ସରକାରୀ ଅଫିସରେ BSNL ନେଟୱାର୍କ ବାଧ୍ୟତାମୂଳକ, ନିର୍ଦ୍ଦେଶନାମା ଜାରି କଲେ ରାଜ୍ୟ ସରକାର

ଏଣିକି ସରକାରୀ ଅଫିସରେ BSNL ନେଟୱାର୍କ ବ୍ୟବହାର ବାଧ୍ୟତାମୂଳକ । ଏନେଇ କଡ଼ା ନିର୍ଦ୍ଦେଶନାମା ଜାରି କରିଛନ୍ତି ରାଜ୍ୟ ସରକାର । କେନ୍ଦ୍ର ସରକାରଙ୍କ ନିର୍ଦ୍ଦେଶ ପରେ ସବୁ ବିଭାଗକୁ ଚିଠି ଲେଖି ଜଣାଇଛି ଇଲୋକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ବିଭାଗ । ଏଣିକି ସମସ୍ତ ସରକାରୀ ପ୍ରତିଷ୍ଠାନରେ BSNL ଇଣ୍ଟରନେଟ୍‌, ବ୍ରଡ୍‌ ବ୍ୟାଣ୍ଡ, ଲ୍ୟାଣ୍ଡଲାଇନ, ଲିଜ ଲାଇନ ସେବା ବ୍ୟବହାର ହେବ ।

ଅଧିକ ପଢ଼ନ୍ତୁ: ମୁଖ୍ୟମନ୍ତ୍ରୀ ଦେଲେ ନିର୍ଦ୍ଦେଶ, ପୂଜା ପୂର୍ବରୁ ସଜଡ଼ାଯିବ ସମସ୍ତ ଖାଲଖମା ରାସ୍ତା ସହ ମୁକୁଳା ଡ୍ରେନ୍

ରାଜ୍ୟ ସରକାରଙ୍କ ନିର୍ଦ୍ଦେଶ ପରେ ସମବାୟ ବିଭାଗ ଏନେଇ ନିର୍ଦ୍ଦେଶବଳୀ ଜାରି କରିଛନ୍ତି । ରାଜ୍ୟର ସମସ୍ତ DRCS, ARCSଙ୍କୁ ସମବାୟ ନିର୍ଦ୍ଦେଶକ ଚିଠି କରିଛନ୍ତି । ତୁରନ୍ତ ସମୀକ୍ଷା ସହ ଚାଲୁଥିବା ସେବାରେ ବାଧା ସୃଷ୍ଟି ନକରି BSNL ସେବା ହସ୍ତାନ୍ତର କରିବେ । ୩୦ ସେପ୍ଟେମ୍ବର ୨୦୨୫ ସୁଦ୍ଧା ପ୍ରଦାନ କରିବେ ରିପୋର୍ଟ । BSNLର ବ୍ୟବହାର ନେଇ DRCS ଏବଂ ARCS ସେମାନଙ୍କ ଅଧୀନରେ ଥିବା ସମସ୍ତ କାର୍ଯ୍ୟାଳୟକୁ ନିର୍ଦ୍ଦେଶ ଜାରି କରିବେ ।