କମିସନରେଟ ପୋଲିସରେ ମାଲ୍ ପ୍ରାକ୍ଟିସ୍ ପାଇଁ ଜାଗା ନାହିଁ । ଲାଞ୍ଚ ନେଲେ ସିଧା ଚାକିରିରୁ ବହିଷ୍କାର । ଲାଞ୍ଚଖୋର ପୋଲିସ କର୍ମଚାରୀଙ୍କୁ ପୋଲିସ କମିଶନରଙ୍କ କଡ଼ା ଚେତାବନୀ । ଚାକିରୀ ଛାଡ଼ନ୍ତୁ, ନଚେତ କମିସନରେଟ ପୋଲିସରୁ ବିଦାୟ ନିଅନ୍ତୁ । ଭୁବନେଶ୍ୱର ମଞ୍ଚେଶ୍ୱର ଥାନାରେ ମୋବାଇଲ୍ ଛାଡ଼ିବା ନାଁରେ ୨୦ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଛନ୍ତି ASI ରାଜେଶ କୁଲୁ ଏବଂ ହୋମଗାର୍ଡ ଜ୍ୟୋତି ରଞ୍ଜନ ବେହେରା ।

ଅଧିକ ପଢ଼ନ୍ତୁ: ଆସନ୍ତାକାଲି ଓଡ଼ିଶା ଆସୁଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ, ବିଭିନ୍ନ ପ୍ରକଳ୍ପର ଉଦଘାଟନ କରିବେ ମହାମହିମ

ବୁଧବାର ରାତିରେ ଲାଞ୍ଚ ନେଉଥିବା ସମୟରେ ଧରା ପଡିଥିଲେ ଏଏସଆଇ ରାଜେଶ କୁଲୁ ଓ ହୋମଗାର୍ଡ ଜ୍ୟୋତି ରଞ୍ଜନ ବେହେରା । ମୋବାଇଲ ଛାଡିବା ନାଁରେ ଏଏସଆଇ ଜଣକ ୨୦ ହଜାର ଟଙ୍କା ଲାଞ୍ଚ ନେଉଥିବା ସମୟରେ ମାଡ଼ି ବସିଥିଲା ଭିଜିଲାନ୍ସ । ସେମାନଙ୍କଠାରୁ ୨୦ ହଜାର ଟଙ୍କା ଜବତ କରାଯାଇଛି । ମାମଲାରେ ASI ରାଜେଶ କୁଲୁ ଚାକିରିରୁ ବହିଷ୍କୃତ କରାଯାଇଛି । ତେବେ ଆଉ ଜଣେ ହୋମଗାର୍ଡ ଅବଦୁଲ ସର୍ପରାଜ ଖାନ ଏବେ ବି ଫେରାର ଅଛନ୍ତି । ତାଙ୍କୁ ଧରିବା ପାଇଁ ବିଭିନ୍ନ ଜାଗାରେ ରେଡ୍‌ କରୁଛି ଭିଜିଲାନ୍ସ ।

ଲାଞ୍ଚ ନେଲେ ଚାକିରୀରୁ ବହିସ୍କୃତ ହେବେ । କମିସନରେଟ୍‌ ପୋଲିସରେ ମାଲ୍‌ ପ୍ରାକ୍ଟିସ ପାଇଁ ଜାଗା ନାହିଁ । ଲାଞ୍ଚଖୋର ପୋଲିସଙ୍କୁ ପୋଲିସ୍‌ କମିଶନର ସୁରେଶ ଦେବଦତ୍ତ ସିଂ କଡ଼ା ଚେତାବନୀ ଦେଇଛନ୍ତି । ଚାକିରୀ ଛାଡ଼ନ୍ତୁ ନଚେତ କମିସନରେଟ ପୋଲିସରୁ ବିଦାୟ ନିଅନ୍ତୁ । ଲାଞ୍ଚ ନେଲେ କି ଦୁର୍ନୀତି କଲେ ସରକାର ଶୂନ୍ୟ ସହନଶୀଳତା ନୀତି ଆପଣାଉଛନ୍ତି ବୋଲି ପୋଲିସ୍ କମିଶନର କହିଛନ୍ତି ।