ଅର୍ଗସ ବ୍ୟୁରୋ : ଭିଜଲାନ୍ସ ରେଡ ବେଳେ ରେଞ୍ଜର ବାବୁଙ୍କ କଳା କାରନାମା ଦେଖନ୍ତୁ । ଟଏଲେଟ୍ ଫ୍ଲସ୍‌ରେ ରେଞ୍ଜର ବାବୁ ଲୁଚାଇ ରଖିଥିଲେ ଟଙ୍କା । ରେଞ୍ଜର ବାବୁଙ୍କ ଏ କାରନାମା ଦେଖି ତାଜୁବ ଭିଜଲାନ୍ସ । ରେଞ୍ଜର ବିଭୁଦାନନ୍ଦ ମିଶ୍ରଙ୍କ ଘର ସମେତ ୮ଟି ସ୍ଥାନରେ ରେଡ୍ କରିଛି ଭିଜିଲାନ୍ସ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଞ୍ଜ ଅଫିସ, କାଲଟାକ୍ସ ସ୍ଥିତ ଘର, ଖୁଣ୍ଟୁଣି ଥାନା ରାହାଙ୍ଗୋଳ ସ୍ଥିତ ଫାର୍ମ ହାଉସ,  କଟକ ବୀରକିଶୋରପୁର ସ୍ଥିତ ପୈତୃକ ବାସଭବନ, ଭୁବନେଶ୍ବର ଜିଜିପି କଲୋନୀ ସ୍ଥିତ ଘରେ ଭିଜିଲାନ୍ସ ଚଢାଉ କରିଛି । ବିଭୁଦାନନ୍ଦଙ୍କ ପରି ବାବୁମାନେ ଧରାପଡିବା ଉପରକୁ ଛୋଟିଆ ଜିନିଷ ଭଳି ଦେଖାଯାଉଥିବା ବେଳେ ଏହା ପଛରେ ରହିଛି ବଡ ଷଡଯନ୍ତ୍ର । 

ବିକ୍ରମ ଆରୁଖ ଓ ପ୍ରଦୀପ ଅମାତ ଜଙ୍ଗଲ ମନ୍ତ୍ରୀ ଥିବା ବେଳେ ଥାର୍ଡ ଫ୍ଲୋରରେ ବସିଥିବା କୋଟେରୀରେ କୁଟେ ଓ ପାଣ୍ଡିଆନ ଏମାନଙ୍କ ପାଖରୁ ଟଙ୍କା ନେଉଥିଲେ ବୋଲି ଅଭିଯୋଗ ହୋଇଛି । ସିଧା ସିଧା କହିବାକୁ ଗଲେ ପିସି କଲେକସନର ଏଜେଣ୍ଟ ବସିଥିଲେ ତୃତୀୟ ମହଲାରେ । ଟି ଫର ଟିମ ଓ୍ବାର୍କ କରି ହେଉଥିଲା ଲୁଟ ।  ଆଜି ସକାଳେ ଆଠଗଡ଼ ଥାନା ବୀରକିଶୋରପୁର ଏବଂ ଖୁଣ୍ଟୁଣୀ ଥାନା ରାହାଙ୍ଗୋଳ ଠାରେ ଥିବା ଏକ ଫାର୍ମ ହାଉସ ରେ ଭିଜିଲାନ୍ସର ଏକ ୧୨ ଜଣିଆ ଟିମ କରିଥିଲା ଚଢ଼ାଉ । ରାହାଙ୍ଗୋଳ ଠାରେ ଥିବା ଫାର୍ମ ହାଉସ ୫ ଏକର ଜମିରେ ହୋଇଛି । ଗୋଟିଏ ଦୁଇ ମହଲା କୋଠା ସାଙ୍ଗକୁ ଏକମହଲା ବିଶିଷ୍ଟ ଦୁଇଟି ଘର ରହିଛି । ୩୭  ହଜାର କୁକୁଡା ରହିବା ଭଳି ଦୁଇଟି ଶୀତତାପ ନିୟନ୍ତ୍ରିତ କୁକୁଡା ଫାର୍ମ ରହିଛି । ଯାହାର ଆନୁମାନିକ ମୂଲ୍ୟ ପାଖାପାଖି ୨ କୋଟି ଟଙ୍କା। ବନାଞ୍ଚଳ ଅଧିକାରୀ ଜଣଙ୍କ ବିଳାସମୟ ଜୀବନଯାପନ କରୁଥିଲେ ।

ଅଧିକ ପଢନ୍ତୁ ଓଡିଶା ଖବର

 ଏହି ଫାର୍ମ ରେ ମୟୁର ଠେକୁଆ ବିଭିନ୍ନ ପ୍ରଜାତିର ଦେଶୀ ବିଦେଶୀ ଚଢ଼େଇ ବତକ ଦେଶୀ କୁକୁଡ଼ା ରହୁଥିଲେ। ବିଭିନ୍ନ ଦେବାଦେବୀଙ୍କ ବଡ଼ ବଡ଼ ପ୍ରତିମୂର୍ତ୍ତି ନିର୍ମାଣ କରିଥିଲେ ରେଞ୍ଜର । ଏକ ପାର୍କ ମଧ୍ୟ ରହିଛି । ପାର୍କରେ ଦୋଳି ସହିତ ମାନଭଞ୍ଜନ ର ବ୍ୟବସ୍ଥା ମଧ୍ୟ ରହିଛି । ରେଞ୍ଜରଙ୍କ ପତ୍ନୀଙ୍କ ନାଁରେ ଫାର୍ମ ହାଉସ ଟି ରହିଥିବା ଜାଣିବାକୁ ମିଳିଛି। ମୋହନ ସରକାର ଆସିବା ପରେ ଭାଙ୍ଗିଛି ମାଫିଆଙ୍କ ଅଣ୍ଟା । ଗୋଟିଏ ପରେ ଗୋଟିଏ କୁବେର ବାବୁ ପଡିଛନ୍ତି ଭିଜଲାନ୍ସ ଜାଲରେ । ଭିଜଲାନ୍ସ ଜାଲରେ ପଡିଥିବା ବେଳେ ତାଙ୍କ ନିକଟରୁ ଆଖି ଖୋସି କରିଦେଲାଭଳି ସମ୍ପତ୍ତି ଜବତ ହୋଇଛି ।