ଅର୍ଗସ ବ୍ୟୁରୋ : ବୌଦ୍ଧ ଓ କନ୍ଧମାଳ ଜିଲ୍ଲା ସୀମାନ୍ତରେ ପୃଥକ୍ ପୃଥକ୍ ଭାବେ ଦୁଇଟି ସଡ଼କ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇଜଣ ଗୁରୁତର ଆହତ ହୋଇଛନ୍ତି । ସୂଚନା ଆନୁସାରେ ବୌଦ୍ଧ କନ୍ଧମାଳ ସୀମାନ୍ତ  ରାଣୀପଥର ଘାଟିରେ ଅଜଣା ଗାଡ଼ି ଧକ୍କାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ମୃତକଙ୍କ କୌଣସି ପରିଚୟ ମିଳି ପାରି ନାହିଁ । 

ଅଧିକ ପଢନ୍ତୁ ଓଡ଼ିଶା ଖବର

ସେହିପରି ରାଣୀପଥର ଘାଟି ର ଅନ୍ୟ ଏକ ସ୍ଥାନରେ ଏକ ସିମେଣ୍ଟ ବୋଝେଇ ହୋଇ ଫୁଲବାଣୀ ଅଭିମୁଖେ ଯାଉଥିବା ମାଲବାହୀ ଟ୍ରକ ଭାରସାମ୍ୟ ହରାଇ ଜଙ୍ଗଲ ଭିରକୁ ପଶିଯାଇଛି । ଫଳରେ ଟ୍ରକ ଚାଳକ ଓ ହେଲପର ଗୁରୁତର ହୋଇଥିବାବେଳେ ସେମାନଙ୍କୁ ଫୁଲବାଣୀ ଡାକ୍ତର ଖାନାରେ ଭର୍ତ୍ତି କରାଯାଇଛି । ଉଭୟ ଦୁର୍ଘଟଣା ସ୍ଥଳରେ ସ୍ଥାନୀୟ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଥିବା ଜଣା ପଡିଛି ।