ଅର୍ଗସ ବ୍ୟୁରୋ : ଥମୁନି ମୋଦି ଚାଉଳ ନବୀନ ବ୍ରାଣ୍ଡିଂ ବ୍ୟାଗ ବିବାଦ । ସାରା ରାଜ୍ୟରେ ପ୍ରବଳ ବିରୋଧ ସହ ଆମ ଓଡ଼ିଶା ନବୀନ ଓଡ଼ିଶା ବ୍ୟାଗ ପୋଡ଼ି ପ୍ରତିବାଦ କରିଛନ୍ତି ଲୋକେ । ନବୀନ ବ୍ୟାଗକୁ ନେଇ ଶ୍ରେୟ ରାଜନୀତି ପଦାରେ ପଡ଼ି ଦାଣ୍ଡରେ ଗଡୁଛି । ଭୋଟ ହାତେଇବାକୁ ରାଜ୍ୟ ସରକାର ଏଭଳି ଷଡ଼ଯନ୍ତ୍ର କରିଥିବା ଉଭୟ ବିଜେପି ଓ କଂଗ୍ରେସ ଅଭିଯୋଗ କରିଛି । ସୋମବାର ରାଜ୍ୟ କ୍ୟାବିନେଟ ଅନୁମୋଦନ କରିଥିବା ସ୍ଵୟଂ ଯୋଜନା କେନ୍ଦ୍ର ସରକାରଙ୍କ ଯୋଜନାକୁ ରିବ୍ରାଣ୍ଡିଂ କରି କେନ୍ଦ୍ରୀୟ ଯୋଜନା ହଡପ କରିବାକୁ ଉଦ୍ୟମ କରୁଥିବା ଅଭିଯୋଗ କରିଛନ୍ତି ବିଜେପି ମୁଖପାତ୍ର ଅନୀଲ ବିଶ୍ବାଳ । ଏହାସହିତ ପିଡିଏସ ହିତାଧିକାରୀଙ୍କୁ ୧ ହଜାର ଟଙ୍କା ଲେଖାଏ ଦେବା ଘୋଷଣାକୁ ସିଧାସଳଖ ଭୋଟରଙ୍କୁ ଲାଞ୍ଚ ବୋଲି ଅଭିଯୋଗ କରିଛି ବିଜେପି ଓ କଂଗ୍ରେସ । 

ସମ୍ବଲପୁର ରେଙ୍ଗାଲି ବ୍ଲକ କତରବଗାଁ ପଞ୍ଚାୟତରେ ନବୀନ ବ୍ରାଣ୍ଡିଂ ଗ୍ୟାଗରେ ନିଆଁ ଲଗାଇବା ସହ ପ୍ରବଳ ବିରୋଧ କରିଛନ୍ତି ଲୋକେ । ମୋଦି ସରକାର ଦେଉଥିବା ଚାଉଳ ଆମ ଓଡିଶା ନବୀନ ଓଡିଶା ଚିହ୍ନ ଥିବା ବ୍ୟାଗରେ ଭତ୍ତି କରି ବଣ୍ଟନ କରାଯାଉଛି । ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଝିଙ୍କିଡୁଙ୍ଗୁରି ପଞ୍ଚାୟତବାସୀ ମଧ୍ୟ ନବୀନ ବ୍ରାଣ୍ଡିଂ ବ୍ୟାଗ୍ ବଣ୍ଟନକୁ ଜୋରଦାର ବିରୋଧ ହୋଇଛି । ନିର୍ବାଚନ ଆସିଲେ ସରକାର ନୂଆ ଯୋଜନା କରି ଭୋଟରଙ୍କୁ ଆକୃଷ୍ଟ କରୁଥିବା ଅଭିଯୋଗ କରିଛନ୍ତି ବାରିପଦାବାସୀ । ଏପରିକି ରାଜ୍ୟ ସରକାର କୋରନା ସମୟରେ ମାତ୍ର ଥରୁଟିଏ  ୧ ହଜାର ଟଙ୍କା ଦେଇ ପରେ ବନ୍ଦ କରିଦେଇଥିଲେ । ଏବେ ୧ ହଜାର ଟଙ୍କା ଲେଖାଏଁ ଦେବାକୁ ଘୋଷଣା କରିଥିବା ରାଜ୍ୟ ସରକାର ପ୍ରତିମାସରେ ଟଙ୍କା ଦେବାକୁ ଘୋଷଣା କରିବାକୁ ଦାବି କରିଛନ୍ତି ହିତାଧିକାରୀ । ଲାଞ୍ଚ ଦେଇ ଭୋଟ ହାତେଇବାକୁ ଉଦ୍ୟମ କରୁଥିବା ବିଜେଡିକୁ ଭୋଟ ନଦେବାକୁ ଦମ୍ଭୋକ୍ତି ପ୍ରକାଶ କରିଛନ୍ତି ଜନତା ।

ଅଧିକ ପଢନ୍ତୁ ଓଡ଼ିଶା ଖବର

ପୂର୍ବରୁ କଟକ ସହର ସମେତ ବାଲେଶ୍ବରରୁ ବୌଦ୍ଧ, ନୂଆପଡ଼ାରୁ ନରସିଂହପୁର ସବୁଠି ଆମ ଓଡିଶା ନବୀନ ଓଡ଼ିଶା ଛାପ ଥିବା ବ୍ୟାଗ ବଣ୍ଟନକୁ ଜୋରଦାର ବିରୋଧ କରିଥିଲାଛି ବିଜେପି । ଜାତୀୟ ଖାଦ୍ୟ ସୁରକ୍ଷାରେ ଓଡିଶାର ୩ କୋଟି ୨୬ ଲକ୍ଷ ଲୋକଙ୍କୁ ମିଳୁଛି ମାଗଣା ଚାଉଳ । ରାଜ୍ୟ ଖାଦ୍ୟ ସୁରକ୍ଷାରେ ମିଳୁଛି ମାତ୍ର ୯ ଲକ୍ଷ ଲୋକଙ୍କୁ ଚାଉଳ । ୨୦୨୯ ମସିହା ଯାଏ ଖାଦ୍ୟ ସୁରକ୍ଷା ଯୋଜନାରେ ମାଗଣା ଚାଉଳ ଦେବାକୁ ମୋଦି ସରକାର ଘୋଷଣା କରିଥିବାବେଳେ ଏଥିରେ ରାଜ୍ୟ ସରକାର ଟଙ୍କାଟିଏ ମଧ୍ୟ ଦେବେନାହିଁ । ହେଲେ ଶ୍ରେୟ ନେବା ଲାଳସାରେ ହିତାଧିକାରୀଙ୍କୁ ଶଙ୍ଖ ଚିହ୍ନ ଥିବା ବ୍ୟାଗ ଦେଇ ପୁଣି ଯୋଜନା ହାଇଜାକ କରିବାକୁ ଚକ୍ରାନ୍ତ କରିଛନ୍ତି ନବୀନ ସରକାର । ଯାହାକୁ ତୀବ୍ର ବିରୋଧ କରିଛି ବିଜେପି ।