Argus News - ବିବାହ ପାଇଁ ନିବେଦନ କରିବାରୁ ଯୁବକକୁ ଛୁରୀ ଭୁଷି ହତ୍ୟା କରିଲେ ନାବାଳିକା ଝିଅର ମଉସା

ଅର୍ଗସ ବ୍ୟୁରୋ : ଘରେ ପଶି ଜୋର୍ ଜବରଦସ୍ତ ବିବାହ ପାଇଁ ନିବେଦନ କରିବାରୁ ଯୁବକକୁ ଛୁରୀ ଭୁଷି ହତ୍ୟା କରିଲେ ନାବାଳିକା ଝିଅର ମଉସା । କଟକ ସଦର ଥାନା ଅନ୍ତର୍ଗତ ଇନ୍ଦିରାଗ୍ରାମରେ ଘଟିଛି ଏଭଳି ଚଞ୍ଚଲ୍ୟକର ଘଟଣା । ଏହି ଘଟଣାରେ ଅଭିଯୁକ୍ତ ମଉସା ଶ୍ୟାମ ପ୍ରଧାନକୁ ଗିରଫ କରିଛି କଟକ ସଦର ଥାନା ପୋଲିସ । ଥରେ କି ଦୁଇ ଥର ନୁହେଁ ବାରମ୍ବାର ଘରେ ପଶି ନାବାଳିକାକୁ ବିବାହ ପାଇଁ ଜୋର୍ ଜବରଦସ୍ତ ନିବେଦନ କରିଥିଲା ମୃତକ ରାଜେଶ ସାହୁ । 

ଅଧିକ ପଢନ୍ତୁ ଓଡ଼ିଶା ଖବର

ହତ୍ୟା ପୂର୍ବରୁ ଦୁଇ ଦିନ ତଳେ ନାବାଳିକା ଘରକୁ ଯାଇ ବିବାହ ପାଇଁ ନିବେଦନ କରିଥିଲା ରାଜେଶ । ଯାହାକୁ ନେଇ ନାବାଳିକା ପରିବାର ଲୋକଙ୍କ ସହ ତାର ଯୁକ୍ତିତର୍କ ସହ ଠେଲାପେଲା ହୋଇଥିଲା । ଏଥିରେ ଉତକ୍ଷୀପ୍ତ ହୋଇ ନାବାଳିକାର ମଉସା ରାଜେଶକୁ ଛୁରୀ ଭୁଷି ହତ୍ୟା କରିଥିଲା । ତେବେ ମୃତକ ରାଜେଶ ନାଁରେ ପୂର୍ବରୁ ଦୁଷ୍କର୍ମ ସହ ପାଖାପାଖି ୫ ଟି ଅପରାଧିକ ମାମଲା ରହିଛି ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଅତିରିକ୍ତ ଡିସିପି ଅନିଲ ମିଶ୍ର ।