ଅର୍ଗସ ବ୍ୟୁରୋ : ହୀରାକୁଦରେ ଝାଡ଼ାବାନ୍ତି ଆତଙ୍କ । ଦିନକରେ ଜଣଙ୍କ ମୃତ୍ୟୁ ହୋଇଥିବାବେଳେ ୪୯ ଜଣ ଆକ୍ରାନ୍ତ ହୋଇଛନ୍ତି । ମୃତ ଜଣକ କାଳୁପଡାର ଆଶା କର୍ମୀଙ୍କ ସ୍ବାମୀ ଟିକେଶ୍ବର ନାୟକ । ଦୂଷିତ ପାଣି ପିଇ ଝାଡ଼ାବାନ୍ତିର ଶିକାର ହୋଇଥିବା ସୂଚନା । ସମସ୍ତ ଆକ୍ରାନ୍ତଙ୍କୁ ହୀରାକୁଦ ହସ୍ପିଟାଲରେ ଭର୍ତ୍ତି କରାଯାଇଛି । 

ଗତ ୨୧ ତାରିଖରେ ୩୬, ୨୨ ତାରିଖରେ ୪୨, ୨୩ ତାରିଖରେ ୪୯ ଜଣ ଆକ୍ରାନ୍ତ ହୋଇଛନ୍ତି । ଏଯାଏଁ ମୋଟ ୧୨୭ ଜଣ ଆକ୍ରାନ୍ତ ହୋଇଛନ୍ତି । ସେପଟେ ସାମ୍ନାକୁ ଆସିଛି ରାଜ୍ୟ ସରକାରଙ୍କ ବିଶ୍ବସ୍ତରୀୟ ସ୍ବାସ୍ଥ୍ୟ ବ୍ୟବସ୍ଥା ଡିଣ୍ଡିମର ସତ । ହସ୍ପିଟାଲରେ ବେଡ ଅଭାବରୁ ରୋଗୀକୁ ଚଟାଣରେ ରଖି କରାଯାଉଛି ଚିକିତ୍ସା । 

ଅଧିକ ପଢନ୍ତୁ ଓଡ଼ିଶା ଖବର 

ହୀରାକୁଦର କାଳୁପଡା, ଗଉଡପଡା, ଗୁରୁଦ୍ବାରା ପଡା ଓ ନ୍ୟୁ ମାର୍କେଟ ପଡାରେ ଝାଡ଼ାବାନ୍ତି ବ୍ୟାପିଥିବାବେଳେ ଏଯାଏ କୌଣସି ଡାକ୍ତର ଟିମ ଗ୍ରାଉଣ୍ତରେ ପହଞ୍ଚି ନାହାନ୍ତି । ଗତ କିଛି ଦିନ ତଳେ ରାଉରକେଲାରେ ହଇଜା ବ୍ୟାପି ୧୭ ଜଣଙ୍କ ଜୀବନ ଯାଇଥିଲା । ଆଉ ଏବେ ହୀରାକୁଦରେ ଝାଡ଼ାବାନ୍ତି ବ୍ୟାପିବା ରାଜ୍ୟ ସରକାରଙ୍କ ବିଶୁଦ୍ଧ ପାନୀୟ ଜଳ ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରିଛି ।