ED Raid / ଗ୍ରୀନ୍ ଇଣ୍ଡିଆ ମାଲିକ ପ୍ରଦୀପ ସିଂଙ୍କ ଘରେ ପ୍ରବର୍ତ୍ତନ ନିର୍ଦ୍ଦେଶାଳୟର ଛାନଭିନ୍
Key Points
ବ୍ରହ୍ମପୁର: ଚିଟ୍ଫଣ୍ଡ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ED)ର ଚଢ଼ାଉ । ଗ୍ରୀନ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ (GIPL) ମାଲିକ ପ୍ରଦୀପ ସିଂଙ୍କ ଘରେ ଚଢ଼ାଉ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ ।
ମିଳିଥିବା ସୂଚନା ଅନୁସାରେ, ଗ୍ରୀନ ଇଣ୍ଡିଆ ମାଲିକ ପ୍ରଦୀପ ସିଂଙ୍କ ଅଯୋଧ୍ୟା ନଗର ସ୍ଥିତ ଘରେ ଚଢ଼ାଉ ଚାଲିଛି । ପ୍ରବର୍ତ୍ତନ ନିର୍ଦ୍ଦେଶାଳୟର ଗୋଟିଏ ଟିମ୍ ଆସି ଗ୍ରୀନ ଇଣ୍ଡିଆ ମାଲିକ ପ୍ରଦୀପ ସିଂଙ୍କ ଘରେ ଛାନଭିନ୍ କରୁଛି ।
୨୦୧୪ରେ ଗ୍ରୀନ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ବିରୋଧରେ ଚିଟ୍ଫଣ୍ଡ ଠକେଇ ଅଭିଯୋଗ ହୋଇଥିଲା । ସେତେବେଳେ ସିବିଆଇ ପ୍ରଥମ ଚାର୍ଜସିଟ୍ ବି ଦାଖଲ କରିଥିଲା ।
ଏଥିସହ ପଢ଼ନ୍ତୁ: ଗାଧୋଇବା ବେଳେ ବୈତରଣୀ ନଦୀରେ ଭାସିଗଲେ ଭାଇଭଉଣୀ ଓ ମାମୁ ପୁଅ
ଗ୍ରୀନ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ର ପରିଚାଳନା ନିର୍ଦ୍ଦେଶକ ସୁନୀଲ ପଣ୍ଡାଙ୍କ ସହ ୨ ନିର୍ଦ୍ଦେଶକ ପ୍ରଦୀପ ସିଂ ଏବଂ ଜିତେନ୍ଦ୍ର ମିଶ୍ରଙ୍କ ବିରୋଧରେ ସିବିଆଇ ଚାର୍ଜସିଟ୍ ଦାଖଲ କରିଥିଲା । ଆଇପିସି ଧାରା ୪୨୦, ୪୦୯, ୫୦୯ ଏବଂ ୧୨୦ବି ସହ ୪୫୬ରେ ଦାଖଲ ହୋଇଥିଲା ଚାର୍ଜସିଟ୍ ।
ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ସିବିଆଇ ୨୦୧୪ ମସିହାରେ ଚିଟଫଣ୍ଡ ମାମଲାର ତଦନ୍ତ ଭାର କ୍ରାଇମବ୍ରାଞ୍ଚ ଠାରୁ ନେଇଥିଲା । ଗ୍ରୀନ୍ ଇଣ୍ଡିଆ ଏକାଧିକ କମ୍ପାନୀ ଖୋଲି ସେ ସବୁ ମାଧ୍ୟମରେ ବ୍ରହ୍ମପୁରରୁ କାର୍ଯ୍ୟ କରୁଥିଲା ।
ଗ୍ରୀନ୍ ଇଣ୍ଡିଆ ପାଖାପାଖି ୩୦ କୋଟି ଟଙ୍କା ମାତ୍ର ୩ ବର୍ଷ ଭିତରେ ଠକି ନେଇଥିବା ଅଭିଯୋଗ ହୋଇଥିଲା । ଦକ୍ଷିଣ ଓଡ଼ିଶାର ବିଭିନ୍ନ ଜିଲ୍ଲାର ଲୋକେ ଏହାଦ୍ଵାରା ସର୍ବାଧିକ ଭାବେ ଆର୍ଥିକ କ୍ଷତିଗ୍ରସ୍ତ ହୋଇଥିଲେ ।
ଏଥିସହ ପଢ଼ନ୍ତୁ: ଐତିହାସିକ ବାଲିଯାତ୍ରା କଟକ-୨୦୨୫ର ଦ୍ଵିତୀୟ ଦିନରେ କ'ଣ ରହିଛି କାର୍ଯ୍ୟକ୍ରମ ଜାଣନ୍ତୁ...
ଏବେ ଇଡି, ଗ୍ରୀନ୍ ଇଣ୍ଡିଆ ମାଲିକ ପ୍ରଦୀପ ସିଂଙ୍କ ଘରେ ରେଡ୍ କରିଛି । ଚଢ଼ାଉ ବେଳେ ପ୍ରଦୀପଙ୍କ ଘରୁ ପ୍ରବର୍ତ୍ତନ ନିର୍ଦ୍ଦଶାଳୟ ଏକାଧିକ କାଗଜପତ୍ର ସହ ଆର୍ଥିକ ଦେଣନେଣର ନଥିପତ୍ର ପାଇଥିବା ଜଣାପଡ଼ିଛି । ଯାହାକି ଗ୍ରୀନ୍ ଇଣ୍ଡିଆ ଏବଂ ବିଭିନ୍ନ ସବସିଡାରୀ କମ୍ପାନୀ ସହ ଜଡ଼ିତ ବୋଲି ଜଣାପଡ଼ିଛି ।
📱 Get Argus News App
✨Related Topics
Explore more stories