ଆଜି ପୁଣି ସହରର ୨ଟି ମନ୍ଦିରରୁ ଚୋରି
ଅର୍ଗସ ବ୍ୟୁରୋ : ବୌଦ୍ଧରେ ମାତିଛନ୍ତି ମନ୍ଦିର ଲୁଟେରା । ଆଜି ପୁଣି ସହରର ୨ ଟି ମନ୍ଦିରରୁ ଚୋରି । ଭୈରବୀ ମନ୍ଦିରରୁ ମା'ଙ୍କ ସୁନା ଆଖି ଓ ଟିକିଲି ତାଡ଼ି ନେଲେ ଲୁଟେରା । ଗାୟତ୍ରୀ ମନ୍ଦିରର ହୁଣ୍ଡି ଭାଙ୍ଗି ଟଙ୍କା ସୁନା ଲୁଟ । ସୂଚନା ଅନୁଯାୟୀ ବୌଦ୍ଧ ସହରର ଭୈରବୀ ମନ୍ଦିରରୁ ଗତକାଲି ରାତିରେ ଲୁଟେରା ମାନେ ମନ୍ଦିର ମୁଖ୍ୟ ଫାଟକ ଭାଙ୍ଗି ଭୈରବୀ ମାଙ୍କ ପ୍ରତିମୂର୍ତ୍ତିରୁ ସୁନା ଆଖି ଓ ଟିକିଲି ନେଇଯାଇଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ଆଜି ସକାଳୁ ପୂଜା ପାଇଁ ପୂଜକ ଆସି ଦେଖି ପୋଲିସକୁ ଖବର ଦେଇଥିଲେ । ସେହିପରି ଗାୟତ୍ରୀ ମନ୍ଦିରରୁ ତାଲା ଭାଙ୍ଗି ଦାନ ହୁଣ୍ଡିରୁ ଟଙ୍କା ଓ ସୁନା ଗହଣା ଲୁଟି ନେଇଛନ୍ତି ଦୁର୍ବୁତ୍ତ । ତେବେ ବୌଦ୍ଧ ଅଦର୍ଶ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଛାନଭିନ୍ନ ଚଳାଇଛି । ତେବେ ଗତ ୩୦ ଦିନ ମଧ୍ୟରେ ସହର ୩ ଚନ୍ଦ୍ରଚୁଡ଼ ମନ୍ଦିରର ଦାନହୁଣ୍ଡି, ହନୁମାନ ମନ୍ଦିରର ରୂପା ଗଦା ଓ ଅଳଙ୍କାର ଓ ବାପୁଜି ନଗର ମନ୍ଦିରରୁ ଚୋରି ହୋଇଥିଲା । ତେବେ ଦୁଇଟି ମନ୍ଦିରରୁ ଚୋରି ଘଟଣା ମିଶାଇ ସମୁଦାୟ ସହରର ୫ ଟି ମନ୍ଦିରରୁ ଚୋରି ହୋଇଛି ।
