ସମ୍ବଲପୁର ବୁର୍ଲାରେ ରାଜ୍ୟ ସରକାରଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନିଶାନା

ଅର୍ଗସ ବ୍ୟୁରୋ : ସମ୍ବଲପୁର ବୁର୍ଲାରେ ରାଜ୍ୟ ସରକାରଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନିଶାନା । ୨୪ ବର୍ଷର ସରକାରର ଅପାରଗତାରୁ ବଢୁଛି ରାଜ୍ୟବାସୀଙ୍କ ଦୁର୍ଦ୍ଦଶା । ହୀରାକୁଦରେ ମାର୍ଚ୍ଚ ମାସରେ ବ୍ୟାପିଲା ହଇଜା । ଲୋକଙ୍କୁ ପିଇବା ପାଣି ମୁନ୍ଦେ ଯୋଗାଇବାରେ ବିଫଳ ବିଜେଡି ସରକାର । ମହିଳା ସୁରକ୍ଷା ଓ ଚାଷୀଙ୍କ ସମସ୍ୟା ନେଇ ବି ଉଦାସୀନ । ଧର୍ମେନ୍ଦ୍ରଙ୍କ ଦୃଢ଼ୋକ୍ତି ଏଥର ଓଡ଼ିଶାରେ ପକ୍କା ଡବଲ ଇଞ୍ଜିନ୍ ସରକାର । ଆମେ କୌଣସି ଉପାନ୍ତ ଅଞ୍ଚଳ କଥା କୋହୁନୁ । ଆମେ କୋହୁଛୁ କଟକ ଜିଲ୍ଲା ଆଠଗଡ଼ ବ୍ଲକ୍ ଇଚ୍ଛାପୁର ପଞ୍ଚାୟତ ପୁରୁଣା ପତଣ୍ଡା ଗାଁ କଥା । ଯୋଉଠି ଖୋଲି ଯାଇଛି ରାଜ୍ୟର ବିଜେଡି ସରକାରର ମାଳ ମାଳ ମିଛ ବିକାଶ ପ୍ରଚାରର ପୋଲ୍ । 

୦୦ରୁ ଅଧିକ ଲୋକ ରହୁଥିବା ଗାଁରେ ଲୋକଙ୍କ ଶୋଷ ମେଣ୍ଟାଉଛି ଚୁଆ ପାଣି । ଗାଁରେ ଥିବା ୨ଟି ସରକାରୀ ନଳକୂପରୁ ବାହାରୁଛି ମଇଳା ପାଣି । ଫଳରେ ଦୁଇ କିଲୋମିଟର ରାସ୍ତା ଅତିକ୍ରମ କରି ସାପୁଆ ନଦୀରେ ଚୁଆ କରି ପାଣି ଆଣୁଛନ୍ତି ଗାଁ ଲୋକେ । ସାରା ରାଜ୍ୟରେ ପିଇବା ପାଣି ପାଇଁ ହନ୍ତସନ୍ତ ହେଉଛନ୍ତି ଲୋକେ । ବାଙ୍କୀରୁ କଣ୍ଟାବାଞ୍ଜି, ରାଉରକେଲାରୁ ଗଜପତି ସବୁଠି ପିଇବା ପାଣି ପାଇଁ ଲୋକେ କେମିତି ହଇରାଣ ହେଉଛନ୍ତି ।

ରାଉରକେଲା, ସୁନ୍ଦରଗଡ଼, ସମ୍ବଲପୁର ଓ ହୀରାକୁଦ ଭଳି ସହରରେ ବି ଦୂଷିତ ପାଣି ଯୋଗୁଁ ବ୍ୟାପିଲା ହଇଜା । ରାଜ୍ୟବାସୀଙ୍କୁ ପିଇବା ପାଣି ମୁନ୍ଦେ ଯୋଗାଇବାରେ ବିଫଳ ୨୪ ବର୍ଷର ସରକାର । ଯାହାକୁ ନେଇ ସମ୍ବଲପୁର ବୁର୍ଲାରେ ଯୁବ ଭୋଟରଙ୍କ ସହ ଆଲୋଚନା ବେଳେ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।  

ଅଧିକ ପଢନ୍ତୁ : ଭୁଲ ଲୁଚାଇବାକୁ କେନ୍ଦ୍ର ଉପରେ ଦୋଷ ଲଦିଲେ ରାଜ୍ୟ ସରକାର ?

କେବଳ ପାଣି ନୁହେଁ ମହିଳାଙ୍କୁ ସୁରକ୍ଷା ହେଉ କି ଚାଷୀଙ୍କ ସମସ୍ୟା ସବୁ ପ୍ରସଙ୍ଗରେ ଫେଲ୍ ବିଜେଡି ସରକାର । ଗୋଟିଏ ପଟେ ଅପାରଗତାର ଲମ୍ବା ଚିଠା ଅନ୍ୟପଟେ ବିକାଶ ନାଁରେ ମାଳ ମାଳ ମିଛ ପ୍ରଚାରରେ ବ୍ୟସ୍ତ ବିଜେଡି ସରକାର । ଏ ନେଇ କଡ଼ା ସମାଲୋଚନା କରିଛନ୍ତି ଧର୍ମେନ୍ଦ୍ର । ଓଡ଼ିଶାକୁ ବିକାଶର ଧାରାରେ ଆଗେଇ ନେବାକୁ ଡବଲ୍ ଇଞ୍ଜିନ୍ ସରକାର ପାଇଁ ଆହ୍ବାନ ଦେଇଛନ୍ତି କେନ୍ଦ୍ରମନ୍ତ୍ରୀ ।