ଅର୍ଗସ ବ୍ୟୁରୋ : ପୁଣି ଅଶାନ୍ତ ହେଲା ଗଞ୍ଜାମ । ଖଲ୍ଲିକୋଟ ଥାନା ଅଞ୍ଚଳରେ ପୁଣି ଘଟିଛି ଏକ ହତ୍ୟା । ଘଟଣା ଘଟିଛି ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ କୈରାଶୀ ଗ୍ରାମରେ । ଧାରୁଆ ଛୁରୀରେ ହତ୍ୟା କରିଥିବା ସୂଚନା । ପୂର୍ବ ଶତ୍ରୁତାକୁ କେନ୍ଦ୍ର କରି ହତ୍ୟାକାଣ୍ଡ ହୋଇଥିବା ସୂଚନା । 

ଅଧିକ ପଢନ୍ତୁ ଓଡ଼ିଶା ଖବର

ବର୍ଷେ ପୂର୍ବରୁ କ୍ରିକେଟ ଖେଳୁକୁ ନେଇ ଜଣକୁ କିଛି ଯୁବକ ବ୍ୟାଟରେ ମାଡ ମାରିଥିବା ଭିଡିଓ ଭାଇରାଲ ହେବା ପରେ ପୋଲିସ ଗିରଫ କରି କୋର୍ଟ ଚାଲାଣ କରାଯାଇଥିଲା । ଜେଲ ଯାଇଥିବା ଯୁବକ ବେଲରେ ଆସିବା ପରେ ରାଗରେ ହତ୍ୟା କାଣ୍ଡ ଘଟାଇଥିବା ଅନୁମାନ କରାଯାଉଛି । ମୃତକ ହେଲେ କୈରାଶୀ ଗ୍ରାମ ବେଗୁନିଆପଡା ସାହିର ଅରୁଣ ଦାସଙ୍କ ପୁଅ ରାଜେଶ ଦାସ । ମୃତ ରାଜେଶଙ୍କ ଶବକୁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ବ୍ୟବଛେଦ ପାଇଁ ରଖାଯାଇଛି । ଘଟଣା ସ୍ଥଳରେ ପୋଲିସ ତଦନ୍ତ ଜାରି ରହିଛି ।