ଅର୍ଗସ ବ୍ୟୁରୋ : ସେପଟେମ୍ବର ୨୦୨୨ । ଗୋପ ବ୍ଲକ ଜୋନ ୧୧ର ବିଜେଡି ଜିଲ୍ଲା ପରିଷଦ ସଭ୍ୟ ଧର୍ମେନ୍ଦ୍ର ସାହୁଙ୍କ ଆତ୍ମହତ୍ୟା ହଇଚଇ ସୃଷ୍ଟି କଲା । ଆତ୍ମହତ୍ୟା ପୂର୍ବରୁ ଧର୍ମେନ୍ଦ୍ର ପୋନ କରିଥିଲେ ବରିଷ୍ଠ ସାମ୍ବାଦିକ ଅକ୍ଷୟ ନାୟକଙ୍କୁ । କହିଥିଲେ ସମୀର ତାଙ୍କ ପତ୍ନୀଙ୍କୁ ବ୍ଲାକମେଲ୍ କରୁଛନ୍ତି । ତାଙ୍କ ମୃତ୍ୟୁ ପାଇଁ ସମୀର ଦାଶ ଦାୟୀ । ଯାହାର ଅଡିଓ ଭାଇରାଲ ହୋଇଥିଲା ।

ଧର୍ମେନ୍ଦ୍ର ସାହୁ ତାଙ୍କ ସେଷ ପୋଷ୍ଟରେ ଦୁଇଟି ଭିଡିଓ କଥା ବି ଉଲ୍ଲେଖ କରିଥିଲେ । ଘଟଣାର ଦେଢ ବର୍ଷ ପରେ ବି ଆଗେଇଲାନି ତଦନ୍ତ । ଧର୍ମେନ୍ଦ୍ର ସାହୁ ସମୀର ଦାଶଙ୍କ ନାଁ ନେଇଥିଲେ ବି ତାଙ୍କୁ ତଦନ୍ତ ପରିସରକୁ ଆଣିଲାନି କମିଶନରେଟ୍ ପୋଲିସ । ସେତେବେଳେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ଥିଲେ ସମୀର ଦାଶ । କମିଶନରେଟ୍ ପୋଲିସ ଅକ୍ଷୟ ନାୟକଙ୍କ ମୋବାଇଲ୍ ବି ସିଜ୍ କଲା । ହେଲେ ଆଉ ଫେରାଇଲାନି । ଏବେ ସମୀରଙ୍କ ବିରୋଧରେ ଫୌଜଦାରୀ ମାମଲା ରୁଜ୍ଜୁ ନେଇ ହାଇକୋର୍ଟରେ ଆବେଦନ କରିଛନ୍ତି ସାମ୍ବାଦିକ ଅକ୍ଷୟ ନାୟକ । ଦାବି କରିଛନ୍ତି ସମୀର ଦାଶଙ୍କ କଲ୍ ଡିଟେଲସ ଯାଞ୍ଚ ହେଉ ।

ଅଧିକ ପଢନ୍ତୁ ଓଡ଼ିଶା ଖବର

ବଡ଼ ପ୍ରଶ୍ନ କାହିଁକି ତଦନ୍ତ ପରିସରକୁ ଆସିଲେ ନାହିଁ ସମୀର, ସେତେବେଳର ସ୍କୁଲ ଓ ଗଣଶିକ୍ଷା ମନ୍ତ୍ରୀଙ୍କୁ କିଏ ଦେଇଥିଲା ସୁରକ୍ଷା, କୁଆଡେ ଗଲା ଧର୍ମେନ୍ଦ୍ର ସାହୁ ଉଲ୍ଲେଖ କରିଥିବା ଦୁଇ ଭିଡିଓ, କାହିଁକି ଅକ୍ଷୟଙ୍କ ମୋବାଇଲ ଫେରାଉନାହିଁ କମିଶନରେଟ୍ ପୋଲିସ, ସବୁ ପ୍ରମାଣ ନଷ୍ଟ କରିଦେବା ପାଇଁ ହୋଇଛି କି ବଡ଼ ଷଡଯନ୍ତ୍ର । ହାଇ ପ୍ରୋଫାଇଲ କେସରେ ଚାପରେ ଚେପା ପୋଲିସ, ବିଜେଡି ନେତା-ବିଧାୟକଙ୍କ ନାଁ ଆସିଲେ ସୁରକ୍ଷା ଦେଉଛି ପୋଲିସ, ଅପରାଧୀଙ୍କୁ ବଢାଉଛନ୍ତି ସାହସ, ସେଥିପାଇଁ ଓଡ଼ିଶାରେ ଦଣ୍ଡବିଧାନ ହାର ମାତ୍ର ୧୧.୩ ପ୍ରତିଶତ ।