Pride of Odisha / ୨୫ ହଜାର ଭିନ୍ନକ୍ଷମଙ୍କୁ ମାଗଣାରେ ଲଗାଇଲେଣି କୃତ୍ରିମ ଅଙ୍ଗ
·4 months ago·3 min read
Key Points
ଭିନ୍ନକ୍ଷମଙ୍କ ଆବଶ୍ୟକତାକୁ ପୂରଣ କରୁଛନ୍ତି 'ଭଗବାନ' । ପ୍ରାଇଡ୍ ଅଫ୍ ଓଡ଼ିଶା' ସିଜିନ-2ର ପଞ୍ଚମ ଅଧ୍ୟାୟରେ ଆମେ ଭେଟିବା ଭିନ୍ନକ୍ଷମଙ୍କ 'ଭଗବାନ'ଙ୍କୁ ।
ଭୁବନେଶ୍ଵର: ଅନେକ ଅକୁହା କାହାଣୀ, ଅଚିହ୍ନା ମଣିଷ । ଯେଉଁମାନଙ୍କ ଅବଦାନ ରହିଛି ଆମ ସମାଜ ପାଇଁ, ଲୋକଙ୍କ ଜୀବନକୁ ସରଳ କରି ଭରିଛି ଆନନ୍ଦର ରଙ୍ଗ । ଅର୍ଗସ୍ ନ୍ୟୁଜ୍ର 'ପ୍ରାଇଡ୍ ଅଫ୍ ଓଡ଼ିଶା' ସିଜିନ-2 ନେଇ ଆସିଛି ସେଇଭଳି କିଛି 'ସରଳ ମଣିଷର ବିରଳ କାହାଣୀ' ।
ଦୁର୍ଘଟଣା କେବେ ମଣିଷର ଜୀବନ ନେଇଯାଏ ତ ଆଉ କେବେ ସାରା ଜୀବନ ପାଇଁ ପଙ୍ଗୁ କରିଦିଏ । ଅନେକ ସମୟରେ ଦୁର୍ଘଟଣାରେ ଅକାମୀ ହୋଇଯାଏ ମଣିଷର ଅଙ୍ଗ । କେବେ କିଏ ହାତ ତ ଆଉ କିଏ ହରାଏ ଗୋଡ଼ ।
ଆମ ରାଜ୍ୟ ଓଡ଼ିଶାରେ ପ୍ରତିଦିନ ଏକାଧିକ ଦୁର୍ଘଟଣା ଘଟେ । ତଥ୍ୟ ଅନୁସାରେ, ଓଡ଼ିଶାରେ ୨୦୨୧ ମସିହାରେ ଦୁର୍ଘଟଣାରେ ୫ ହଜାର ୮୧ ଜଣଙ୍କ ମୃତ୍ୟୁ ହୋଇଛି । ସେହିଭଳି ୨୦୨୫ର ପ୍ରଥମ ମାସରେ ଓଡ଼ିଶା ଦେଖିଛି ପ୍ରାୟ ୬ ହଜାର ୬୩୭ଟି ସଡ଼କ ଦୁର୍ଘଟଣା । ବର୍ଷ ପରେ ବର୍ଷ ଓଡ଼ିଶାରେ ବଢ଼ି ଚାଲିଛି ସଡ଼କ ଦୁର୍ଘଟଣା । ଏଥିସହ ମୃତ୍ୟୁ ସଂଖ୍ୟ ଏବଂ ଭିନ୍ନକ୍ଷମଙ୍କ ସଂଖ୍ୟା ବଢ଼ିବାରେ ଲାଗିଛି ।
ଏଥିସହ ପଢ଼ନ୍ତୁ: ପକ୍ଷାଘାତକୁ ମାତ୍ ଦେଇ ଗଢ଼ୁଛନ୍ତି ଜଙ୍ଗଲ, ସଜାଡ଼ୁଛନ୍ତି ଭବିଷ୍ୟତ
୨୦୧୧ର ସର୍ଭେ ଅନୁସାରେ, ଓଡ଼ିଶାରେ ୧୨ ଲକ୍ଷ ୪୪ ହଜାର ୪୦୨ ଜଣ ଭିନ୍ନକ୍ଷମ ଅଛନ୍ତି । ତଥ୍ୟ କହୁଛି, ଓଡ଼ିଶାର ମୋଟ ଜନସଂଖ୍ୟାର ୨.୩୪ ପ୍ରତିଶତ ଲୋକଙ୍କୁ କୃତ୍ରିମ ଅଙ୍ଗର ଆବଶ୍ୟକତା ରହିଛି ।
