Argus News - ଫୁଲ ପାଇଁ ଯାଇ ଆଉ ଫେରିଲେନି..., ନଦୀରୁ ମିଳିଲା ଡେଣା ନଥିବା ମୃତଦେହ

ଚିକିଟି (ଗଞ୍ଜାମ): ଅତି ବୀଭତ୍ସ, ନିର୍ମମ, ଜଘନ୍ୟ ହତ୍ୟା । ଗଞ୍ଜାମରେ ପୁଣି ହତ୍ୟାକାଣ୍ଡ । ୬୦ ବର୍ଷୀୟ ବୃଦ୍ଧଙ୍କ ଡେଣା କାଟି ଦେଇ ନଦୀରେ ମୃତଦେହ ଫିଙ୍ଗିଦେଲେ ଦୁର୍ବୃତ୍ତ । ଚିକିଟିରେ ଚାଞ୍ଚଲ୍ୟ, ନଦୀରେ ଭାସୁଛି ମୃତଦେହ । ପୂର୍ବ ଶତ୍ରୁତାକୁ ନେଇ କେ. ନୂଆଗାଁ ଥାନା ନୂଆପଡ଼ା ଗାଁ ଚାରିଆପଡ଼ା ସାହିରେ ବୃଦ୍ଧଙ୍କୁ ହତ୍ୟା କରାଯାଇଛି ।

ଯାହାକୁ ନେଇ ଚାରିଆପଡ଼ାରେ ଚହଳ ପଡ଼ିଥିବା ବେଳେ ଘରୁ ବାହାରିବାକୁ ଭୟ କରୁଛନ୍ତି ଲୋକେ । ସୂଚନା ଅନୁସାରେ, ସେହି ଗାଁରେ ନାରାୟଣ ପ୍ରଧାନ ରବିବାର ଭୋର୍ ପ୍ରାୟ ୪ଟା ସମୟରେ ଫୁଲ ତୋଳିବାକୁ ନିଜ ବାରିକୁ ଯାଇଥିଲେ । ହେଲେ କେହି ଅଜଣା ଦୁର୍ବୃତ୍ତ ନାରାୟଣଙ୍କ ଉପରେ ଆକ୍ରମଣ କରିଥିଲା ।

ଏଥିସହ ପଢ଼ନ୍ତୁ: ବ୍ରହ୍ମପୁର ଆଇନଜୀବୀ ପୀତବାସ ପଣ୍ଡା ହତ୍ୟା ଘଟଣାରେ ବଡ଼ ଖୁଲାସା

ଆକ୍ରମଣକାରୀ ନାରାୟଣଙ୍କ ବାମ ହାତ ଡେଣା ପାଖକୁ କାଟି ଦେବା ସହ ଶରୀରର ଏକାଧିକ ସ୍ଥାନକୁ ଆଘାତ କରିଥିଲା । ଆଉ ନାରାୟଣଙ୍କ ମୃତ୍ୟୁ ପରେ ତାଙ୍କ ମୃତଦେହଖୁ ନଦୀ ସୁଅରେ ଭସାଇ ଦେଇ ଫେରାର୍ ହୋଇ ଯାଇଛି ଆକ୍ରମଣକାରୀ ।

ସକାଳେ ନଦୀରେ ମୃତଦେହକୁ ଦେଖି ଚମକି ଯାଇଥିଲେ ଲୋକେ । ତୁରନ୍ତ ପୋଲିସକୁ ଖବର ଦେଇଥିଲେ । କେ.ନୂଆଗାଁ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ସନ୍ଧାନୀ କୁକୁର, ସାଇଣ୍ଟିଫିକ ଟିମ୍ ସହାୟତାରେ ତଦନ୍ତ କରୁଛି । ମୃତଦେହ ବ୍ୟବଚ୍ଛେଦ ଲାଗି ବ୍ରହ୍ମପୁର ବଡ଼ ମେଡିକାଲ୍ ପଠା ଯାଇଛି ।

ଏଥିସହ ପଢ଼ନ୍ତୁ: ଗୁଣି ସନ୍ଦେହରେ ମାଡ଼ ମାରି ଗୋଡ଼ରେ ପକାଇଲେ ବେଡ଼ି, ଚାଲିଗଲା ଜୀବନ

ପୋଲିସର ଅନୁମାନ ଅନୁସାରେ, ନାରାୟଣଙ୍କୁ ପୂର୍ବ ବ୍ୟକ୍ତିଗତ ଶତ୍ରୁତାରୁ ହତ୍ୟା କରାଯାଇ ଥାଇପାରେ । ପୋଲିସ ମାମଲା ରୁଜୁ କରି ହତ୍ୟାକାରୀଙ୍କୁ ଧରିବା ଲାଗି ଛାନଭିନ୍ ଆରମ୍ଭ କରିଛି । ତେବେ କିଏ ଭୋର୍ ସମୟରେ ନାରାୟଣଙ୍କୁ ଆକ୍ରମଣ କଲା ? ଆକ୍ରମଣକାରୀ ଜଣେ ନା ଏକରୁ ଅଧିକ ? ଭୋର୍ ୪ଟାରେ ନାରାୟଣ ଫୁଲ ତୋଳିବାକୁ ଯାଉଥିବା କେମିତି ଜାଣିଲା ? ଏବେ ପୋଲିସ ଏଭଳି ଅନେକ ପ୍ରଶ୍ନକୁ ନେଇ ତଦନ୍ତ ଆରମ୍ଭ କରିଛି ।