Cyclone Arnab / ପୁରୀଠୁ ୫୪୦ କିମି ଦୂରରେ ବାତ୍ୟା 'ଅର୍ଣ୍ଣବ'; ସ୍ଥଳଭାଗ ଛୁଇଁବା ପରେ ବଦଳାଇପାରେ ଗତିପଥ
Key Points
ଏବେ ବାତ୍ୟା 'ଅର୍ଣ୍ଣବ' ଆନ୍ଧ୍ରପ୍ରଦେଶର କଳିଙ୍ଗପାଟଣମ ଠାରୁ ଦକ୍ଷିଣପୂର୍ବରୁ ୫୪୦ କିଲୋମିଟର ଦୂରରେ ରହିଛି । ସେହିଭଳି ଓଡ଼ିଶାର ପୁରୀ ଠାରୁ ଦକ୍ଷିଣ-ଦକ୍ଷିଣପୂର୍ବରେ ୫୪୦ କିମି, ଗୋପାଳପୁର ଠାରୁ ଦକ୍ଷିଣ-ପୂର୍ବରେ ୫୫୦ କିମି, ପାରାଦୀପ ଠାରୁ ଦକ୍ଷିଣ-ଦକ୍ଷିଣପୂର୍ବରେ ୫୬୦ କିମି ଓ କୋକୋ ଦ୍ଵୀପରୁ ପଶ୍ଚିମ-ଉତ୍ତରପଶ୍ଚିମ ଦିଗରେ ୫୮୦ କିଲୋମିଟର ଦୂରରେ ରହିଛି ।
ଏଥିସହ ପଢ଼ନ୍ତୁ: ମାଡ଼ି ଆସୁଛି ବାତ୍ୟା: ସମୁଦ୍ରକୂଳକୁ ଯାଇପାରିବେନି ପର୍ଯ୍ୟଟକ...
ଆଣ୍ଡାମାନର ଶ୍ରୀ ବିଜୟ ପୂରମ ଠାରୁ ବାତ୍ୟା 'ଅର୍ଣ୍ଣବ' ୬୫୦ କିମି ଦୂରରେ ରହିଥିବା ବେଳେ ବିଶାଖାପାଟଣମ ଠାରୁ ପୂର୍ବ-ଦକ୍ଷିଣପୂର୍ବରେ ୫୮୦ କିଲୋମିଟର ଦୂରରେ ରହିଛି । ଏହା କ୍ରମଶଃ ପଶ୍ଚିମ-ଉତ୍ତରପଶ୍ଚିମ ଦିଗରେ ଗତି କରି ଆହୁରି ଘନୀଭୂତ ହେବ ।
Sub:Cyclonic Storm “Arnab” [Pronunciation: Ornab] over Westcentral and adjoining Eastcentral Bay of Bengal [Cyclone Warning for Andhra Pradesh and adjoining South Odisha coasts—Red Message] The cyclonic storm “Arnab” [Pronunciation :Ornab] over Eastcentral and adjoining Westcentral Bay of Bengal moved nearly westwards with a speed of 13 kmph during last 6 hours, and lay centered at 1130 hrs IST of today, the 26th October, 2026 over Westcentral and adjoining Eastcentral near latitude 15.5°N and longitude 88.2°E, 550 km southeast of Gopalpur (Odisha), 580 km east-southeast of Vishakhapatnam (Andhra Pradesh), 650 km northwest of Sri Vijaya Puram (Andaman Islands), 660 km east-southeast of Kakinada (Andhra Pradesh), 760 km east-southeast of Machilipatnam (Andhra Pradesh) and 830 km east-southeast of Bapatla (Andhra Pradesh). It is very likely to move west-northwestwards and intensify further into a severe cyclonic storm over westcentral Bay of Bengal by evening of today, the 26th October and into a very severe cyclonic storm over the same region on 27th October. Thereafter, it is very likely to move northwestwards and cross Andhra Pradesh & Yanam coasts between Bapatla and Visakhapatnam close to Yanam as a very severe cyclonic storm with the maximum sustained wind speed of 115-125 kmph gusting to 140 kmph by forenoon of 28th October, 2026.
— India Meteorological Department (@Indiametdept) October 26, 2026
୨୬ ତାରିଖ (ସୋମବାର) ସନ୍ଧ୍ୟା ସୁଦ୍ଧା ସାମୁଦ୍ରିକ ଝଡ଼ 'ଅର୍ଣ୍ଣବ' ଭୀଷଣ ବାତ୍ୟାରେ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ପରିଣତ ହେବ । ସମାନ ଅଞ୍ଚଳରେ 'ଅର୍ଣ୍ଣବ' ୨୭ ତାରିଖରେ ଅତି ଭୀଷଣ ବାତ୍ୟାର ରୂପ ନେପାଇରେ । ଏହା ପରେ 'ଅର୍ଣ୍ଣବ' ଉତ୍ତର-ପଶ୍ଚିମ ଦିଗରେ ଗତି କରି ଆନ୍ଧ୍ରପ୍ରଦେଶ ଓ ୟାନାମ ଉପକୂଳର ବାପଟଲା ଏବଂ ବିଶାଖାପାଟଣମ୍ ମଧ୍ୟରେ ୟାନାମ୍ ପାଖା ପାଖି ଅତି ଭୀଷଣ ବାତ୍ୟା ଭାବେ ଅତିକ୍ରମ କରିବ ।
ଲ୍ୟାଣ୍ଡଫଲ୍ ବେଳେ କେତେ ପବନ ?