ଆଉ ଓଡ଼ିଶାର ଭିନ୍ନକ୍ଷମଙ୍କ ଆବଶ୍ୟକତାକୁ ପୂରଣ କରୁଛନ୍ତି 'ଭଗବାନ' । ପ୍ରାଇଡ୍ ଅଫ୍ ଓଡ଼ିଶା' ସିଜିନ-2ର ପଞ୍ଚମ ଅଧ୍ୟାୟରେ ଆମେ ଭେଟିବା ଭିନ୍ନକ୍ଷମଙ୍କ 'ଭଗବାନ'ଙ୍କୁ । ଯିଏ ମାଗଣାରେ ୨୫ ହଜାରରୁ ଅଧିକ ଭିନ୍ନକ୍ଷମଙ୍କ ଠାରେ କୃତ୍ରିମ ଅଙ୍ଗ ଲଗାଇ ବଦଳାଇ ଦେଇଛନ୍ତି ସେମାନଙ୍କ ଜୀବନ ।
ଭଦ୍ରକ ଜିଲ୍ଲାର ଭଗବାନ ପରିଡ଼ା । ଏକ ଛୋଟିଆ ଗାଁରେ ଜନ୍ମ ହୋଇଥିବା ଭଗବାନ ପିଲାଟି ଦିନରୁ ଦେଖନ୍ତି ବଡ଼ ସ୍ଵପ୍ନ । ଆଉ ସେହି ସ୍ଵପ୍ନ ପୂରଣ ପାଇଁ ବିଦେଶରେ ପଢ଼ିବାକୁ ବାପାଙ୍କୁ ମାଗନ୍ତି ମାତ୍ର ୪୦ ହଜାର ଟଙ୍କା । କିନ୍ତୁ ବାପାଙ୍କ ପାଖରେ ଏତେ ଟଙ୍କା ନଥିବାରୁ ସେ ବିଦେଶ ଯାଇପାରନ୍ତି ନାହିଁ ।
କିନ୍ତୁ ସ୍ଵପ୍ନ ପୂରଣ କରିବାର ଝୁଙ୍କ୍ ତାଙ୍କୁ ଅଟକାଇ ପାରି ନଥିଲା । ବିଦେଶ ନଯାଇ ଭାରତରେ ମେଡିକାଲ୍ କୋର୍ସ ବ୍ୟାଚଲର୍ ଇନ୍ ପ୍ରୋଷ୍ଥେଟିକ୍ସ ଆଣ୍ଡ ଅର୍ଥୋଟିକ୍ସ (Bachelor in Prosthetics & Orthotics)ରେ ନାମ ଲେଖାନ୍ତି ଭଗବାନ ପରିଡ଼ା । ଆଉ ଦେଖିଥିବା ସ୍ଵପ୍ନ ବିଦେଶ ଗସ୍ତ ବିନା ପୁଣି ତାଙ୍କ ଭିତରେ ଜାଗେ, ଲାଗେ ଏବେ ସ୍ଵପ୍ନ ପୂରା ହେବ ।
ସ୍ଵପ୍ନ ସତ ହୁଏ, ସେ ବନି ଯାଆନ୍ତି ଡକ୍ଟର ଭଗବାନ ପରିଡ଼ା । ଦିନେ ଭଗବାନ ଟଙ୍କା ଅଭାବରୁ ବିଦେଶ ଯାଇ ପାରି ନଥିଲେ । ଏବେ ତାଙ୍କୁ ବିଦେଶରୁ ଆସୁଛି ଡାକରା । କିନ୍ତୁ ଦେଶ, ରାଜ୍ୟ ଓ ନିଜ ଅଞ୍ଚଳର ଭିନ୍ନକ୍ଷମ ସେବାର ସୁଯୋଗ ହାତଛଡ଼ା କରି ବିଦେଶ ଯିବାକୁ ଚାହୁ ନାହାନ୍ତି ଡକ୍ଟର ଭଗବାନ ପରିଡ଼ା ।
ଏଥିସହ ପଢ଼ନ୍ତୁ: ଯେବେ ଜଳିଯାଏ ମୁହଁ ଓ ଶରୀର, ସେବେ... ପ୍ରେରଣା ସାଜନ୍ତି ପ୍ରମୋଦିନୀ
