ଅର୍ଗସ ବ୍ୟୁରୋ : କଟକରୁ ଚୋରା ବନ୍ଧୁକ ରାକେଟର ପର୍ଦ୍ଦାଫାସ କରିଛି ଜଗତପୁର ପୋଲିସ । ୪ ଚୋରା ବନ୍ଧୁକ ସହ ୧୨ ରାଉଣ୍ଡ ଗୁଳି ଜବତ ହୋଇଛି । ଏହି ରାକେଟର ୩ ଅଭିଯୁକ୍ତଙ୍କୁ ପୋଲିସ୍ ଗିରଫ କରିଥିବାବେଳେ ଦୁଇ ଜଣ ଫେରାର୍ ଅଛନ୍ତି । ସେମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ରେଡ୍ କରୁଛି ପୋଲିସ୍ । ଗିରଫ ଅଭିଯୁକ୍ତ କଟକର ବବୁଆ, ଜଗତସିଂହପୁର ଅଞ୍ଚଳର ପିଣ୍ଟୁ ଓ ମିହିର । 

ଅଧିକ ପଢନ୍ତୁ ଓଡ଼ିଶା ଖବର

ଏମାନଙ୍କ ନାଁରେ ପୂର୍ବରୁ ରହିଛି ଅନେକ ମାମଲା । ଏଟିଏମ୍ ପାଇଁ ଥିବା କ୍ୟାସ୍ କ୍ୟାରିଂ ଭ୍ୟାନରୁ ଲୁଟ୍ ପାଇଁ ଯୋଜନା ଚଳାଇଥିଲାବେଳେ ପୋଲିସ୍ ହାତରେ ଧରାପଡିଛନ୍ତି । ଏମାନେ ବିହାରର ମୁଙ୍ଗେରରୁ ଚୋରା ବନ୍ଧୁକ ଆଣି କାରବାର କରୁଥିଲେ । ଅଧିକ ତଦନ୍ତ ପାଇଁ ଖୁବଶୀଘ୍ର ମୁଙ୍ଗେର ଯିବ ପୋଲିସର ସ୍ବତନ୍ତ୍ର ଟିମ୍ । ଏନେଇ ପ୍ରେସମିଟରେ ସୂଚନା ଦେଇଛନ୍ତି କଟକ ଡିସିପି କେ.ଭି ସିଂ ।