ମାନସ ମଙ୍ଗରାଜଙ୍କୁ ବିଜେପି ବିଧାୟକ ଲଳିତେନ୍ଦୁ ବିଦ୍ୟାଧରଙ୍କ ଜବାବ
ଅର୍ଗସ ବ୍ୟୁରୋ : ଶ୍ରୀମନ୍ଦିର-ପାଣ୍ଡିଆନ୍-କାମିଆ-ଗୋମାଂସ ବିବାଦକୁ ନେଇ ସୋସିଆଲ୍ ମିଡିଆରେ ଝଡ଼ । ଏକ୍ସରେ ସୋସିଆଲ୍ ମିଡିଆ ବ୍ଲଗର କାମିଆ ଜାନିଙ୍କ ସପକ୍ଷରେ ଓକିଲାତି କରିଛନ୍ତି ବିଜେଡି ରାଜ୍ୟସଭା ସାଂସଦ ମାନସ ମଙ୍ଗରାଜ । ତାଙ୍କୁ ଜବାବ ଦେଇଛନ୍ତି ବିଜେପି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର । କାମିଆ ଜାନି ଦେଶର ଅନ୍ୟ ମନ୍ଦିରକୁ ଯାଇଥିବାବେଳେ ତାଙ୍କ ଶ୍ରୀମନ୍ଦିର ଆସିବାକୁ କାହିଁକି ବିରୋଧ କରାଯାଉଛି ?
ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ବିଜେପି ଅସହିଷ୍ଣୁ ହେଉଥିବା ଅଭିଯୋଗ କରିଛନ୍ତି ମାନସ ମଙ୍ଗରାଜ । ତାଙ୍କୁ କଡ଼ା ଜବାବ ଦେଇ ବିଜେପି ବିଧାୟକ ଲଳିତେନ୍ଦୁ ବିଦ୍ୟାଧର ଲେଖିଛନ୍ତି ସତ ଲୁଚାଇବାକୁ ଯେତେ ଅଧିକ ଚେଷ୍ଟା କରିବେ ସେତେ ଅଧିକ ମୁଖା ଖୋଲିବ ? ଗୋମାଂସ ଭକ୍ଷଣକୁ ପ୍ରୋତ୍ସାହିତ କରୁଥିବା ଜଣେ ବ୍ଲଗର ମହାପ୍ରସାଦର ପ୍ରଚାର କରିବାକୁ ବିଜେଡି କେମିତି ଠିକ୍ ବୋଲି ଦର୍ଶାଇବାକୁ ଚେଷ୍ଟା କରୁଛି କି ? ଶ୍ରୀଜଗନ୍ନାଥଙ୍କ ମହାପ୍ରସାଦ ପବିତ୍ର, ଏହା କୌଣସି ରେସ୍ତୋରାଁର ଖାଦ୍ୟ ନୁହେଁ ।
ଅଧିକ ପଢନ୍ତୁ ଓଡ଼ିଶା ଖବର
📱 Get Argus News App
✨ମହାପ୍ରସାଦ କୋଟି କୋଟି ହିନ୍ଦୁ ଓ ଜଗନ୍ନାଥ ପ୍ରେମୀଙ୍କ ଆସ୍ଥା ଓ ବିଶ୍ବାସର ପ୍ରତୀକ । ଏହାକୁ କେହି ପ୍ରଚାର କରିବା ଆବଶ୍ୟକ ନାହିଁ । ପାଣ୍ଡିଆନଙ୍କୁ ଟାର୍ଗେଟ୍ କରି ଲଳିତେନ୍ଦୁ ଲେଖିଛନ୍ତି କୌଣସି ବ୍ୟକ୍ତି ବା ଦଳ ଜଗନ୍ନାଥ ସଂସ୍କୃତିଠାରୁ ଉର୍ଦ୍ଧ୍ବରେ ନୁହନ୍ତି । କାମିଆ ଗୋମାଂସର ପ୍ରଚାର କରିଛନ୍ତି ନା ନାହିଁ ତାହା ସବୁଠାରୁ ବଡ଼ ପ୍ରଶ୍ନ ? ଏକଥା ଜାଣି ମଧ୍ୟ କେମିତି ଓ କାହିଁକି କାମିଆଙ୍କୁ ପାଣ୍ଡିଆନ୍ ନିମନ୍ତ୍ରଣ କଲେ ? ସେପଟେ ଏହି ପ୍ରସଙ୍ଗରେ ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ ଲେଖିଛନ୍ତି କାମିଆ ଜାନିଙ୍କ ଶ୍ରୀମନ୍ଦିର ପ୍ରବେଶ ଓ ମହାପ୍ରସାଦ ସେବନ କୋଟି ଜଗନ୍ନାଥ ପ୍ରେମୀଙ୍କ ହୃଦୟକୁ କଷ୍ଟ ଦେଇଛି । ଘଟଣାରେ ସମ୍ପୃକ୍ତ ସମସ୍ତଙ୍କୁ ଜଗନ୍ନାଥ ଠିକ୍ ଦଣ୍ଡ ବିଧାନ କରିବେ ।