ଅର୍ଗସ ବ୍ୟୁରୋ : ବାଲିଯାତ୍ରା ପାଇଁ ମହାନଦୀ ପଠାରେ ଆରମ୍ଭ ହେଲାଣି ବ୍ୟବସ୍ୟାୟୀଙ୍କ ପସରା । ହାତରେ ଆଉ ଅଳ୍ପ ଦିନ ଥିବାରୁ ଵ୍ୟଵସ୍ୟାୟୀ ମାନେ ତାଙ୍କ ଜିନିଷପତ୍ର ଧରି ଆରମ୍ଭ କଲେଣି ପ୍ରସ୍ତୁତି । ଅନ୍ୟପଟେ ବାଲିଯାତ୍ରାର ପ୍ଲଟ ନିଲାମ ପକ୍ରିୟା ପ୍ରାୟତଃ ଶେଷ ହୋଇଥିବା ବେଳେ ବଳକା ଥିବା କିଛି ପ୍ଲଟ ନିଲାମ ଆଜି ଓ ଆସନ୍ତା କାଲି କରାଯିବ । ୯୦୦ ବ୍ୟବସ୍ୟାୟୀ ମୋଟ ୧୬୦୦ ରୁ ଉର୍ଦ୍ଧ୍ଵ ପ୍ଲଟ ପାଇଁ ପଞ୍ଜିକରଣ କରିଛନ୍ତି ।

ତେବେ ପ୍ରଶାସନର ନିୟମ ଅନୁଯାୟୀ ସମସ୍ତ ଟଙ୍କା ପୈଠ କରିବା ପରେ ଷ୍ଟଲ ପାଇଁ ବିଦ୍ୟୁତ କଣ୍ଟ୍ରାକ୍ଟରଙ୍କ ସାର୍ଟିଫିକେଟ ଵାଵଦ ଟଙ୍କା ୩୦୦ରୁ ୪୦୦ ଟଙ୍କା ବେଆଇନଭାବେ ଆଦାୟ କରାଯିବାକୁ ନେଇ ଵ୍ୟଵସ୍ୟାୟୀମାନେ ଅସନ୍ତୋଷ ପ୍ରକାଶ କରିଛନ୍ତି । ସେପଟେ ଟଙ୍କା ନେଉଥିବା କଥା ସ୍ୱୀକାର କରିଛନ୍ତି ଵିଦ୍ୟୁତ ବିଭାଗ ସଂଘ କର୍ମଚାରୀ ।

ଅଧିକ ପଢନ୍ତୁ ଓଡ଼ିଶା ଖବର

ଚଳିତ ବର୍ଷ ବାଲିଯାତ୍ରାକୁ ଆକର୍ଷଣୟ କରିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରିଛି ଜିଲ୍ଲା ପ୍ରଶାସନ ଓ କଟକ ମହାନଗର ନିଗମ । ନୂଆ ଦୋଳି ସହ ଟନେଲ ଆକୁଆରିୟମ, କଟକ ଇନ କଟକ ପେବିଲିଅନର ନୂଆ ରୂପ ରେଖ ସହ ପ୍ରତିଦିନ ସନ୍ଧ୍ୟରେ ସଂସ୍କୃତିକ କାର୍ଯ୍ୟକ୍ରମ, ଅଲିଉଡ଼ ଓ ବଲିଉଡର କଳାକାର ମାନଙ୍କ ସଙ୍ଗୀତ ପରିବେଷଣ, ମହାନଦୀ ନୀଳ ଜଳ ରାଶିରେ ଲେଜର ଲାଇଟ ସୋ, ଆତସବାଜି ଆଦି କାର୍ଯ୍ୟକ୍ରମ ହାତକୁ ନେଇଛି ପ୍ରଶାସନ ।

ସେପଟେ ନିଲାମ ପକ୍ରିୟା ସ୍ଵଛତାର ସହ ଚାଲିଥିବା ବେଳେ ବେଆଇନ ଭାବେ ଯଦି କିଏ ଟଙ୍କା ନେଇଛି ତେଣେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲ୍ଲାପାଳ । ଗତ ବର୍ଷର ବାଲିଯାତ୍ରାରେ ସ୍ୱଚ୍ଛତା ନେଇ ଅନେକ ବିବାଦ ମୁଣ୍ଡ ଟେକି ଥିବା ବେଳେ ଚଳିତ ବର୍ଷ କେତେ ସ୍ଵଛତାର ସହ ବାଲିଯାତ୍ରା ଶେଷ ହେଉଛି ତାହା ଆଗମୀ ଦିନରେ ଜଣାପଡିବ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV