ତିନି ଭାଇଙ୍କ ଘରେ ନିଆଁ ଲାଗି ସହିତ ଲକ୍ଷାଧିକ ଟଙ୍କାର ଆସବା ପତ୍ର ପୋଡି ଛାରଖାର

ଅର୍ଗସ ବ୍ୟୁରୋ : ଆପେ ଆପେ ଘରେ ଲାଗୁଛି ନିଆଁ । ଗୋଟିଏ ପରେ ଗୋଟିଏ ତିନି ଭାଇଙ୍କ ଘରେ ନିଆଁ ଲାଗି ସହିତ ଲକ୍ଷାଧିକ ଟଙ୍କାର ଆସବା ପତ୍ର ପୋଡି ଛାରଖାର । ଏ ଭଳି ଘଟଣା ଦେଖିବାକୁ ମିଳିଛି କଟକ ଜିଲ୍ଲାର ସାଲେପୁର ବ୍ଲକ ଅନ୍ତର୍ଗତ ପୁରୁଣାହାଟ ପଞ୍ଚାୟତ ଅଧିନସ୍ତ ଓଡିକିମିରା ଗ୍ରାମରେ । ଓଡିକିମିରା ଗ୍ରାମର ଜନ୍ମେଜୟ ରାଉତରାୟ, ଯଶୋମନ୍ତ ରାଉତରାୟ, ଜଗଦୀଶ ରାଉତରାୟ ତିନିଭାଇ ବସବାସ କରନ୍ତି ।

ଗତକାଲି ହଟାତ ଦିନ ଏକ ଘଟିକାରେ ଘରେ ନିଆଁ ଲାଗିଯାଇଥିଲା । ପରିବାର ଏବଂ ଗ୍ରାମବାସୀ ନିଆଁକୁ ଲିଭାଇଥିଲେ । ପୁନର୍ବାର ଛଣ ଗଦାରେ ନିଆଁ ଲାଗିଥିଲା ସେହି ଭଳି ଭାବରେ ଆଜି ସକାଳେ ଆସବା ପତ୍ର ସହ ଛାତ ଘର ଥିବା ଆସବା ପତ୍ରରେନିଆଁ ଆପେ ଆପେ ଲାଗିଯିବାରୁ ଲକ୍ଷାଧିକ ଟଙ୍କାର ଆସବା ପତ୍ର ପୋଡି ଯାଇଛି । 

ଅଧିକ ପଢନ୍ତୁ ଓଡ଼ିଶା ଖବର

କେଉଁ କାରଣ ପାଇଁ ଆପେ ଆପେ ନିଆଁ ଲଗୁଛି ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । ଘଟଣା ସ୍ଥଳେ ସାଲେପୁର ଅଗ୍ନିଶମ ବିଭାଗର ଅଧିକାରୀ ପହଞ୍ଚି ପ୍ରାଥମିକ ତଦନ୍ତ ପରେ ବି ଜାଣି ପାରୁନାହାନ୍ତି କି ଭଳି ନିଆଁ ଲାଗୁଛି । ଅନ୍ୟପଟେ ଗ୍ରାମବାସୀଙ୍କ କହିବା କଥା ଏହା ଏକ ଭୌତିକ କାଣ୍ଡ।ସେଥିପାଇଁ ପୂଜାପାଠ ଆରମ୍ଭ ହୋଇଛି ।