କଟକ ଜଗତପୁରରେ ଭୟଙ୍କର ଦୁର୍ଘଟଣା । ଭାରସାମ୍ୟ ହରାଇ ବିରୂପା ନଦୀକୁ ଖସିପଡ଼ିଲା କାର୍ । କଟକ ଜଗତପୁର ପଣ୍ଡାସାହି ପାଖ ବିରୂପା ନଦୀକୁ ଖସିପଡ଼ିଲା କାର୍ । ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ବେଳେ କାର୍‌ ଭିତରେ ଆଉ ଜଣେ ଫସି ରହିଥିବା ସୂଚନା ମିଳିଛି । ଘଟଣା ସ୍ଥଳରେ ଅଗ୍ନିଶମ ବାହିନୀ ଓ ସ୍କୁବା ଡାଇଭର୍‌ ପହଞ୍ଚି ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି । କିନ୍ତୁ ଏପର୍ଯ୍ୟନ୍ତ କାର୍‌ ଭିତରେ ଫସି ରହିଥିବା ଅନ୍ୟ ଜଣଙ୍କୁ ଉଦ୍ଧାର କରାଯାଇପାରିନାହିଁ ।

ଅଧିକ ପଢ଼ନ୍ତୁ: ୨୦ ଲକ୍ଷ ଟଙ୍କା ହଡ଼ପ ପାଇଁ ସାଙ୍ଘାତିକ ଷଡ଼ଯନ୍ତ୍ର, ନିଜ ସାଙ୍ଗ ରଚିଲା ଲୁଟ୍‌ ପ୍ଲାନ୍‌

ମିଳିଥିବା ସୂଚନା ଅନୁସାରେ, କାରଟି ଦ୍ରୁତ ଗତିରେ ଆସୁଥିଲା । ଆଉ ଏହି ସମୟରେ ହଠାତ୍‌ ବ୍ରେକ୍‌ ମାରିବାରୁ ଭାରସ୍ୟାମ ହରାଇ କାରଟି ବିରୂପା ନଦୀ ଭିତରକୁ ଖସିଯାଇଛି । ତେବେ ନଦୀରେ ଗଭୀରତା ଅଧିକ ଥିବାରୁ ଉଦ୍ଧାର କାର୍ଯ୍ୟରେ ବିଳମ୍ବ ହେଉଛି । ଘଟଣା ସ୍ଥଳରେ ଅଗ୍ନିଶମ ବାହିନୀ, ଓଡ୍ରାଫ୍‌ ଓ ସ୍କୁବା ଡାଇଭର ନିୟୋଜିତ ହୋଇଛନ୍ତି । ତେବେ ଉଦ୍ଧାର ହୋଇଥିବା ବ୍ୟକ୍ତିଙ୍କ ଘର ଭୁବନେଶ୍ବର ଲିଙ୍ଗିପୁରର ବୋଲି ଜଣାପଡ଼ିଛି ।