ଭୁବନେଶ୍ଵର: ଜିତିଲେ, କୃତଜ୍ଞତା ଜଣାଇଲେ । ଓଡ଼ିଶାରୁ ରାଜ୍ୟସଭାକୁ ନିର୍ବାଚିତ ହୋଇଥିବା ନେଇ ସୋସିଆଲ୍ ମିଡିଆରେ ସୂଚନା ଦେଇଛନ୍ତି ଦିଲ୍ଲୀପ ରାୟ । ସୋସିଆଲ୍ ମିଡିଆ Xରେ ଦିଲ୍ଲୀପ ରାୟ ରାଜ୍ୟସଭାକୁ ବିଜୟୀ ହୋଇଥିବା ଲେଖିଛନ୍ତି ।

ଓଡ଼ିଶାରୁ ରାଜ୍ୟସଭାକୁ ବିଜୟୀ ହୋଇଥିବାରୁ ଦିଲ୍ଲୀପ ରାୟ ସମସ୍ତଙ୍କୁ ବିନମ୍ର ଭାବେ କୃତଜ୍ଞତା ଜଣାଇଛନ୍ତି । ଦିଲ୍ଲୀପ ରାୟ ଲେଖିଛନ୍ତି, "ଆଜି ଓଡ଼ିଶାରୁ ରାଜ୍ୟସଭାକୁ ବିଜୟ ମୋର ଏକାକୀ ବିଜୟ ନୁହେଁ । ଏହି ବିଜୟରେ ଦଳୀୟ ନୀତି ବାହାରେ ବିଧାୟକ ମାନଙ୍କର ବିଶ୍ଵାସ, ସଦିଚ୍ଛା ପ୍ରତିଫଳନ ହୋଇଛି ।"

Deeply humbled and grateful.

Today’s victory in the Rajya Sabha election from Odisha is not mine alone — it reflects the trust and goodwill shown by Hon’ble Members of the Legislative Assembly across political lines.

I sincerely thank the Hon’ble Members of the Bharatiya Janata…

— Dilip ray (@DilipRayOdisha) March 16, 2026

ଦିଲ୍ଲୀପ ରାୟ ବିଜେପି ସଦସ୍ୟଙ୍କ ଅକୁଣ୍ଠ ସମର୍ଥନକୁ ଧନ୍ୟବାଦ ଜଣାଇଛନ୍ତି । ସେହିଭଳି ତାଙ୍କୁ ଭୋଟ୍ ଦେଇଥିବା ବିଜେଡି, କଂଗ୍ରେସ ଓ ସ୍ଵାଧୀନ ବିଧାୟକଙ୍କୁ ହୃଦୟରୁ କୃତଜ୍ଞତା ଜଣାଇଛନ୍ତି ଦିଲ୍ଲୀପ ରାୟ ।

ଏଥିସହ ପଢ଼ନ୍ତୁ: ରାଜ୍ୟସଭା ନିର୍ବାଚନ, ଦଳ ଉପରେ ନାହିଁ ନବୀନଙ୍କ ଲଗାମ

ସେ ଲେଖିଛନ୍ତି, "ଏଭଳି କ୍ଷଣ ଆଣ ଗଣତନ୍ତ୍ର ସତ୍ୟର ଶକ୍ତିକୁ ଦର୍ଶାଉଛି । ଯେଉଁଠି ରାଜ୍ୟର ଲୋକଙ୍କ ବୃହତ୍ତର ସ୍ଵାର୍ଥ୍ୟ ଓ ବ୍ୟାପକ ହିତ ଏକାଠି ଆସୁଛି ।"

ମୁଁ ଏହି ଦାୟିତ୍ଵକୁ ନମ୍ରତାର ସହ ଦୃଢ଼ କର୍ତ୍ତବ୍ୟ ନିଷ୍ଠ ଭାବେ ସ୍ଵୀକାର କରୁଛି । ରାଜ୍ୟୱାରେ ମୁଁ ଓଡ଼ିଶାବାସୀଙ୍କ ଆକାଂକ୍ଷାର ପ୍ରତିନିଧିତ୍ଵ କରିବାକୁ ପ୍ରୟାସ କରିବି । ରାଜ୍ୟ ତଥା ଦେଶର ପ୍ରଗତି ପାଇଁ ସମ୍ପୂର୍ଣ୍ଣ ନିଷ୍ଠାର ସହ କାର୍ଯ୍ୟ କରିବି ।

ମୋ ଉପରେ ସମସ୍ତଙ୍କ ଭରସା ଓ ବିଶ୍ଵାସ ପାଇଁ ଯୋଡ଼ ହସ୍ତରେ ଧନ୍ୟବାଦ ଜଣାଉଛି ବୋଲି ଲେଖିଛନ୍ତି ଦିଲ୍ଲୀପ ରାୟ । ଦିଲ୍ଲୀପ ରାୟଙ୍କ ସୋସିଆଲ୍ ମିଡିଆ ପୋଷ୍ଟ ସମୟରେ ବିଧିବଦ୍ଧ ଭାବେ ରାଜ୍ୟସଭା ନିର୍ବାଚନ ଫଳାଫଳ ପ୍ରକାଶ ପାଇନାହିଁ ।

ଏଥିସହ ପଢ଼ନ୍ତୁ: ରାଜ୍ୟସଭା ଭୋଟ, କଂଗ୍ରେସର ତିନି ବିଧାୟକ କଲେ କ୍ରସ ଭୋଟିଂ

ବିଜେପି ପକ୍ଷରୁ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ସହ ସୁଜିତ୍ କୁମାର ରାଜ୍ୟସଭା ପ୍ରାର୍ଥୀ ହୋଇଥିଲେ । ଦିଲ୍ଲୀପ ରାୟ ସ୍ଵାଧିନ ପ୍ରାର୍ଥୀ ହୋଇଥିବା ବେଳେ ସମର୍ଥନ କରିଥିଲା ବିଜେପି ।

ସେହିଭଳି ବିଜେଡି ସନ୍ତୃପ୍ତ ମିଶ୍ରଙ୍କୁ ଟିକେଟ୍ ଦେବା ସହ କମନ୍ କ୍ୟାଣ୍ଡିଡେଟ୍ ଭାବେ ଡ. ଦତ୍ତେଶ୍ଵର ହୋତାଙ୍କ ନାଁ ଘୋଷଣା କରିଥିଲା । ବିଜେଡିର କମନ୍ କ୍ୟାଣ୍ଡିଡେଟ୍ ଦତ୍ତେଶ୍ଵର ହୋତାଙ୍କୁ ସମର୍ଥନ ଘୋଷଣା କରିଥିଲା କଂଗ୍ରେସ ।