Argus News - ମେଡିକାଲ୍‌ରୁ ଡିସଚାର୍ଜ ହେଲେ ଦୁର୍ଗାପୁର ପୀଡ଼ିତା, ହେଲେ ଓଡ଼ିଶା ଫେରିବେନି ପଶ୍ଚିମବଙ୍ଗରେ ରହିବେ...

ବାଲେଶ୍ଵର: ସପ୍ତାହକ ପରେ ସୁସ୍ଥ ହେଲେ ଦୁର୍ଗାପୁର ପୀଡ଼ିତା । ମେଡିକାଲ୍‌ରୁ କରାଗଲା ଡିସଚାର୍ଜ । ହେଲେ ଏବେ ଫେରିବେ ନାହିଁ ଓଡ଼ିଶା । ପୀଡ଼ିତାଙ୍କ ମାନସିକ ସ୍ଥିତି ଓ ସ୍ଵାସ୍ଥ୍ୟରେ ଉନ୍ନତି ଆସିବା ପରେ ତାଙ୍କୁ ମେଡିକାଲ୍‌ରୁ ଡିସଚାର୍ଜ କରାଯାଇଛି । ଏନେଇ IQ ମେଡିକାଲ୍ କର୍ତ୍ତୃପକ୍ଷ ସୂଚନା ଦେଇଛନ୍ତି ।

ଗଣଦୁଷ୍କର୍ମ ପର ଠାରୁ ଦୁର୍ଗାପୁରର IQ ମେଡିକାଲ୍‌ରେ ପୀଡ଼ିତାଙ୍କ ଚିକିତ୍ସା ଚାଲିଥିଲା । ସେ ସମ୍ପୂର୍ଣ୍ଣ ସୁସ୍ଥ ହେବା ପରେ ମେଡିକାଲ୍‌ରୁ ତାଙ୍କୁ ଶୁକ୍ରବାର ଡିସଚାର୍ଜ କରାଯାଇଛି । ମେଡିକାଲ୍‌ରୁ ଆସିଥିଲେ ମଧ୍ୟ ପୀଡ଼ିତା ଏବେ ଓଡ଼ିଶା ଆସିବେ ନାହିଁ । ପୀଡ଼ିତାଙ୍କ ବାପା କହିଛନ୍ତି, "ଆଇନଗତ ଦିଗରେ ତଦନ୍ତରେ ସହାୟତା ପାଇଁ ଝିଅ ଏବେ ପରିବାର ସହ ସେଠାରେ ରହିବ ।"

ଏଥିସହ ପଢ଼ନ୍ତୁ: ଶୁଣାଣିକୁ ଆସିଲେନି କି ସହଯୋଗ କଲେନି ପୋଲିସ ବାବୁ, ଗିରଫ ନିର୍ଦ୍ଦେଶ ଦେଲେ OHRC

ସେପଟେ ପୀଡିତାଙ୍କ ପୁରୁଷ ବନ୍ଧୁଙ୍କୁ ଗିରଫ ପରେ ରିମାଣ୍ଡରେ ନେଇଛି ପୋଲିସ । ୭ ଦିନିଆ ରିମାଣ୍ଡରେ ନେଇ ଅଭିଯୁକ୍ତ ପୁରୁଷ ବନ୍ଧୁଙ୍କୁ ପୋଲିସ ଜେରା କରୁଛି । ପୋଲିସ ୧୦ ଦିନିଆ ରିମାଣ୍ଡ ଆବେଦନ କରିଥିବା ବେଳେ ୭ ଦିନ ପାଇଁ କୋର୍ଟ ଅନୁମତି ଦେଇଥିଲେ ।

ଗଣଦୁଷ୍କର୍ମ ଘଟଣାରେ ପୁରୁଷବନ୍ଧୁଙ୍କ ସମେତ ୬ ଜଣଙ୍କୁ ରିମାଣ୍ଡରେ ନେଇ ଖୋଳତାଡ଼ କରୁଛି ଦୁର୍ଗାପୁର ପୋଲିସ । ଅକ୍ଟୋବର ୧୦ ଶୁକ୍ରବାର ରାତିରେ ପ୍ରକୃତରେ କଣ ଘଟିଥିଲା ତାର ସମ୍ପୂର୍ଣ୍ଣ ତଥ୍ୟ ହାସଲ ପାଇଁ ପୋଲିସ ପଚରାଉଚରା କରୁଛି । ଏଥିସହ ଅଭିଯୁକ୍ତ ଓ ଛାତ୍ରୀଙ୍କ ପୁରୁଷ ବନ୍ଧୁଙ୍କର ମଧ୍ୟ ମିଛ ଧରା ପରୀକ୍ଷା କରିବାକୁ ଯୋଜନା କରିଛି ପୋଲିସ ।

ଏଥିସହ ପଢ଼ନ୍ତୁ: ଘରକୁ ସ୍ଵାମୀ ଆସିଥିବା ବେଳେ ହାଇଦ୍ରାବାଦରେ ମିଳିଲା ସ୍ତ୍ରୀର ଝୁଲନ୍ତା ମୃତଦେହ, ଦୁଷ୍କର୍ମ ପରେ ହତ୍ୟା ସନ୍ଦେହ

ସୂଚନା ଅନୁଯାୟୀ, ଗତ ୧୦ ତାରିଖ ରାତି ସାଢ଼େ ୮ ସମୟରେ ଓଡ଼ିଆ ଡାକ୍ତରୀ ଛାତ୍ରୀଙ୍କ ପୁରୁଷବନ୍ଧୁ ତାଙ୍କୁ କଲେଜ ଫାଟକ ନିକଟରେ ଥିବା ଷ୍ଟଲ୍‌କୁ ଗୁପ୍ ଚୁପ୍ ଖାଇବାକୁ ଡାକିଥିଲେ । ଏହାପରେ, ପୁରୁଷବନ୍ଧୁ ଜଣକ ତାଙ୍କୁ ଆଗକୁ ଆଉ କିଛି ବାଟ ଯିବା ପାଇଁ କହିଥିଲେ । ଉଭୟ କଲେଜକୁ ସଂଯୋଗ କରୁଥିବା ଜଙ୍ଗଲ ରାସ୍ତାରେ ୩ଶହ ମିଟର ଚାଲିଚାଲି ଯାଇଥିଲେ । ଏହି ସମୟରେ କିଛି ଯୁବକ ସେମାନଙ୍କ ପିଛା କରୁଥିଲେ ।

ହଠାତ୍ ପୁରୁଷବନ୍ଧୁ ଜଣକ ଜଙ୍ଗଲ ଭିତରକୁ ଦୌଡ଼ି ପଳାଇଥିଲେ । ଏହି ସମୟରେ ପିଛା କରୁଥିବା ଯୁବକମାନେ ପୀଡ଼ିତାଙ୍କୁ ଘଞ୍ଚ ଜଙ୍ଗଲ ଭିତରକୁ ଟେକିନେଇ ଦୁଷ୍କର୍ମ କରିଥିଲେ । ଅବସ୍ଥା ଗୁରୁତର ଥିବାରୁ ପ୍ରଥମେ ପୀଡ଼ିତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । ଏବେ ପୀଡ଼ିତା ସୁସ୍ଥ ହେବା ପରେ ମେଡିକାଲ୍‌ରୁ ଡିସଚାର୍ଜ କରାଯାଇଛି ।