ଅର୍ଗସ ବ୍ୟୁରୋ : ପୁଣି ହୃଦୟ ଜିତିଲେ ଡାକ୍ତର ଶଙ୍କର ରାମଚନ୍ଦାନୀ । ସମ୍ବଲପୁର ବୋରୱେଲରୁ ଉଦ୍ଧାର ଶିଶୁକନ୍ୟା ବିଜୟିନୀର ସମସ୍ତ ପାଠପଢ଼ା ଖର୍ଚ୍ଚ ବହନ କରିବାକୁ ଘୋଷଣା କରିଛନ୍ତି ଡାକ୍ତର ରାମଚନ୍ଦାନୀ । ସରକାରୀ ନିୟମ ଅନୁଯାଇ ବିଜୟିନୀ ଯେଉଁଠିକି ଗଲେ ମଧ୍ୟ ତାର ସମସ୍ତ ପାଠ ପଢ଼ା ଖର୍ଚ୍ଚ ବହନ କରିବେ ବୋଲି ଈଶ୍ବରଙ୍କୁ ସାକ୍ଷୀ ନେଇ ଘୋଷଣା କରିଛନ୍ତି । ଆଉ ଏଭଳି ମହାନିୟତା ଦେଖାଇ ସମାଜର ପ୍ରତ୍ୟେକ ବ୍ୟକ୍ତି ପାଇଁ ସେ ସୃଷ୍ଟି କରିଛନ୍ତି ଉଦାହରଣ । ତାଙ୍କର ଏଭଳି ଉଦ୍ୟମକୁ ପ୍ରଶଂସା କରୁଛନ୍ତି ରାଜ୍ୟବାସୀ । ତେବେ ନୂଆବର୍ଷରେ ଶିଶୁକନ୍ୟାର ଏକୋଇସିଆ ହେବା ସହ ଡାକ୍ତରଖାନାରେ ନାମକରଣ ମଧ୍ୟ କରାଯାଇଥିଲା ।

ଅଧିକ ପଢନ୍ତୁ : କାଲି ଏକୋଇସିଆ ହୋଇଥିଲା, ଆଜି ମା'ର ପରିଚୟ ମିଳିଲା

ମୃତ୍ୟୁ ସହ ସଂଗ୍ରାମ କରି ଜୀବନ ଯୁଦ୍ଧରେ ବିଜୟୀ ହୋଇଥିବାରୁ ଶିଶୁକନ୍ୟାର ନାମ ବିଜୟିନୀ ରଖାଯାଇଛି । ଏକୋଇସିଆ ବେଳେ ବୁର୍ଲା ଡାକ୍ତରଖାନାକୁ ସଜାଯିବା ସହ ଡାକ୍ତରଖାନା କର୍ତ୍ତୃପକ୍ଷ ଧୁମଧାମରେ ସେଲିବ୍ରେସନ କରିଥିଲେ । ଡାକ୍ତର ଶଙ୍କର ରାମଚନ୍ଦାନୀ ମଧ୍ୟ ଡାକ୍ତରଖାନା ପରିସରରେ ମିଠା ବାଣ୍ଟିଥିଲେ ।