ଅର୍ଗସ ବ୍ୟୁରୋ : ରାଜ୍ୟର ପ୍ରତ୍ୟେକ ଗାଁକୁ ଯିବ ବିଜେପି । ଆସନ୍ତା ଫେବୃଆରୀ ୯ ତାରିଖରୁ ୧୧ ତାରିଖ ପର୍ଯ୍ୟନ୍ତ ୩ ଦିନ ଧରି ଜାରି ରହିବ ଗାଁକୁ ଚାଲ ଅଭିଯାନ । ଗାଁକୁ ଚାଲ ଅଭିଯାନ ପାଇଁ ବିଜେପି ରାଜ୍ୟ କାର୍ଯ୍ୟାଳୟରେ ଆୟୋଜିତ କର୍ମଶାଳାରେ ହୋଇଛି ଗୁରୁତ୍ଵପୂର୍ଣ୍ଣ ଆଲୋଚନା । ଗାଁ ଲୋକଙ୍କ ପାଖରେ କେତେ ପହଞ୍ଚିଛି ମୋଦି ସରକାରଙ୍କ କଲ୍ୟାଣକାରୀ ଯୋଜନା । ଯୋଗ୍ୟ ହିତାଧିକାରୀଙ୍କୁ କାହିଁକି ମିଳିନି ପ୍ରଧାନମନ୍ତ୍ରୀ ଆବାସ । ସ୍ଵଚ୍ଛ ଭାରତ ଅଭିଯାନରେ ମିଳିଛି କି ନାହିଁ ଶୌଚାଳୟ ସହାୟତା ? ଜଳ ଜୀବନ ମିଶନରେ ଘରକୁ ପାଇପ ଯୋଗେ ମିଳୁଛି ତ ସ୍ଵଚ୍ଛ ପାନୀୟ ଜଳ । ଯଦି କେନ୍ଦ୍ରୀୟ ଯୋଜନାର ସହାୟତା ଲୋକଙ୍କୁ ମିଳୁନି ତେବେ କିଏ ସାଜୁଛି ବାଧକ । ଏ ସବୁର ସ୍ଥିତି ଅନୁଧ୍ୟାନ କରିବେ ବିଜେପି କର୍ମକର୍ତ୍ତା ।

ବିଜେଡି ସରକାର କିପରି କେନ୍ଦ୍ର ଦେଉଥିବା ବ୍ୟାପକ ସହାୟତାରେ ବାଧକ ସାଜୁଛି ସେ ନେଇ ଲୋକଙ୍କୁ ସଚେତନ କରିବ ଦଳ । ୧ କୋଟି ପରିବାର ସହ ଜନ ସଂପର୍କ କରିବେ ବିଜେପି କର୍ମୀ ଓ ନେତା । ମୋଦି ସରକାର ଦେଶକୁ ରାମ ରାଜ୍ୟରେ ପରିଣତ କରିବା ପାଇଁ ପରିକଳ୍ପନା କରୁଥିବା ବେଳେ ଦଳର ଅଭିଯୋଗ, ଓଡ଼ିଶାରେ ବିଜେଡ଼ି ସରକାର ରାବଣ ରାଜ୍ୟର ରାଜା ହିସାବରେ ନିଜକୁ ପ୍ରତିପାଦିତ କରିଛି । କେନ୍ଦ୍ରରୁ ଆସୁଥିବା ସହାୟତାକୁ ବିଜେଡ଼ିର ଧନୀ ନେତା ମାନେ ହଡ଼ପ କରୁଛନ୍ତି । ଗାଁକୁ ଚାଲ ଅଭିଯାନ ମାଧ୍ୟମରେ ଏ ସବୁକୁ ପର୍ଦ୍ଦାଫାଶ କରିବ ବିଜେପି । ଉଭୟ କେନ୍ଦ୍ର ଏବଂ ରାଜ୍ୟରେ ରାମ ରାଜ୍ୟ ପ୍ରତିଷ୍ଠା କରି ସରକାର ଗଠନ ପାଇଁ ୩ ଦିନ ଧରି ଗାଁ ଗାଁକୁ ଯିବେ ବିଜେପି କର୍ମକର୍ତ୍ତା । ଏବେ ବୁଥ ସମ୍ପର୍କ ଅଭିଯାନ ସାରା ରାଜ୍ୟରେ ଚାଲିଛି ।

ଅଧିକ ପଢନ୍ତୁ ଓଡ଼ିଶା ଖବର

୨୦୧୯ ନିର୍ବାଚନରେ ୨ ନମ୍ବରରୁ ୧ ନମ୍ବର ବିରୋଧୀ ଦଳ ହୋଇଥିଲା ବିଜେପି । ଓଡ଼ିଶାରେ ବିଜେପିକୁ ୮ ଲୋକସଭା ଆସନ ସହ ୩୮.୩୭ ପ୍ରତିଶତ ଭୋଟ୍ ମିଳିଥିଲା। ବିଜେଡିର ଭୋଟହାର ଥିଲା ୪୨.୭୬ ପ୍ରତିଶତ ଏବଂ କଂଗ୍ରେସକୁ ମିଳିଥିଲା ମାତ୍ର ୧୪.୭୩ ପ୍ରତିଶତ ଭୋଟ୍ । ବିଜେଡି ଓ ବିଜେପି ମଧ୍ୟରେ ଥିଲା ମାତ୍ର ୧୦ ଲକ୍ଷ ଭୋଟର ବ୍ୟବଧାନ । ୨୦୧୯ର ଏହି ଗ୍ୟାପକୁ କାଟି ୨୦୨୪ରେ ସରକାର ଗଠନ କରିବାକୁ ରଣନୀତି କରୁଛି ବିଜେପି ।

Argus News | argus news | -Argusnews Home: Odisha Latest News, Breaking News, Trending News, Live TV and more