ଅର୍ଗସ ବ୍ୟୁରୋ : କଟକରୁ ପୁଣି ଜବତ ହେଲା ବ୍ରାଉନ ସୁଗାର । ୨୬୦ ଗ୍ରାମ ବ୍ରାଉନ ସୁଗାର ଜବତ କରିଛି ମାଲଗୋଦାମ ଥାନା ପୋଲିସ । ଜବତ ହୋଇ ଥିବା  ବ୍ରାଉନ ସୁଗାରର ଆନୁମାନିକ ମୂଲ୍ୟ ୨୬ ଲକ୍ଷ ଟଙ୍କା । ବ୍ରାଉନ ସୁଗାର କାରବାର କରୁ ଥିବା ଜଣେ ବେପାରୀକୁ ମଧ୍ୟ  ଗିରଫ କରିଛି ପୋଲିସ । 

ଅଧିକ ପଢନ୍ତୁ ଓଡ଼ିଶା ଖବର

ଗିରଫ ଅଭିଯୁକ୍ତର ନାଁ ପ୍ରଶାନ୍ତ ବାରିକ ଓ ତାର ଘର ଜଗତପୁର ମଙ୍ଗଳାସାହି ବୋଲି ପୋଲିସ ପକ୍ଷରୁ କୁହାଯାଇଛି । ପ୍ରଶାନ୍ତ ନାଁରେ ପୂର୍ଵରୁ ଡକାୟତି ଓ ବନ୍ଧୁକ କାରବାର ନେଇ ୭ ଟି ମାମଲା ରୁଜୁ ହୋଇଛି । ପୂର୍ବରୁ ଅନ୍ୟ ଅପରାଧିକ କାର୍ଯ୍ୟରେ ଲିପ୍ତ ରହୁ ଥିବା ପ୍ରଶାନ୍ତ କିଛି ଦିନ ହେଲା ବ୍ରାଉନ ସୁଗାର କାରବାର ଆରମ୍ଭ କରି ଥିବା କହିଛନ୍ତି ଅତିରିକ୍ତ ଡିସିପି ।