ଅର୍ଗସ ବ୍ୟୁରୋ : ପୁଣି ପଦାରେ ପଡ଼ିଛି ବିଜେଡି ଗୋଷ୍ଠୀ କନ୍ଦଳ । ଆଜି ଚୌଦ୍ବାରରେ ଶିଳ୍ପ ପାର୍କ ପାଇଁ ମୁଖ୍ୟମନ୍ତ୍ରୀ ଶିଳାନ୍ୟାସ କରିଥିବାବେଳେ କାର୍ଯ୍ୟକ୍ରମରେ ସାମିଲ ହୋଇଥିବା ଦଳୀୟ କର୍ମୀଙ୍କ ମଧ୍ୟରେ ମୁହାଁମୁହିଁ ସ୍ଥିତି ଦେଖିବାକୁ ମିଳିଥିଲା । 

ଅଧିକ ପଢନ୍ତୁ ଓଡ଼ିଶା ଖବର

କଟକ ଚୌଦ୍ୱାର ନିର୍ବାଚନ ମଣ୍ଡଳୀର ବିଜେଡି ନେତ୍ରୀ ତଥା ବିଜେଡି ଟିକେଟ ଆଶାୟୀ ପ୍ରାର୍ଥୀ ରୂପାଲୀ ଲେଙ୍କା ମଧ୍ୟ କାର୍ଯ୍ୟକ୍ରମରେ ସାମିଲ ହୋଇଥିଲେ । ଆସିଥିବା ଲୋକଙ୍କ ପାଇଁ ଗୋପବନ୍ଧୁ ପଡ଼ିଆରେ ଖାଦ୍ୟ ପ୍ରସ୍ତୁତ କରା ଯାଇଥିଲା । କିନ୍ତୁ ବିଜେଡିର ଅନ୍ୟ ଏକ ଗୋଷ୍ଠୀର ସଦସ୍ୟମାନେ ଖାଦ୍ୟକୁ ଫୋପାଡ଼ି ଦେଇଥିବା ଅଭିଯୋଗ ହୋଇଥିଲା । ଫଳରେ ବହୁ ଦଳୀୟ ସମର୍ଥକ ଉପାସରେ ଫେରିଥିବା କହିଛନ୍ତି ରୁପାଲୀ ।