ଅର୍ଗସ ବ୍ୟୁରୋ : କଟକ ବାରବାଟୀ ବିଜେଡିରେ କେଁ । ଛିଡୁନି ପ୍ରାର୍ଥୀ ଚୟନ ଅଙ୍କ । ଟିକେଟ୍ ପାଇଁ ଆଶାୟୀଙ୍କ ଲମ୍ବା ଲାଇନ୍‌ । ନିଜ ନିଜ ଆନୁଗତ୍ୟଙ୍କ ପାଇଁ ଅଣ୍ଟା ଭିଡ଼ିଲେଣି କଟକ ବିଜେଡିର ତୁଙ୍ଗ ନେତା । କଟକ ବାରବାଟୀକୁ ନିଜ ଦଖଲରେ ରଖିବା ପାଇଁ ସବୁ ତୁଙ୍ଗ ନେତା ନବୀନ ନିବାସରେ ଲବି କରୁଛନ୍ତି । ଯାହାକୁ ନେଇ ଏବେ କଟକ ସହର ରାଜନୀତି ବେଶ୍ ଗରମ । ରାଜ୍ୟସଭା ଯିବା ସତ୍ତ୍ଵେ ବାରବାଟୀକୁ ନିଜ ଦଖଲରେ ଏବେ ବି ରଖିବାକୁ ଚାହୁଁଛନ୍ତି ଦେବାଶିଷ ସାମନ୍ତରାୟ । ତାଙ୍କ ଆନୁଗତ୍ୟ ପୂର୍ବତନ କର୍ପୋରେଟର ତଥା ନିରାମୟ ଉପଦେଷ୍ଟା ରଞ୍ଜନ ବିଶ୍ଵାଳଙ୍କୁ କଟକ ବାରବାଟୀରୁ ନିର୍ବାଚନ ଲଢେଇବା ନେଇ ଦଳର ସୁପ୍ରିମୋଙ୍କ ନିକଟରେ ଲବି କରୁଛନ୍ତି ।

ସେହିପରି ବାଙ୍କୀ ବିଧାୟକ ତଥା ବିଜୁ ଛାତ୍ର ଜନତା ରାଜ୍ୟ ସଭାପତି ଦେବୀ ରଞ୍ଜନ ତ୍ରିପାଠୀ ନିଜ ଆନୁଗତ୍ୟ ଜ୍ଞାନେନ୍ଦ୍ର ଗିରି ଗୋସ୍ବାମୀଙ୍କ ପାଇଁ ଲବି କରୁଛନ୍ତି । ସେହିପରି ଆଶୀର୍ବାଦ ବେହେରା ନିଜ ପୁଅ ତଥା ଓଡ଼ିଶା କ୍ରିକେଟ ସଂଘ ସମ୍ପାଦକ ସଞ୍ଜୟ ବେହେରାଙ୍କ ପାଇଁ ଲବି କରୁଛନ୍ତି । ଏହାବାଦ୍ କଟକ ମହାନଗର ନିଗମ ମେୟର ସୁବାସ ସିଂ ମଧ୍ୟ କଟକ ବାରବାଟୀ ଉପରେ ନଜର ରହିଥିବା ବେଳେ ସେପଟେ ମାହାଙ୍ଗା ବିଧାୟକ ପ୍ରତାପ ଜେନାଙ୍କୁ ଏହି ଆସନରେ ନିର୍ବାଚନ ଲଢ଼େଇବା ପାଇଁ ଦଳ ଏବେ ଚିନ୍ତା କରୁଛି । ଏହା ବ୍ୟତୀତ ଏମଏସଏମଇ ଅଧ୍ୟକ୍ଷ ଚିନ୍ମୟ ସାହୁ ଓ ଶ୍ରୀମୟୀ ମିଶ୍ରଙ୍କୁ ବାରବାଟୀରୁ ନିର୍ବାଚନ ଲଢେଇ ସରପ୍ରାଇଜ କାର୍ଡ ଖେଳି ପାରନ୍ତି ଦଳର ସୁପ୍ରିମୋ।

ଅଧିକ ପଢନ୍ତୁ ଓଡ଼ିଶା ଖବର

ସୁଦ୍ଧା ୭୨ ଟି ବିଧାନସଭା ଆସନ ପାଇଁ ୭୨ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛନ୍ତି ସୁପ୍ରିମୋ । ହେଲେ ଏଥିରେ ବାଦ ପଡ଼ିଛି କଟକ ବାରବାଟୀ । କଟକ ସାଂସଦ ପ୍ରାର୍ଥୀଙ୍କ ସହ ବଡ଼ମ୍ବା, ଆଠଗଡ, ବାଙ୍କୀ, କଟକ ସଦର, କଟକ ଚୌଦ୍ଵାର, ନିଆଳି ଆସନ ଦଳର ସୁପ୍ରିମୋ ପ୍ରାର୍ଥୀ ଘୋଷଣା କରି ସାରିଛନ୍ତି । ହେଲେ କଟକ ବାରବାଟୀରେ ବିଜେଡିର କିଏ ହେବ ପ୍ରାର୍ଥୀ ? କାହାକୁ ଟିକେଟ ଦେବେ ଦଳର ସୁପ୍ରିମୋ ? ସୁପ୍ରିମୋଙ୍କ ନିକଟରେ ଲବି କରୁଥିବା ନେତାଙ୍କ ଆନୁଗତ୍ୟଙ୍କୁ ଟିକେଟ ମିଳିବ ନା ସରପ୍ରାଇଜ କାର୍ଡ ଖେଳିବେ ନବୀନ । କଟକ ବାରବାଟୀ ପାଇଁ ଟିକେଟ ଘୋଷଣା ହୋଇନଥିବା ବେଳେ ସେପଟେ ଆଶାୟୀଙ୍କ ସଂଖ୍ୟା ଯେତିକି ମାତ୍ରାରେ ବଢୁଛି ସେତିକି ମାତ୍ରାରେ ବିଜେଡିରେ ଗୋଷ୍ଠୀ କନ୍ଦଳ ମଧ୍ୟ ଦେଖାଦେଲାଣି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV