ଅର୍ଗସ ବ୍ୟୁରୋ : ଶେଷ ହେଲା ପଶ୍ଚିମ ଓଡିଶାର ପ୍ରସିଦ୍ଧ ଯାତ୍ରା ବଏଲ ଯାତ୍ରା । ପଶ୍ଚିମ ଓଡିଶାର ବିଭିନ୍ନ ଯାନିଯାତ୍ରା ମାନଙ୍କ ମଧ୍ୟରେ ବଏଲ ଯାତ୍ରା ଅନ୍ୟତମ । ପାର୍ବଣ ଋତୁରେ ସମ୍ବଲପୁର ଜିଲ୍ଲା ଲଇଡା ଗ୍ରାମର ଅଧିଷ୍ଠାତ୍ରୀ ଦେବୀ ମା’ ସମଲେଶ୍ୱରୀ ପୀଠରେ ଆୟୋଜିତ ହୁଏ ବଏଲ୍ ଯାତ୍ରା । ଏହି ଯତ୍ରାର ରିହିଛି ସ୍ୱତନ୍ତ୍ର ପରିଚୟ ଏବଂ ପ୍ରସିଦ୍ଧି । 

ଅଧିକ ପଢନ୍ତୁ ଓଡ଼ିଶା ଖବର

୧୭୭୦ ମସିହାରୁ ତତ୍କାଳୀନ ଜମିଦାର ସମର ସିଂହଙ୍କ ପୃଷ୍ଠପୋଷକତାରେ ଆରମ୍ଭ ହୋଇଥିବା ବଏଲ୍ ଯାତ୍ରା ଅଞ୍ଚଳର ଇତିହାସ, ସାଂସ୍କୃତିକ ଚେତନା, ସାମାଜିକ ଏକତା, ଧାର୍ମିକ ମୂଲ୍ୟବୋଧ ଏବଂ ଧର୍ମନିରପେକ୍ଷତାର ବାର୍ତ୍ତା ବହନ କରିଥାଏ । ଆଶ୍ୱିନ ମାସର ମହାଳୟା ଅମବାସ୍ୟାଠାରୁ ପୂର୍ଣ୍ଣିମା ପର୍ଯ୍ୟନ୍ତ ପ୍ରତିବର୍ଷ ଆୟୋଜିତ ହୋଇଆସୁଥିଏ । ଏହି ଧାର୍ମିକ ମହୋତ୍ସବ ଦୁଃଖି, ରୋଗୀ ନିଃସନ୍ତାନ ଦମ୍ପତି ଆଦି ବହୁ ଲୋକଙ୍କ ପାଇଁ ପାଲଟିଯାଏ ଐଶ୍ୱରୀୟ ଆଶୀର୍ବାଦର ଖୋଲାମଞ୍ଚ ।

ଚଳିତ ବର୍ଷ ୨୫୩ ବର୍ଷ ପୂର୍ତ୍ତି ହୋଇଛି । ୨ ଦିନ ଧରି ବେଶ ଭାବେ ଅନୁଷ୍ଠିତ ହୋଇଥିଲା ଲଇଡାର ପ୍ରସିଦ୍ଧ ବଏଲ ଯାତ୍ରା । ଯାତ୍ରା ଦିନ ସକାଳେ ରିତିନିତି ଅନୁସାରେ ମା'ଙ୍କ ପୂଜାର୍ଚ୍ଚନା ସମ୍ପାଦନା ହେଇଥିବା ବେଳେ ସଂଧ୍ୟା ସମୟରେ ସାଥିରେ ଛଚର ବାଉତି, ପାଟଖଣ୍ଡା, ମସାଲ, ଜାଙ୍ଗିଲି ଖଣ୍ଡା ଧରି ବରୁଆ ଦେହରେ ବିଜେହୋଇ ଗ୍ରାମ ପରିକ୍ରମାରେ ବାହାରିଥାନ୍ତି । 

ଯାତ୍ରା ଅବସରରେ ଚଳିତ ବର୍ଷ ଦୋକାନ ବଜାର, ନାଟକ, ଭଜନ ସମାରୋହ, ସହିତ ମିନାବଜାର ଦେଖିବାକୁ ମିଳିଥିଲା । ଏହି ଯାତ୍ରା ସମୟରେ ଘର ବାହାରେ ରହୁଥିବା ଲୋକ ମାନେ ଘରକୁ ଆସିଥାନ୍ତି । ମା'ଙ୍କୁ ଦର୍ଶନ କରିବା ସହିତ ଯାତ୍ରା ଓ ମେଳାର ମଜାନେଇଥାନ୍ତି । ଭକ୍ତ ଓ ଭଗବାନଙ୍କ ନିଆରା ମିଳନର ଯାତ୍ରା ବଏଲ ଯାତ୍ରା । ଦିର୍ଘ ବର୍ଷ ହେବ ବେଶ ଧୁମଧାମରେ ପାଳନ ହୋଇଥିବା ବେଳେ ଚଳିତ ବର୍ଷ ମଧ୍ୟ ସୁରୁଖୁରୁରେ ସମ୍ପନ୍ନ ହୋଇ ଯାଇଛି ଲଇଡାର ପ୍ରସିଦ୍ଧ ବଏଲ ଯାତ୍ରା ।