କାରଣ ନିଜ ଜିଲ୍ଲା ଭଦ୍ରକର ଭିନ୍ନକ୍ଷମ ଲୋକଙ୍କୁ 'ଭଗବାନ'ଙ୍କ ଲୋଡ଼ା ଅଛି । ପଢ଼ା ସରିବା ପରେ ଭଗବାନଙ୍କୁ ମିଳେ ପ୍ରଥମ ମାମଲା । ଦୁର୍ଘଟଣାରେ ପାଦ ହରାଇଥିବା ଗରିବ ଟ୍ରକ୍ ଡ୍ରାଇଭର ଆସନ୍ତି ଚିକିତ୍ସା ପାଇଁ । କିନ୍ତୁ ପାଖରେ ପଇସା ନଥାଏ । କିନ୍ତୁ ବିଶ୍ଵାସ ନ ହରାଇ ଭଗବାନ ମାଗଣାରେ ସେହି ଟ୍ରକ୍ ଡ୍ରାଇଭରଙ୍କ ଚିକିତ୍ସା କରନ୍ତି ।
ପୁଣି ହୁଏ ଚମତ୍କାର । କୃତ୍ରିମ ପାଦ ଲାଗିବା ପରେ ସିଏ ପୁଣି ଟ୍ରକ୍ ଚଳାନ୍ତି । ଡକ୍ଟର ଭଗବାନଙ୍କୁ ଦିଅନ୍ତି ଢେର୍ ଆଶୀର୍ବାଦ । ଏଭଳି ଭାବେ ଡକ୍ଟର ଭଗବାନ ପରିଡ଼ା ପ୍ରାୟ ୨୫ ହଜାରରୁ ଅଧିକ ଗରିବଙ୍କୁ ସେମାନଙ୍କ ଆବଶ୍ୟକତା ଅନୁସାରେ ମାଗଣାରେ କୃତ୍ରିମ ଅଙ୍ଗ ଲଗାଇ ଜୀବନ ବଦଳାଇ ଦେଇଛନ୍ତି ।
ଡକ୍ଟର ଭଗବାନ ପରିଡ଼ାଙ୍କ ଭଳି ଓଡ଼ିଶାର ଅନ୍ୟ ବ୍ୟକ୍ତି ବିଶେଷଙ୍କ ସଫଳ କାହାଣୀ 'ପ୍ରାଇଡ୍ ଅଫ୍ ଓଡ଼ିଶା' ସିଜିନ-2 ଦେଖି ପାରିବେ ଅର୍ଗସ୍ ନ୍ୟୁଜ୍ରେ । ପ୍ରତି ଶନିବାର ରାତି ୮ଟା ୩୦ ଓ ରବିବାର ଦିନ ସାଢ଼େ ଗୋଟାଏ (ପୁନଃ ପ୍ରସାରଣ) ।
ଦୁର୍ଘଟଣା କେବେ ମଣିଷର ଜୀବନ ନେଇଯାଏ ତ ଆଉ କେବେ ସାରା ଜୀବନ ପାଇଁ ପଙ୍ଗୁ କରିଦିଏ । ଅନେକ ସମୟରେ ଦୁର୍ଘଟଣାରେ ଅକାମୀ ହୋଇଯାଏ ମଣିଷର ଅଙ୍ଗ । କେବେ କିଏ ହାତ ତ ଆଉ କିଏ ହରାଏ ଗୋଡ଼ ।
ଆମ ରାଜ୍ୟ ଓଡ଼ିଶାରେ ପ୍ରତିଦିନ ଏକାଧିକ ଦୁର୍ଘଟଣା ଘଟେ । ତଥ୍ୟ ଅନୁସାରେ, ଓଡ଼ିଶାରେ ୨୦୨୧ ମସିହାରେ ଦୁର୍ଘଟଣାରେ ୫ ହଜାର ୮୧ ଜଣଙ୍କ ମୃତ୍ୟୁ ହୋଇଛି । ସେହିଭଳି ୨୦୨୫ର ପ୍ରଥମ ମାସରେ ଓଡ଼ିଶା ଦେଖିଛି ପ୍ରାୟ ୬ ହଜାର ୬୩୭ଟି ସଡ଼କ ଦୁର୍ଘଟଣା । ବର୍ଷ ପରେ ବର୍ଷ ଓଡ଼ିଶାରେ ବଢ଼ି ଚାଲିଛି ସଡ଼କ ଦୁର୍ଘଟଣା । ଏଥିସହ ମୃତ୍ୟୁ ସଂଖ୍ୟ ଏବଂ ଭିନ୍ନକ୍ଷମଙ୍କ ସଂଖ୍ୟା ବଢ଼ିବାରେ ଲାଗିଛି ।
ଏଥିସହ ପଢ଼ନ୍ତୁ: ପକ୍ଷାଘାତକୁ ମାତ୍ ଦେଇ ଗଢ଼ୁଛନ୍ତି ଜଙ୍ଗଲ, ସଜାଡ଼ୁଛନ୍ତି ଭବିଷ୍ୟତ
୨୦୧୧ର ସର୍ଭେ ଅନୁସାରେ, ଓଡ଼ିଶାରେ ୧୨ ଲକ୍ଷ ୪୪ ହଜାର ୪୦୨ ଜଣ ଭିନ୍ନକ୍ଷମ ଅଛନ୍ତି । ତଥ୍ୟ କହୁଛି, ଓଡ଼ିଶାର ମୋଟ ଜନସଂଖ୍ୟାର ୨.୩୪ ପ୍ରତିଶତ ଲୋକଙ୍କୁ କୃତ୍ରିମ ଅଙ୍ଗର ଆବଶ୍ୟକତା ରହିଛି ।
ଆଉ ଓଡ଼ିଶାର ଭିନ୍ନକ୍ଷମଙ୍କ ଆବଶ୍ୟକତାକୁ ପୂରଣ କରୁଛନ୍ତି 'ଭଗବାନ' । ପ୍ରାଇଡ୍ ଅଫ୍ ଓଡ଼ିଶା' ସିଜିନ-2ର ପଞ୍ଚମ ଅଧ୍ୟାୟରେ ଆମେ ଭେଟିବା ଭିନ୍ନକ୍ଷମଙ୍କ 'ଭଗବାନ'ଙ୍କୁ । ଯିଏ ମାଗଣାରେ ୨୫ ହଜାରରୁ ଅଧିକ ଭିନ୍ନକ୍ଷମଙ୍କ ଠାରେ କୃତ୍ରିମ ଅଙ୍ଗ ଲଗାଇ ବଦଳାଇ ଦେଇଛନ୍ତି ସେମାନଙ୍କ ଜୀବନ ।
ଭଦ୍ରକ ଜିଲ୍ଲାର ଭଗବାନ ପରିଡ଼ା । ଏକ ଛୋଟିଆ ଗାଁରେ ଜନ୍ମ ହୋଇଥିବା ଭଗବାନ ପିଲାଟି ଦିନରୁ ଦେଖନ୍ତି ବଡ଼ ସ୍ଵପ୍ନ । ଆଉ ସେହି ସ୍ଵପ୍ନ ପୂରଣ ପାଇଁ ବିଦେଶରେ ପଢ଼ିବାକୁ ବାପାଙ୍କୁ ମାଗନ୍ତି ମାତ୍ର ୪୦ ହଜାର ଟଙ୍କା । କିନ୍ତୁ ବାପାଙ୍କ ପାଖରେ ଏତେ ଟଙ୍କା ନଥିବାରୁ ସେ ବିଦେଶ ଯାଇପାରନ୍ତି ନାହିଁ ।
କିନ୍ତୁ ସ୍ଵପ୍ନ ପୂରଣ କରିବାର ଝୁଙ୍କ୍ ତାଙ୍କୁ ଅଟକାଇ ପାରି ନଥିଲା । ବିଦେଶ ନଯାଇ ଭାରତରେ ମେଡିକାଲ୍ କୋର୍ସ ବ୍ୟାଚଲର୍ ଇନ୍ ପ୍ରୋଷ୍ଥେଟିକ୍ସ ଆଣ୍ଡ ଅର୍ଥୋଟିକ୍ସ (Bachelor in Prosthetics & Orthotics)ରେ ନାମ ଲେଖାନ୍ତି ଭଗବାନ ପରିଡ଼ା । ଆଉ ଦେଖିଥିବା ସ୍ଵପ୍ନ ବିଦେଶ ଗସ୍ତ ବିନା ପୁଣି ତାଙ୍କ ଭିତରେ ଜାଗେ, ଲାଗେ ଏବେ ସ୍ଵପ୍ନ ପୂରା ହେବ ।
