Drowning To Elope / ପରିବାର ଲୋକ ଭୋ ଭୋ କାନ୍ଦୁଥିଲେ, ହେଲେ ଯୁବତୀ ପ୍ରେମିକ ସହ ମଉଜ କରୁଥିଲେ...

ମହାନଦୀରେ ବୁଡ଼ିଯାଇ ମୃତ୍ୟୁ ବରଣ କରିଥିଲେ । ହେଲେ କିଛି ଦିନ ପରେ ପୁରୀରେ ପ୍ରେମିକ ସହ ଧରାପଡ଼ିଲେ । ଏହି କଥାଟି ଆପଣଙ୍କୁ ଅଡ଼ୁଆ ଲାଗୁଥିବ । ଆଉ ମନରେ ପ୍ରଶ୍ନ ଆସୁଥିବ, ଯଦି ଜଣେ ନଦୀରେ ବୁଡ଼ି ମରିଯାଇଛି, ତାପରେ କେମିତି ପ୍ରେମିକ ସହ ଧରାପଡ଼ିଲେ ? ଖବରଟି ସମ୍ପୂର୍ଣ୍ଣ ପଢ଼ିବା ପରେ ଆପଣ ବି ଜାଣିପାରିବେ ଘଟଣାର ପୂରା ସତ କ'ଣ ? ଆଉ ସବୁ ଜାଣିବା ପରେ ଆପଣ ଆଶ୍ଚର୍ଯ୍ୟ ହେବେ ।

ଏହି ଘଟଣାଟି କଟକ ଜିଲ୍ଲା ବାଙ୍କୀ ପୋଲିସ ଥାନା ଅନ୍ତର୍ଗତ ରତଗଡ଼ ଗାଁରେ ଘଟିଛି। ଶେଷ ଖୁଦୁରୁକୁଣୀ ଓଷା ଦିନ ଭଷାଣୀ ବେଳେ ଏହି ଗାଁର ଜଣେ ଯୁବତୀ ମହାନଦୀରେ ବୁଡ଼ିଯାଇଲେ । ତାପରେ ଖବର ପାଇ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଥିଲା । ଦମକଳ ବାହିନୀ ତଥା ଉଦ୍ଧାରକାରୀ ଟିମ୍‌ ନଦୀରେ ପଶି ଯୁବତୀଙ୍କୁ ଅନେକ ଖୋଜା ଖୋଜି ମଧ୍ୟ କରିଥିଲେ । ବିସର୍ଜନ ବେଳେ ନଦୀରେ ପଡ଼ିଥିବା ଅନ୍ୟ ପୂଜା ସାମଗ୍ରୀ ସବୁ ମିଳିଥିଲା । ହେଲେ ଯୁବତୀଙ୍କୁ ଖୋଜି ପାଇନଥିଲେ ଉଦ୍ଧାରକାରୀ ଦଳ ।

ଏହାସହ ପଢ଼ନ୍ତୁ:- ଦୁନିଆର ସବୁଠାରୁ ଶକ୍ତିଶାଳି ରାଷ୍ଟ୍ର, BRICSକୁ ଦେଖି ଥରିଲାଣି !

ଦିନେ କି ଦୁଇ ଦିନ ନୁହେଁ ଏକାଥରକେ ୩ ଦିନ ପର୍ଯ୍ୟନ୍ତ ଏମିତି ଖୋଜା ଖୋଜି ଚାଲିଥିଲା । ତଥାପି ଯୁବତୀଙ୍କ ପତ୍ତା ମିଳିନଥିଲା । ସମସ୍ତେ ଭାବିଥିଲେ ଯୁବତୀ ପାଣିର ସ୍ରୋତରେ କେଉଁ ଆଡ଼େ ଭାସି ଯାଇଛନ୍ତି ।

ଏହି ଖବର ଗାଁ ଲୋକଙ୍କ ମନରେ ଗଭୀତ ଆଘାତ ଦେଇଥିଲା । ପୁରା ଗାଁ ଶୋକାକୂଳ ହୋଇପଡ଼ିଥିଲା । ପରିବାର ଲୋକେ ଭାଙ୍ଗି ପଡ଼ିଥିଲେ । ଝିଅ ଆଉ ନାହିଁ ବୋଲି ପରିବାର ଲୋକ ବାହୁନି ବାହୁନି କାନ୍ଦୁଥିଲେ । ମହାନଦୀର କରେଣ୍ଟ ତାଙ୍କ ଝିଅକୁ ଟାଣି ନେଲା ବୋଲି ପରିବାର ଲୋକ ବିଶ୍ୱାସ ମଧ୍ୟ କରିସାରିଥିଲେ ।

ଏହାସହ ପଢ଼ନ୍ତୁ:- ବଦଳିଲା ଆମେରିକା ସ୍ୱର ! ତ୍ରିଶକ୍ତିଙ୍କୁ ଏକାଠି ଦେଖି ଚିନ୍ତାରେ ପଡ଼ିଲା...

ହେଲେ ଘଟଣାର ତିନି ଦିନ ପରେ ଆସିଲା ବଡ଼ ଟ୍ୱିଷ୍ଟ । ତଦନ୍ତରୁ ଜଣାପଡ଼ିଲା ଯୁବତୀ ଜଣକ ମହାନଦୀରେ ଜାଣିଶୁଣି ଭାସିଯାଇଥିଲେ । ଆଉ ତାପରେ ସମସ୍ତଙ୍କ ଆଖି ଆଢ଼ୁଆଳରେ ନଦୀ ପାର୍‌ ହୋଇ ପ୍ରେମିକ ସହ ଫେରାର ହୋଇଯାଇଥିଲେ । ଏହି କଥା ସେତେବେଳେ ସାମ୍ନାକୁ ଆସିଲା ଯେତେବେଳେ ପୋଲିସ ଖବର ପାଇଲା ଯେ, ଯୁବତୀ ଜଣକ ନିଜ ବୟଫ୍ରେଣ୍ଡ ସହ ପୁରୀ ଚୁଡ଼ଙ୍ଗ ସାହିରେ ରହୁଛନ୍ତି । ପୁରୀ ପୋଲିସ ଉଭୟଙ୍କୁ ମଙ୍ଗଳବାର ରାତିରେ ଥାନାରେ ଅଟକ ରଖିଥିଲା । ତାପରେ ବାଙ୍କୀ IIC ଦିଲ୍ଲୀପ କୁମାର ମର୍ଦ୍ଦରାଜଙ୍କୁ ଜଣାଇଥିଲା । ଏବେ ପୁରୀ ପୋଲିସ ଉଭୟଙ୍କୁ ବାଙ୍କୀ ପୋଲିସକୁ ହସ୍ତାନ୍ତର କରିସାରିଛି ।