ଖଣ୍ଡପଡ଼ା (ନୟାଗଡ଼): ଥାନାକୁ ଅଭିଯୋଗ ନେଇ ଯାଇଥିବା ପୀଡ଼ିତାଙ୍କୁ ନିର୍ଯାତନା । ଏତଲା ରଖିବା ପରିବର୍ତ୍ତେ ଦମ୍ପତିଙ୍କୁ ନିର୍ଯାତନା ଦେଲା ପୋଲିସ । ଏନେଇ ଦଳିତ ଦମ୍ପତି ସମ୍ପସ୍ତଙ୍କୁ ଗୁହାରି କରିଥିଲେ ବି କେହି ଶୁଣିନଥିଲେ । ଶେଷରେ ଓଡ଼ିଶା ମାନବାଧିକାର କମିଶନଙ୍କ ଦ୍ଵାରସ୍ଥ ହୋଇଥିଲେ ।

ଆଉ ଦମ୍ପତିଙ୍କ ଅଭିଯୋଗ ଉପରେ ଓଡ଼ିଶା ମାନବାଧିକାର କମିଶନ ଦୁଇ ଦୁଇଥର ଶୁଣାଣି କରିଥିବା ବେଳେ ପୋଲିସର ସହଯୋଗ ମିଳିନି । ନା ନୟାଗଡ଼ ଏସ୍‌ପି ରିପୋର୍ଟ ଦେଲେ ନା ଅଭିଯୋଗ ଆସିଥିବା ଏସ୍‌ଆଇ ଓ କନଷ୍ଟେବଳ ହାଜର ହୋଇ ପକ୍ଷ ରଖିଲେ ।

୨୦୨୫ ଜୁଲାଇ ୨୫ ଓ ୨୦୨୫ ସେପ୍ଟେମ୍ବର ୯ରେ ଓଡ଼ିଶା ମାନବାଧିକାର କମିଶନ ଦୁଇଥର ମାମଲାର ଶୁଣାଣି କରିଥିବା ବେଳେ ପୋଲିସ ପକ୍ଷ ରଖି ନଥିଲା । ଶେଷରେ ଓଡ଼ିଶା ମାନବାଧିକାର କମିଶନ, ଅଭିଯୋଗ ଆସିଥିବା ପୋଲିସ ଏସ୍‌ଆଇ ଓ କନଷ୍ଟେବଳଙ୍କୁ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି ।

ଏଥିସହ ପଢ଼ନ୍ତୁ: ଘରକୁ ସ୍ଵାମୀ ଆସିଥିବା ବେଳେ ହାଇଦ୍ରାବାଦରେ ମିଳିଲା ସ୍ତ୍ରୀର ଝୁଲନ୍ତା ମୃତଦେହ, ଦୁଷ୍କର୍ମ ପରେ ହତ୍ୟା ସନ୍ଦେହ

ଖଣ୍ଡପଡ଼ା ଥାନା ଅଧିନ କଣ୍ଟିଲୋ ଫାଣ୍ଡିର ପୂର୍ବତନ ଫାଣ୍ଡି ଅଧିକାରୀ ଏସ୍‌ଆଇ ରମେଶ ଚନ୍ଦ୍ର ଜେନା ଓ କନଷ୍ଟେବଳ ସୁଧୀର କୁମାର ତାଲି ବାନ୍ଧିବାକୁ ନିର୍ଦ୍ଦେଶନାମା ଜାରି କରିଛନ୍ତି ଓଡ଼ିଶା ମାନବାଧିକାର କମିଶନ । ଏନେଇ ନୟାଗଡ଼ ଏସ୍‌ପିଙ୍କୁ କମିଶନ ଅବଗତ କରାଇଛନ୍ତି । ଆସନ୍ତା ୩୧ ତାରିଖରେ ମାମଲାର ଶୁଣାଣି ରହିଛି ।

ଏସ୍‌ଆଇ ଓ କନଷ୍ଟେବଳଙ୍କ ବିରୋଧରେ ଓଡ଼ିଶା ମାନବାଧିକାର କମିଶନ ଆରେଷ୍ଟ ୱାରେଣ୍ଟ ଜାରି କରିଛନ୍ତି । ଯେଉଁଥିରେ ୧୦ ହଜାର ଟଙ୍କା ଦେଲେ ଜଣଙ୍କୁ ଜାମିନ୍ ଦିଆଯାଇ ପାରିବ । ଏ ସମ୍ପର୍କିତ ନିର୍ଦ୍ଦେଶନାମାକୁ କମିଶନଙ୍କ ପକ୍ଷରୁ କଣ୍ଟିଲୋ ଫାଣ୍ଡି ସହ ନୟାଗଡ଼ ଏସ୍‌ପିଙ୍କ କାର୍ଯ୍ୟାଳୟକୁ ପଠାଇ ଦିଆଯାଇଛି । ଏଥିସହ ଗିରଫ ଟାଳିବାକୁ ହେଲେ ଚଳିତ ଅକ୍ଟୋବର ୩୧ ତାରିଖ ସକାଳ ୧୧ଟା ସୁଦ୍ଧା କମିଶନରେ ହାଜର ହୋଇ ପକ୍ଷ ରଖିବାକୁ କୁହାଯାଇଛି ।

ଏଥିସହ ପଢ଼ନ୍ତୁ: ସ୍କୁଲ୍‌କୁ କେଉଁଠୁ ଆସିଲା ପେଟ୍ରୋଲ୍ ? ଷ୍ଟଣ୍ଟ ଦେଖାଇବା ବେଳେ ନବମ ଶ୍ରେଣୀ ଛାତ୍ର ଜଳିଗଲେ

କଣ୍ଟିଲୋରେ କ'ଣ ଘଟିଥିଲା ?

୨୦୨୪ ମାର୍ଚ୍ଚ ୧୯ରେ କଣ୍ଟିଲୋ ଅଞ୍ଚଳର ଅନୁସୂଚିତ ଜାତିର ଜଣେ ମହିଳା ଓ ତାଙ୍କ ସ୍ଵାମୀ ଥାନାକୁ ଅଭିଯୋଗ କରିବାକୁ ଯାଇଥିଲେ । ହେଲେ ଏସ୍‌ଆଇ ରମେଶ ଚନ୍ଦ୍ର ଜେନା ଓ କନଷ୍ଟେବଳ ସୁଧୀର କୁମାର ତାଲି ଅଭିଯୋଗ ରଖିବା ପରିବର୍ତ୍ତେ ଦମ୍ପତିଙ୍କୁ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା । ଏନେଇ ଦମ୍ପତି ବିଭିନ୍ନ ସ୍ଥାନରେ ପ୍ରତିବାଦ ଓ ଅଭିଯୋଗ କରି ନିରାଶ ହୋଇଥିଲେ । ଶେଷରେ ମାନବାଧିକାର କମିଶନଙ୍କ ଦ୍ଵାରସ୍ଥ ହୋଇଥିଲେ ।