ରାଜସ୍ଵ ଆଦାୟ ପାଇଁ ବିଏମସିର ନୂଆ ଫଣ୍ଡା । ଏଣିକି ଅଳିଆ ଆବର୍ଜନା ପାଇଁ ରାଜଧାନୀବାସୀ ଗଣିବେ ଟଙ୍କା । ସଫା ସାଥି ଆପ୍ ଜରିଆରେ ମିଳିବ ସବିଶେଷ ତଥ୍ୟ । ଏଣିକି ଅଳିଆ ଆବର୍ଜନା ଉଠାଇବା ପାଇଁ ଭୁବନେଶ୍ଵର ମହାନଗର ନିଗମ ନେବ ୟୁଜର୍ସ ଫି' । ଘର ,ହୋଟେଲ, ସପିଂ ମଲ, କ୍ୟାଫେ, ହାଟ, ଶିକ୍ଷାନୁଷ୍ଠାନ, ମଦ ଦୋକାନ, ଢାବା, କ୍ଲାଉଡ୍‌ କିଚେନ, ଗୋଦାମ, ରୋଡ୍‌ ସାଇଟ୍‌ ଭେଣ୍ଡର, ଗେଷ୍ଟ ହାଉସ୍‌, ହଷ୍ଟେଲରୁ ଆଦାୟ ହେବ ଟଙ୍କା । ଏନେଇ ସ୍ଵତନ୍ତ୍ର ମୂଲ୍ୟ ଧାର୍ଯ୍ୟ କରାଯାଇଛି । ରାଜଧାନୀ ବାସୀଙ୍କ ପାଖରେ ସବୁ ସେବା ପହଞ୍ଚାଇବା ପାଇଁ ଅଳିଆ ସଂଗ୍ରହ ବାବଦରେ ଏହି ୟୁଜର୍ସ ଫି' ଲାଗୁ ହେବ । ୨୦୧୮ ବାଇ ଲ' ଅନୁସାରେ ଫି' ଆଦାୟ କରିବ ବିଏମ୍‌ସି । ସଫା ଆପ୍‌ ମାଧ୍ୟମରେ ଏନେଇ ସମସ୍ତ ତଥ୍ୟ ବିଷୟରେ ଜାଣିପାରିବେ ସ୍ମାର୍ଟ୍ ସିଟି ବାସିନ୍ଦା ।

ଅଧିକ ପଢ଼ନ୍ତୁ: ୫ ବର୍ଷର ନାବାଳିକାକୁ ଦୁଷ୍କର୍ମ ଓ ହତ୍ୟା ମାମଲାରେ ଆସିଲା ବଡ଼ ରାୟ: ଅଭିଯୁକ୍ତଙ୍କୁ ମୃତ୍ୟୁ ଦଣ୍ଡାଦେଶ

ଭୁବନେଶ୍ଵର ମହାନଗର ନିଗମ ଅଞ୍ଚଳରେ ପ୍ରାୟ ୩ ଲକ୍ଷ ୧୮ ହଜାର ପରିବାର ରହୁଥିବା ବେଳେ ୟୁଜର୍ସ ଫି' ବାବଦରେ ମାସକୁ ଆଦାୟ ହେବ ୧୦ କୋଟିରୁ ଅଧିକ ଟଙ୍କାର ରାଜସ୍ବ । ଏହି ଦେୟ ସଂଗ୍ରହ ଦ୍ବାରା ସବୁ ଘରୁ ଆବର୍ଜନା ସଂଗ୍ରହ ହୋଇପାରିବ । ସଂଗୃହୀତ ଆବର୍ଜନାକୁ ପୃଥକୀକରଣ ଓ ପରିବହନ ସହଜ ହେବ । ବିଏମ୍‌ସି ସ୍ବଚ୍ଛ ସର୍ବେକ୍ଷଣରେ ୮୪ତମ ସ୍ଥାନରୁ ଆସି ଦେଶର ଶ୍ରେଷ୍ଠ ୧୦ ସହର ମଧ୍ୟରେ ରହିଛି । ଚଳିତ ବର୍ଷର ସ୍ବଚ୍ଛ ସର୍ବେକ୍ଷଣରେ ଶ୍ରେଷ୍ଠ ୩ ସହର ଭିତରେ ବିଏମ୍‌ସିକୁ ଆଣିବାକୁ ଲୋକଙ୍କ ସହଯୋଗ ଆବଶ୍ୟକ ବୋଲି କହିଛନ୍ତି ମେୟର ସୁଲୋଚନା ଦାସ୍ ।

ରାଜଧାନୀବାସୀଙ୍କ ଠାରୁ ଭୁବନେଶ୍ଵର ମହାନଗର ନିଗମ କର୍ତ୍ତୁପକ୍ଷଙ୍କ ଏହି ଟଙ୍କା ଆଦାୟରୁ ଆଗକୁ କେଉଁ ସୁଫଳ, ସୁବିଧା ଓ ସଦୁପଯୋଗ ମିଳିବ ତାକୁ ଅପେକ୍ଷା ।