ଅର୍ଗସ ବ୍ୟୁରୋ : ମିନି ଗଞ୍ଜାମ ସୁରଟରେ ଓଡ଼ିଆଙ୍କୁ ବଡ଼ ଧୋକା । ୧୯ ନିର୍ବାଚନ ବେଳେ ସୁରଟ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁରଟବାସୀଙ୍କୁ ଦେଇଥିବା ପ୍ରତିଶ୍ରୁତି ପୂରଣ ହୋଇପାରିନି । ନା ବନିପାରିଛି ଓଡ଼ିଆ କଲେଜ ନା ବନିଛି ଓଡ଼ିଆ ଭବନ । ସୁରଟରୁ ଓଡ଼ିଶାକୁ ସିଧା ଟ୍ରେନ ଓ ବିମାନ ଚଳାଚଳ ପ୍ରତିଶ୍ରୁତି ବି ପାଲଟିଛି ଧୂଆଁବାଣ । 

ସବୁଠୁ ବଡ଼ କଥା ହେଉଛି ଗଞ୍ଜାମରୁ ଅଧିକ ଦାଦନ ସୁରଟ ଯାଉଛନ୍ତି । ଆଉ ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜକୁ ୨୫ ବର୍ଷ ହେଲା ଗଞ୍ଜାମରୁ ପ୍ରତିନିଧିତ୍ବ କରି ଆସୁଛନ୍ତି । ତେବେ ଆସନ୍ତୁ ଥରେ ଶୁଣିନେବା ୨୦୧୯ ନିର୍ବାଚନ ପୂର୍ବରୁ ସୁରଟ ଯାଇ ସେଠାରେ ଥିବା ପ୍ରବାସୀ ଓଡ଼ିଆଙ୍କୁ କଣ ପ୍ରତିଶ୍ରୁତି ଦେଇଥିଲେ ନବୀନ । 

ଅଧିକ ପଢନ୍ତୁ ଓଡ଼ିଶା ଖବର

ସୁରଟରେ ରହୁଥିବା ପ୍ରବାସୀ ଓଡ଼ିଆ ଗଞ୍ଜାମ ରାଜନୀତିକୁ ସିଧାସଳଖ ପ୍ରଭାବିତ କରିଥାନ୍ତି । ତେବେ ସୁରଟରେ ସେମାନଙ୍କ ସହ ଏଭଳି ଧୋକା ହେବା ପରେ ପ୍ରବାସୀ ଓଡ଼ିଆଙ୍କ ଭିତରେ ତେଜୁଛି ତୀବ୍ର ଅସନ୍ତୋଷ । ଆଗାମୀ ନିର୍ବାଚନରେ ଏହି ପ୍ରତାରଣାର ଜବାବ ଦେବାକୁ ସେମାନେ ଚେତାବନୀ ଦେଇଛନ୍ତି ।