କଟକ: ମାଆଙ୍କୁ ମେଲାଣି ବେଳେ କିଏ ସାଜିଲା ଭିଲେନ୍ ? କାହିଁକି ହେଲା ଢେଲା ପଥର ମାଡ଼ ? ପୋଲିସର କଡ଼ା ସୁରକ୍ଷା ସହ ସିସିଟିଭି ଓ ଡ୍ରୋନ୍ ନଜରରେ କେମିତି ମୁହାଁମୁହିଁ ହେଲେ ୨ ଗୋଷ୍ଠୀ ? ହାତୀ ପୋଖରୀ ନିକଟରେ ଦୁଇ ଗୋଷ୍ଠୀ ହାତାହାତିକୁ ନେଇ ବିବାଦ ତେଜିବାରେ ଲାଗିଛି । ସୋମବାର କଟକ ବନ୍ଦ ଡାକରା ଦେଇଛି ବିଶ୍ଵ ହିନ୍ଦୁ ପରିଷଦ ।

କଟକ ବନ୍ଦ ଡାକରା ନେଇ ନେଇ ବିଶ୍ଵ ହିନ୍ଦୁ ପରିଷଦର କଟକ ଜିଲ୍ଲା ସଭାପତି ବାସୁଦେବ ବେହେରା ଓ ଜିଲ୍ଲା ପ୍ରଭାରୀ ପବିତ୍ର ମୋହନ ଦାସ ସୂଚନା ଦେଇଛନ୍ତି । କହିଛନ୍ତି, "ଭସାଣ ବେଳେ ଯାହା ଘଟିଲା ତାହା ଅଶୋଭନୀୟ । ଝାଞ୍ଜିରିମଙ୍ଗଳା ଓ ରାଉସାପାଟଣା ମେଢ଼ ଦରଘା ବଜାର ହାତୀ ପୋଖରୀ ଦେଇ ଯାଉଥିବା ବେଳେ କିଛି ଲୋକ ଛାତ ଉପରୁ ଟେକା ପଥର ମାଡ଼ କରିଥିଲେ ।"

ଏଥିସହ ପଢ଼ନ୍ତୁ: କଟକରେ ଭସାଣି ବେଳେ ୨ ଗୋଷ୍ଠୀ ମଧ୍ୟରେ ସଂଘର୍ଷ ପରେ ଆକ୍ସନ୍ ମୋଡରେ ପୋଲିସ

ସେ କହିଛନ୍ତି, ଶୋଭାଯାତ୍ରାରେ ଯାଉଥିବା ଯୁବକ ପ୍ରତିବାଦ କରିଥିଲେ । ଯାହାକୁ ନେଇ ସଂଘର୍ଷ ଘଟିଥିଲା । ୩୦ ବର୍ଷ ତଳେ ମଧ୍ୟ ଏଭଳି ସମାନ ପରିସ୍ଥିତି ସୃଷ୍ଟି ହୋଇଥିଲା । ଏହା ପଛରେ ବାଂଲାଦେଶୀ ଥିବା ବିଶ୍ଵ ହିନ୍ଦୁ ପରିଷଦ ଅଭିଯୋଗ ଆଣିଛି । ଦୋଷୀଙ୍କ ବିରୋଧରେ କଠୋର କାର୍ଯ୍ୟନୁଷ୍ଠାନ ନେବାକୁ ଦାବି କରିଛି ବିଶ୍ଵ ହିନ୍ଦୁ ପରିଷଦ ।

ହାତୀ ପୋଖରୀ ଛକରେ ହୋଇଥିବା ଗୋଷ୍ଠୀ ସଂଘର୍ଷ ମାମଲାରେ ପୋଲିସ ଶନିବାର ୬ ଜଣଙ୍କୁ ଚିହ୍ନଟ କରି ଗିରଫ କରିଥିଲା । ହାତୀ ପୋଖରୀ ଛକରେ ହାତାହାତିରେ କଟକ ଡିସିପିଙ୍କ ସହ ୬ ଜଣ ଆହତ ହୋଇଥିଲେ ।

ଏଥିସହ ପଢ଼ନ୍ତୁ: ମାସେ ପରେ ମିଳିଲା ପୁଷ୍ପର କଙ୍କାଳ, ଦାଦନ ଖଟିବାକୁ ଯାଇ ଘରକୁ ଫେରିଲାନି

ଦୁଇ ଗୋଷ୍ଠୀ ଭସାଣି ଶୋଭାଯାତ୍ରାରେ ମୁହାଁମୁହିଁ ହେବା ପରେ ପୋଲିସ କମିଶନର ଏସ୍. ଦେବଦତ୍ତ ସିଂହ କଟକ ଯାଇ ସ୍ଥିତି ଅନୁଧ୍ୟାନ କରିଥିଲେ । ବରିଷ୍ଠ ପୋଲିସର ସହ ଉଚ୍ଚସ୍ତରୀୟ ବୈଠକ କରିଥିଲେ ସିପି । ଏବେ ସ୍ଥିତି ସ୍ଵାଭାବିକ ରହିଥିବା ବେଳେ ସିସିଟିଭି ଓ ଡ୍ରୋନ୍ ମାଧ୍ୟମରେ ଗଣ୍ଡଗୋଳକାରୀଙ୍କୁ ଚିହ୍ନଟ କରାଯାଇଥିବା ପୋଲିସ କମିଶନର ସୂଚନା ଦେଇଥିଲେ ।

ଗୋଷ୍ଠୀ ସଂଘର୍ଷରେ ଆହତମାନେ ଏବେ ସୁସ୍ଥ ଅଛନ୍ତି । କଟକରେ ଶାନ୍ତି ଫେରାଇବା ପାଇଁ ପୋଲିସ କମିଶନର ଲୋକଙ୍କୁ ଅପିଲ୍ କରିଛନ୍ତି । ଅତିରିକ୍ତ ସିପି ନରସିଂହ ଭୋଳ କହିଛନ୍ତି, "ସମ୍ବେଦନଶୀଳ ସ୍ଥାନ ଉପରେ ଡ୍ରୋନ ଜରିଆରେ ପୋଲିସ ନଜର ରଖିଛି । ଗଣ୍ଡଗୋଳକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ।

Argus News | argus news | Odisha Latest News, Breaking News, Trending News, Live TV