Videos
|
Odisha

Plus Two Exam 2027 / ଯୁକ୍ତ ଦୁଇ ପରୀକ୍ଷା ପାଇଁ ବାଜିଲା ବିଗୁଲ୍; ପ୍ରକାଶ ପାଇଲା ତାରିଖ, ୧୦ଟାରୁ ଦିନ ୧ଟା ଯାଏଁ ଚାଲିବ

Debashree Debasmita Sahoo
Browse all articles by Debashree Debasmita Sahoo
·59 mins ago·2 min read
ଯୁକ୍ତ ଦୁଇ ପରୀକ୍ଷା ପାଇଁ ବାଜିଲା ବିଗୁଲ୍; ପ୍ରକାଶ ପାଇଲା ତାରିଖ, ୧୦ଟାରୁ ଦିନ ୧ଟା ଯାଏଁ ଚାଲିବ
CHSE Odisha Plus Two Exam 2027

Key Points

ଆସିଲା ଯୁକ୍ତ ୨ ପରୀକ୍ଷା ତାରିଖ
୧୦ଟାରୁ ଦିନ ୧ଟା ଯାଏଁ ଚାଲିବ
ପ୍ରଥମ ଦିନ MIL-Odia ପରୀକ୍ଷା
ଭୁବନେଶ୍ଵର: ଯୁକ୍ତ ଦୁଇ ପରୀକ୍ଷା ପାଇଁ ବାଜିଲା ବିଗୁଲ୍ । ପ୍ରକାଶ ପାଇଲା CHSE ଦ୍ୱାରା ବାର୍ଷିକ ଉଚ୍ଚ ମାଧ୍ୟମିକ ପରୀକ୍ଷା-୨୦୨୭ର କାର୍ଯ୍ୟସୂଚୀ । କଳା, ବିଜ୍ଞାନ, ବାଣିଜ୍ୟ, ଭୋକେସନାଲ ଓ କରେସପଣ୍ଡେନ୍ସ ଷ୍ଟ୍ରିମ୍ ପାଇଁ ଜାରି ହୋଇଛି ସୂଚୀ । ୨୦୨୭ ଫେବ୍ରୁଆରୀ ୧୬ରୁ ଆରମ୍ଭ ହେବ ବାର୍ଷିକ +2 ପରୀକ୍ଷା । ପ୍ରଥମ ଦିନ ବିଜ୍ଞାନ ବିଭାଗର MIL-Odia ପରୀକ୍ଷା ରହିଛି । ପରବର୍ତ୍ତୀ ଦିନଗୁଡ଼ିକରେ ଭୋକେସନାଲ, କଳା ଓ ବାଣିଜ୍ୟ ବିଭାଗର ବିଭିନ୍ନ ବିଷୟର ପରୀକ୍ଷା ହେବ ।

  • ୧୦ଟାରୁ ଦିନ ୧ଟା ଯାଏଁ ପରୀକ୍ଷା
ପରୀକ୍ଷା ସାଧାରଣତଃ ସକାଳ ୧୦ଟାରୁ ଦିନ ୧ଟା ପର୍ଯ୍ୟନ୍ତ ଚାଲିବ । ତେବେ କିଛି ଭୋକେସନାଲ ଓ MIL ପେପର ପାଇଁ ସମୟସୀମା ଅଲଗା ରହିଛି । ମାର୍ଚ୍ଚ ୧ରେ ଇଣ୍ଟିଗ୍ରେଟେଡ୍ ଭୋକେସନାଲ ସବଜେକ୍ଟ ଓ ଭୋକେସନାଲ MIL ପରୀକ୍ଷା ରହିଛି । ପରୀକ୍ଷାର୍ଥୀଙ୍କୁ ପରୀକ୍ଷା କେନ୍ଦ୍ରରେ ୩୦ ମିନିଟ୍ ପୂର୍ବରୁ ପହଞ୍ଚିବାକୁ CHSE ପକ୍ଷରୁ ପରାମର୍ଶ ଦିଆଯାଇଛି । ପରୀକ୍ଷା ଆରମ୍ଭର ୧୫ ମିନିଟ୍ ପୂର୍ବରୁ ନିଜ ଆସନରେ ବସିବାକୁ ପଡ଼ିବ । ସମସ୍ତ ପରୀକ୍ଷା କେନ୍ଦ୍ର CCTV ନଜରରେ ହେବ ।

  • ୨୨ ଡିସେମ୍ବରରୁ ପ୍ରାକ୍ଟିକାଲ୍
ପ୍ରାକ୍ଟିକାଲ, ପ୍ରୋଜେକ୍ଟ ଓ ଇଣ୍ଟରନାଲ୍ ଆସେସମେଣ୍ଟ ପାଇଁ ମଧ୍ୟ ନିର୍ଦ୍ଦେଶ ରହିଛି । ଜେନୁଇନ୍ କାରଣରୁ ପ୍ରଥମ ସ୍ଲଟ୍‌ରେ ପରୀକ୍ଷା ଦେଇପାରିନଥିବା ପରୀକ୍ଷାର୍ଥୀଙ୍କ ପାଇଁ ଦ୍ୱିତୀୟ ସ୍ଲଟ୍‌ର ବ୍ୟବସ୍ଥା କରାଯାଇଛି । ସେହିଭଳି ଆସନ୍ତା ୨୨ ଡିସେମ୍ବର ୨୦୨୬ରୁ ୩ ଜାନୁଆରୀ ୨୦୨୭ ମଧ୍ୟରେ ହେବ ଇଣ୍ଟରନାଲ୍ ଆସେସମେଣ୍ଟ, ପ୍ରୋଜେକ୍ଟ ଓ ପ୍ରାକ୍ଟିକାଲ୍ ପରୀକ୍ଷା । କୌଣସି ବୈଧ କାରଣରୁ ପ୍ରଥମ ସ୍ଲଟ୍‌ରେ ପରୀକ୍ଷା ଦେଇନପାରିଲେ, ୧୦ରୁ ୧୬ ଜାନୁଆରୀ ୨୦୨୭ ମଧ୍ୟରେ ଦ୍ୱିତୀୟ ସ୍ଲଟ୍‌ରେ ପରୀକ୍ଷା ଦେବାର ସୁଯୋଗ ରହିଛି।ବାୟୋଲୋଜି ପରୀକ୍ଷାରେ ମଧ୍ୟ ରହିଛି ବିଶେଷ ବ୍ୟବସ୍ଥା ।

ପଢନ୍ତୁ ଏହି ଖବର: ଆସିଲା ତାଲିକା; ୨୦୨୭ରେ ୮୨ ଦିନ ବନ୍ଦ ରହିବ ସ୍କୁଲ, ଏହି ଦିନଠୁ ହେବ ଖରା ଛୁଟି

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ଉଦ୍ଭିଦ ବିଜ୍ଞାନ (Botany) ଓ ପ୍ରାଣୀ ବିଜ୍ଞାନ (Zoology) ଗୋଟିଏ ସିଟିଂରେ ହେବ ଏବଂ ମଝିରେ ୨୦ ମିନିଟ୍‌ ବ୍ୟବଧାନ ରହିବ । Botany ପ୍ରଶ୍ନପତ୍ର ସକାଳ ୧୦ଟାରେ ଏବଂ Zoology ପ୍ରଶ୍ନପତ୍ର ୧୧ଟା ୫୦ରେ ଦିଆଯିବ । ସେହିଭଳି କମର୍ସ ଷ୍ଟ୍ରିମ୍‌ର ପ୍ରୋଜେକ୍ଟ ମୂଲ୍ୟାଙ୍କନ ଓ ଭାଇଭା ପାଇଁ ସର୍ବନିମ୍ନ ୨୪ ଜଣଙ୍କୁ ନେଇ ଗ୍ରୁପ୍ ଗଠନ କରାଯିବ । ପ୍ରତ୍ୟେକ ଗ୍ରୁପ୍‌ର ପ୍ରୋଜେକ୍ଟ ଓ ଭାଇଭା ପ୍ରକ୍ରିୟା ଦୁଇ ଘଣ୍ଟା ମଧ୍ୟରେ ଶେଷ କରିବାକୁ ପଡ଼ିବ । ଏଥିପାଇଁ ବାହାରରୁ କୌଣସି External Examiner ରହିବେ ନାହିଁ । ଏହାସହ ବିଜନେସ୍ ଷ୍ଟଡିଜ୍ ଓ ମ୍ୟାନେଜମେଣ୍ଟ ଏବଂ ବିଏଫସି ବିଷୟରେ ‘କନଜ୍ୟୁମର ପ୍ରୋଟେକ୍ସନ’କୁ ନୂଆ ୟୁନିଟ୍-୪ ଭାବେ ସାମିଲ କରାଯାଇଛି । ଇଣ୍ଟିଗ୍ରେଟେଡ୍ ଭୋକେସନାଲ ପ୍ରାକ୍ଟିକାଲ ଓ ଓ ଭୋକେସନାଲ ଟ୍ରେଡ୍ ସବଜେକ୍ଟର ପରୀକ୍ଷା ପାଇଁ ୩ ଘଣ୍ଟା ସମୟ ରହିବ ।