ଅର୍ଗସ ବ୍ୟୁରୋ : ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାରେ ଆଗାମୀ ପାଞ୍ଚ ବର୍ଷ ପାଇଁ ସଂପୂର୍ଣ୍ଣ ମାଗଣା ଚାଉଳ କେନ୍ଦ୍ର ସରକାର ପ୍ରଦାନ କରୁଛନ୍ତି । ଏହି ଯୋଜନାରେ ପ୍ରତ୍ୟକ ଗରିବ ପରିବାର ଲାଭବାନ ହୋଇ ପାରିବେ ସେଥିପାଇଁ ସବୁ ସରକାରୀ ଖୁଚୁରା ବିକ୍ରୟ କେନ୍ଦ୍ରରେ କେନ୍ଦ୍ର ସରକାରଙ୍କ ଦ୍ୱରା ପ୍ରକାଶିତ ବୋର୍ଡ ମରାଜୀବ । ସେହି ବୋର୍ଡରେ ସଂପୂର୍ଣ୍ଣ ବିବରଣୀ ଉଲ୍ଲେଖ ରହିବା ସହିତ ଖାଉଟି ରାସନ ସାମଗ୍ରୀ ନେଲାପରେ କମ୍ପ୍ୟୁଟର ରସିଦ ଦିଆଯିବ । ଏଭଳି କରିବା ଦ୍ୱାରା କୌଣସି ଖାଉଟି ଠକାମିର ଶିକାର ହେବେ ନାହିଁ କି ବାଟ ମାରଣା ହେବ ନାହିଁ ।

ଅଧିକ ପଢନ୍ତୁ ଓଡ଼ିଶା ଖବର

ଏହାର ବ୍ୟତିକ୍ରମ ଦେଖା ଦେଇଛି କଟକ ଜିଲ୍ଲାର କଟକସଦର ବ୍ଳକରେ । ଭାତ ହାଣ୍ଡିରୁ ଗୋଟେ ଦୁଇଟି ନେଲା ଭଳି କଟକସଦର ବ୍ଲକ ଅଧୀନରେ ଥିବା ସରକାରୀ ଖୁଚୁରା ବିକ୍ରେୟ କେନ୍ଦ୍ରରେ କେଉଁଠି ବୋର୍ଡ ମରାଯାଇ ନାହିଁତ ଆଉ କେଉଁଠି ରାଜ୍ୟ ସରକାରଙ୍କର ବ୍ୟାନର ମରା ଯାଇଛି । ସବୁଠାରୁ ବଡ଼ କଥା ଖାଉଟିଙ୍କୁ କମ୍ପୁଟର ରସିଦ ଦିଆ ଯାଉନାହିଁ ।

ମନରେ ପ୍ରଶ୍ନ ଉଠୁଛି କାହାର ଅଘୋଷିତ ନିର୍ଦ୍ଦେଶ ସହ କାହାର ସ୍ୱାର୍ଥକୁ ଆଖି ଆଗରେ ରଖି ସରକାରୀ ଖୁଚୁରା ବିକ୍ରେତା ମାନେ ସରକାରୀ ନିୟମ ମାନୁନାହାନ୍ତି । ଯାହା ଫଳରେ ଖାଉଟି ଅନ୍ଧାରରେ ରହୁଛି ଏହାର ଫାଇଦା କିଏ ନେଉଛି । ଏ ସମ୍ପର୍କରେ କଟକସଦର ବିଡ଼ିଓ ରୁମାନା ଜାଫ୍ରିଙ୍କ କହିବା କଥା ଏ ସମ୍ବନ୍ଧରେ ମୁଁ କୌଣସି ଅଭିଯୋଗ ପାଇ ନାହିଁ ଆପଣଙ୍କ ଠାରୁ ଜାଣିଲି ମୁଁ ତଦନ୍ତ କରି ନିଶ୍ଚିତ ଦୋଷୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV