ପୁଣି ରାଜ୍ୟ ସରକାରଙ୍କୁ ଇସିଆଇଙ୍କ କଡା ତାଗିଦ
ଅର୍ଗସ ବ୍ୟୁରୋ : ପୁଣି ରାଜ୍ୟ ସରକାରଙ୍କୁ ଇସିଆଇ ଛାଟ । ଜିଲ୍ଲା ଅଲଗା ହେଲେ ମଧ୍ୟ ଗୋଟିଏ ଲୋକସଭା କ୍ଷେତ୍ରରେ ନିଯୁକ୍ତ ହୋଇଥିବା ଅଧିକାରୀଙ୍କୁ ବଦଳି କରିବାକୁ ଇସିଆଇଙ୍କ ନିର୍ଦ୍ଦେଶ ଦେଇଛନ୍ତି । ୩ ବର୍ଷ ପୂରଣ କରିବା ପରେ ଜିଲ୍ଲା ବାହାରକୁ ସ୍ଥାନାନ୍ତରିତ ହୋଇଥିବା ଅଧିକାରୀମାନଙ୍କୁ ସମାନ ଲୋକସଭା ନିର୍ବାଚନ ମଣ୍ଡଳୀ ମଧ୍ୟରେ ଅନ୍ୟ ଜିଲ୍ଲାରେ ପୋଷ୍ଟ ନକରିବାକୁ ରାଜ୍ୟ ସରକାରଙ୍କୁ ନିଶ୍ଚିତ କରିବାକୁ କହିଛନ୍ତି ଇସିଆଇ ।
ଅଧିକ ପଢନ୍ତୁ ଓଡ଼ିଶା ଖବର
ପୂର୍ବରୁ 3 ବର୍ଷରୁ ଅଧିକ ସମୟ ଧରି ଗୋଟିଏ ସ୍ଥାନରେ ନିଯୁକ୍ତ ଥିବା ଅଫିସରମାନଙ୍କୁ ଅନ୍ୟତ୍ର ବଦଳି ପାଇଁ ନିର୍ଦ୍ଦେଶ ଦେଇଥିଲେ ଇସିଆଇ । ତେବେ ଯେଉଁ ଅଫିସରମାନଙ୍କୁ ଅନ୍ୟ ଜିଲ୍ଲାକୁ ବଦଳି କରାଯାଇଛି, ସେମାନେ ପୂର୍ବରୁ ନିୟୋଜିତ ଥିବା ଲୋକସଭା କ୍ଷେତ୍ରରେ ପୁଣି ନିଯୁକ୍ତ ହୋଇଛନ୍ତି କି ନାହିଁ ସେନେଇ ସୁନିଶ୍ଚିତ କରିବାକୁ ନିର୍ଦ୍ଦେଶ ଦେଇଛନ୍ତି ଇସିଆଇ । ରାଜ୍ୟଗୁଡ଼ିକ ନିଶ୍ଚିତ କରିବେ ଯେ ଜିଲ୍ଲା ବାହାରକୁ ସ୍ଥାନାନ୍ତରିତ ଅଧିକାରୀମାନେ ସମାନ ଲୋକସଭା ନିର୍ବାଚନ ମଣ୍ଡଳୀରେ ପୋଷ୍ଟ ହେବେ ନାହିଁ ।
