ଅର୍ଗସ ବ୍ୟୁରୋ : ମତେ ମୋ ସ୍ତ୍ରୀର ଶବ ଦରକାର । ମୋ ସ୍ତ୍ରୀ ତ ମରିଗଲା, କମସେକମ ତାର ଶବ ତ ମତେ ଦିଆଯାଉ । ମୋ ସ୍ତ୍ରୀ ଜଳିଯିବା ଘଟଣାକୁ ୭ ଦିନ ବିତିଗଲାଣି, ଆଉ କେତେ ଦିନ ନେବେ । ମୋ କୁନି ପିଲା ଠାରୁ ଆରମ୍ଭ କରି ମୋ ପରିବାର, ସମସ୍ତେ ସେମିତି ଚାହିଁ ବସିଛନ୍ତି । କେବେ ଫେରିବ ମୋ ସ୍ତ୍ରୀର ଶବ । 

ଅଧିକ ପଢନ୍ତୁ ଓଡ଼ିଶା ଖବର

ଦୀପାବଳି ଉପଲକ୍ଷେ କଲିକତାରୁ ଫେରୁଥିବା ବସ ବାଲେଶ୍ୱର ଠାରେ ଜଳିଯିବା ଘଟଣାକୁ ୭ ଦିନ ବିତିଯାଇଥିଲେ ମଧ୍ୟ, ବସ ମଧ୍ୟରେ ଜୀବନ୍ତ ଦଗ୍ଧ ହୋଇଯାଇଥିବା ଏକ ମାତ୍ର କେନ୍ଦ୍ରାପଡାର ଜଣେ ମହିଳାଙ୍କ ଶବ ଏଯାଏଁ ତାଙ୍କ ପରିବାରକୁ ହସ୍ତାନ୍ତର ହୋଇ ପାରିଲା ନାହିଁ । 

ଗୋଟେ ପଟେ ପରିବାର ବୋହୁକୁ ହରାଇ ସମ୍ପୂର୍ଣ୍ଣ ହତତ୍ସାୟିତ ହୋଇପଡିଥିବା ବେଳେ, ଅନ୍ୟପଟେ ତାଙ୍କ ବୋହୁର ଶବକୁ ଏପର୍ଯ୍ୟନ୍ତ ବାଲେଶ୍ୱର ଜିଲ୍ଲା ପ୍ରଶାସନ ଚି଼ହ୍ନଟ କରି  ହସ୍ତାନ୍ତର କରିବାକୁ ବିଳମ୍ବ କରୁଥିବାରୁ, ଆଜି ଉକ୍ତ ମୃତ ମହିଳାଙ୍କ ସ୍ୱାମୀ ରାଜେନ୍ଦ୍ର ଦାସ ନିଜ ସ୍ତ୍ରୀର ଶବକୁ ପାଇବାକୁ କେନ୍ଦ୍ରାପଡା ଜିଲ୍ଲାପାଳଙ୍କୁ ଅନୁରୋଧ କରିଛନ୍ତି ।