ଭାରତୀୟ ପାଣିପାଗ ବିଭାଗ ଅନୁସାରେ, ୨୮ ତାରିଖ ପୂର୍ବାହ୍ଣରେ ଅତି ଭୀଷଣ ବାତ୍ୟା 'ଅର୍ଣ୍ଣବ' ସ୍ଥଳଭାଗ ଛୁଇଁବ । ବାତ୍ୟ 'ଅର୍ଣ୍ଣବ' ଉପକୂଳ ଅତିକ୍ରମ କରିବା ବେଳେ ପବନର ସର୍ବାଧିକ ବେଗ ଘଣ୍ଟା ପ୍ରତି ୧୧୫ରୁ ୧୨୫ କିଲୋମିଟର ଏବଂ ଝଟ୍କା ପବନର ବେଗ ଘଣ୍ଟାପ୍ରତି ୧୪୦ କିଲୋମିଟର ପର୍ଯ୍ୟନ୍ତ ରହିପାରେ ।
ଦକ୍ଷିଣ ଓଡ଼ିଶାରେ ପ୍ରବଳ ବର୍ଷିବ
ବାତ୍ୟା 'ଅର୍ଣ୍ଣବ' ପ୍ରଭାବରେ ଓଡ଼ିଶାର ବିଭିନ୍ନ ଜିଲ୍ଲାରେ ୨୭ ତାରିଖରୁ ୨୯ ତାରିଖ ପର୍ଯ୍ୟନ୍ତ ପ୍ରବଳ ବର୍ଷା ହେବ । ଦକ୍ଷିଣ ଓଡ଼ିଶାର ଜିଲ୍ଲା ଗୁଡ଼ିକ ସର୍ବାଧିକ ପ୍ରଭାବିତ ହେବାର ଆଶଙ୍କା ରହିଛି । ୨୭ ତାରିଖରେ ପ୍ରବଳରୁ ଅତି ପ୍ରବଳ ବର୍ଷା ନେଇ ପୁରୀ, ଗଜପତି, ଗଞ୍ଜାମ, ରାୟଗଡ଼ା, କୋରାପୁଟ ଏବଂ ମାଲକାନଗିରି ଜିଲ୍ଲାକୁ ଅରେଞ୍ଜ ଆଲର୍ଟ ଦିଆଯାଇଛି ।
୨୮ରେ ରେଡ୍ ୱାର୍ଣ୍ଣିଂ
ଅକ୍ଟୋବର ୨୮ରେ ଗଜପତି, ଗଞ୍ଜାମ, ରାୟଗଡ଼ା, କୋରାପୁଟ ଓ ମାଲକାନଗିରି ଜିଲ୍ଲାରେ ଅତି ପ୍ରବଳୁ ଅତ୍ୟନ୍ତ ପ୍ରବଳ ବର୍ଷା ନେ ରେଡ୍ ଆଲର୍ଟ ଦିଆଯାଇଛି । ସେହିଭଳି ପ୍ରବଳରୁ ଅତି ପ୍ରବଳ ବର୍ଷା ନେ କଳାହାଣ୍ଡି, କନ୍ଧମାଳ, ନବରଙ୍ଗପୁର, ନୂଆପଡ଼ା, ବଲାଙ୍ଗିର, ବରଗଡ଼, ପୁରୀ, ଖୋର୍ଦ୍ଧା, ସୋନପୁର, ବୌଦ୍ଧ ଓ ନୟାଗଡ଼ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ରହିଛି ।
ଏଥିସହ ପଢ଼ନ୍ତୁ: ସୃଷ୍ଟି ହେଲା ବାତ୍ୟା “ଅର୍ଣ୍ଣବ”…ଆଜି ରାତି ସୁଦ୍ଧା ଭୀଷଣ ବାତ୍ୟାର ରୂପ ନେବ
ମତ୍ସ୍ୟଜୀବୀଙ୍କୁ ସମୁଦ୍ର ମନା
ବାତ୍ୟା 'ଅର୍ଣ୍ଣବ' ପାଇଁ ସମୁଦ୍ର ଅଶାନ୍ତ ରହିବ । ତେଣୁ ମତ୍ସ୍ୟଜୀବୀମାନଙ୍କୁ ୨୭ରୁ ୨୯ ତାରିଖ ପର୍ଯ୍ୟନ୍ତ ସମୁଦ୍ର ପ୍ରବେଶ ବାରଣ କରାଯାଇଛି । ଓଡ଼ିଶାର ପାରାଦୀପ ଓ ଧାମରା ବନ୍ଦରରେ ଦୂରବର୍ତ୍ତୀ ସତର୍କ ସୂଚନା ସଂକେତ ନଂ-୨ ଦିଆଯାଇଥିବା ବେଳେ ପୁରୀ ଓ ଗୋପାଳପୁରରେ ସ୍ଥାନୀୟ ସତର୍କ ସୂଚନା ସଂକେତ ନଂ-୪ ଦିଆଯାଇଛି ।
📱 Get Argus News App
✨