ଦେବ ସେ ନେଇ କିଛି ଉଲ୍ଲେଖ ନଥିଲା । ଯାହାକୁ ନେଇ ବିଜେଡି କେନ୍ଦ୍ରୀୟ ଯୋଜନା ହାଇଜାକ କରିବାକୁ ଯୋଜନା କରୁଛି ବୋଲି ବିଜେପି ଅଭିଯୋଗ କରିଛି ।

Argus News | argus news | Odisha Latest News, Breaking News, Trending News, Live TV