ସ୍ଵପ୍ନ ସତ ହୁଏ, ସେ ବନି ଯାଆନ୍ତି ଡକ୍ଟର ଭଗବାନ ପରିଡ଼ା । ଦିନେ ଭଗବାନ ଟଙ୍କା ଅଭାବରୁ ବିଦେଶ ଯାଇ ପାରି ନଥିଲେ । ଏବେ ତାଙ୍କୁ ବିଦେଶରୁ ଆସୁଛି ଡାକରା । କିନ୍ତୁ ଦେଶ, ରାଜ୍ୟ ଓ ନିଜ ଅଞ୍ଚଳର ଭିନ୍ନକ୍ଷମ ସେବାର ସୁଯୋଗ ହାତଛଡ଼ା କରି ବିଦେଶ ଯିବାକୁ ଚାହୁ ନାହାନ୍ତି ଡକ୍ଟର ଭଗବାନ ପରିଡ଼ା ।
ଏଥିସହ ପଢ଼ନ୍ତୁ: ଯେବେ ଜଳିଯାଏ ମୁହଁ ଓ ଶରୀର, ସେବେ... ପ୍ରେରଣା ସାଜନ୍ତି ପ୍ରମୋଦିନୀ
କାରଣ ନିଜ ଜିଲ୍ଲା ଭଦ୍ରକର ଭିନ୍ନକ୍ଷମ ଲୋକଙ୍କୁ 'ଭଗବାନ'ଙ୍କ ଲୋଡ଼ା ଅଛି । ପଢ଼ା ସରିବା ପରେ ଭଗବାନଙ୍କୁ ମିଳେ ପ୍ରଥମ ମାମଲା । ଦୁର୍ଘଟଣାରେ ପାଦ ହରାଇଥିବା ଗରିବ ଟ୍ରକ୍ ଡ୍ରାଇଭର ଆସନ୍ତି ଚିକିତ୍ସା ପାଇଁ । କିନ୍ତୁ ପାଖରେ ପଇସା ନଥାଏ । କିନ୍ତୁ ବିଶ୍ଵାସ ନ ହରାଇ ଭଗବାନ ମାଗଣାରେ ସେହି ଟ୍ରକ୍ ଡ୍ରାଇଭରଙ୍କ ଚିକିତ୍ସା କରନ୍ତି ।
ପୁଣି ହୁଏ ଚମତ୍କାର । କୃତ୍ରିମ ପାଦ ଲାଗିବା ପରେ ସିଏ ପୁଣି ଟ୍ରକ୍ ଚଳାନ୍ତି । ଡକ୍ଟର ଭଗବାନଙ୍କୁ ଦିଅନ୍ତି ଢେର୍ ଆଶୀର୍ବାଦ । ଏଭଳି ଭାବେ ଡକ୍ଟର ଭଗବାନ ପରିଡ଼ା ପ୍ରାୟ ୨୫ ହଜାରରୁ ଅଧିକ ଗରିବଙ୍କୁ ସେମାନଙ୍କ ଆବଶ୍ୟକତା ଅନୁସାରେ ମାଗଣାରେ କୃତ୍ରିମ ଅଙ୍ଗ ଲଗାଇ ଜୀବନ ବଦଳାଇ ଦେଇଛନ୍ତି ।
ଡକ୍ଟର ଭଗବାନ ପରିଡ଼ାଙ୍କ ଭଳି ଓଡ଼ିଶାର ଅନ୍ୟ ବ୍ୟକ୍ତି ବିଶେଷଙ୍କ ସଫଳ କାହାଣୀ 'ପ୍ରାଇଡ୍ ଅଫ୍ ଓଡ଼ିଶା' ସିଜିନ-2 ଦେଖି ପାରିବେ ଅର୍ଗସ୍ ନ୍ୟୁଜ୍ରେ । ପ୍ରତି ଶନିବାର ରାତି ୮ଟା ୩୦ ଓ ରବିବାର ଦିନ ସାଢ଼େ ଗୋଟାଏ (ପୁନଃ ପ୍ରସାରଣ) ।
📱 Get Argus News App
✨📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
Related Topics
Explore more stories