ଅର୍ଗସ ବ୍ୟୁରୋ : ଚୋରି ରୋକିବାକୁ ସ୍ବତନ୍ତ୍ର ଆପ୍ । ରାଜଧାନୀ ଆପାର୍ଟମେଣ୍ଟରୁ ଚୋରି ଆତଙ୍କ । ଲୁଟେରାଙ୍କୁ ଧରିବାକୁ କମିଶନରେଟ ପୋଲିସର ମାଷ୍ଟର ପ୍ଲାନ  । ଆପାର୍ଟମେଣ୍ଟ ବାସିନ୍ଦାଙ୍କ ସହ ପୋଲିସ କମିଶନରଙ୍କ ବୈଠକ । ସୁରକ୍ଷା ବଢ଼ାଇବାକୁ ପୋଲିସ କମିଶନରଙ୍କ ପରାମର୍ଶ । ବାରମ୍ବାର ରାଜଧାନୀରେ ବିଭିନ୍ନ ଆପାର୍ଟମେଣ୍ଟରୁ ଚୋରି ଅଭିଯୋଗ ହେଉଥିବାରୁ ଏହାର ସ୍ଥାୟୀ ପ୍ରତିକାର କରିବାକୁ ଯୋଜନା ପ୍ରସ୍ତୁତ କରିଛି ପୋଲିସ । ବିଭିନ୍ନ ଆପାର୍ଟମେଣ୍ଟ ବାସିନ୍ଦାଙ୍କ ସହ ପୋଲିସ କମିଶନର ବୈଠକ କରିଛନ୍ତି । କଣ କଲେ ଘର ସୁରକ୍ଷିତ ରହିବ ସେନେଇ ଆପାର୍ଟମେଣ୍ଟ ବାସୀଙ୍କ ସହ ଆଲୋଚନା କରିଛନ୍ତି ପୋଲିସ କମିଶନର । 

ସୁରକ୍ଷା ବ୍ୟବସ୍ଥାକୁ କିଭଳି ମଜଭୂତ କରିହେବ ତାକୁ ନେଇ ବୈଠକରେ ଆଲୋଚନା ହେଇଛି। ଆପର୍ଟମେଣ୍ଟରେ ଭଲ କ୍ୱାଲିଟିର ସିସିଟିଭି କ୍ୟାମେରା ଲଗାଇବାକୁ ପୋଲିସ କମିଶନର ଅନୁରୋଧ କରିଛନ୍ତି । ଏଥିସହ ପାରିପାର୍ଶ୍ବିକ ସୁରକ୍ଷା ଉପରେ ମଧ୍ୟ ଗୁରୁତ୍ବ ଦେବାକୁ କହିଛନ୍ତି । ଉଚ୍ଚ ପାଚେରୀ କରିବା ସହ  ପାଚେରୀ ଉପରେ ତୀକ୍ଷ୍ଣ ଲୁହା ଫ୍ରେମ ଲଗାଇବା ସହ ଆପାର୍ଟମେଣ୍ଟରେ ପର୍ଯ୍ୟାପ୍ତ ତାଲିମ ପ୍ରାପ୍ତ ସିକ୍ୟୁରିଟୀ ଗାର୍ଡ ନିୟୋଜିତ କରିବାକୁ ପରାମର୍ଶ ଦେଇଛନ୍ତି ପୋଲିସ କମିଶନର । 

ଅଧିକ ପଢନ୍ତୁ ଓଡ଼ିଶା ଖବର

ଆଧୁନିକ ଟେକ୍ନୋଲୋଜିର ବ୍ୟବହାର ପାଇଁ ଗୁରୁତ୍ୱ ଦେଇଛନ୍ତି ସିପି ସଂଜୀବ ପଣ୍ଡା । ମୋସନ୍ ଡିଟେକ୍ଟର ସହ ପ୍ରତି ଫ୍ଲାଟରେ ଆଇପି କ୍ୟାମେରା ଲଗାଇବାକୁ ଅନୁରୋଧ କରିଛନ୍ତି ପୋଲିସ କମିଶନର । ଗତ ୬ ମାସ ଭିତରେ ରାଜଧାନୀର ପାଖାପାଖି ୩୦ ଟି ଆପାର୍ଟମେଣ୍ଟର ୫୫ ଟି ଫ୍ଲାଟରେ କଳା କନା ବୁଲାଇ ସାରିଲେଣି ଲୁଟେରା ।  ଆପର୍ଟମେଣ୍ଟ ଲୁଟ ରୋକିବାକୁ ଆଡଭାଇଜାରୀ ପ୍ରସ୍ତୁତ କରୁଛି ପୋଲିସ।