ଅର୍ଗସ ବ୍ୟୁରୋ : ଦିନିକିଆ ଢ଼େଙ୍କାନାଳ ଗସ୍ତରେ ମହାମହିମ ରାଜ୍ୟପାଳ ରଘୁବର ଦାସ । ମହାମହିମ ପ୍ରଥମେ ସକାଳ ସାଢେ଼ ଦଶଟା ସମୟରେ କପିଳାସ ସ୍ଥିତ ବାବା ଚନ୍ଦ୍ରଶେଖରଙ୍କ ଦର୍ଶନ କରିଥିଲେ । ଦର୍ଶନ ପରେ ମନ୍ଦିର ପ୍ରାଙ୍ଗଣରେ ବୁଲିବା ସହ ସେବାୟତଙ୍କ ଆଲୋଚନା କରିଥିଲେ । ପରେ ଦେଓଗାଁ ସ୍ଥିତ ଅଙ୍ଗନୱାଡି କେନ୍ଦ୍ରକୁ ଯାଇ କୁନି କୁନି ପିଲାଙ୍କ ସହ ସମୟ ବିତାଇବା ସହ ଚକୋଲେଟ୍ ବାଣ୍ଟିଥିଲେ ମହାମହିମ । 

ଅଧିକ ପଢନ୍ତୁ ଓଡ଼ିଶା ଖବର

ଅଙ୍ଗନୱାଡି ସେଣ୍ଟରକୁ ବୁଲି ଦେଖିବା ସହ ସେଠାରେ ଥିବା ଅଭିଭାବକ ଓ କିଛି ଗ୍ରାମବାସୀଙ୍କ ସହ ଆଲୋଚନା କରିଥିଲେ। ଅଙ୍ଗନୱାର୍ଡି ବୁଲି ସାରିବା ପରେ ଦେଓଗାଁ ସ୍ଥିତ ସରକାରୀ ବାଳିକା ଉଚ୍ଚ ବିଦ୍ୟାଳୟ ଯାଇ ସେଠାରେ ବିଦ୍ୟାଳୟ ପରିସର ବୁଲି ଦେଖିବା ସହ ଶିକ୍ଷକ ଓ ଛାତ୍ରୀ ମାନଙ୍କ ସହ ଆଲୋଚନା କରିଥିଲେ । 

ବୁଲି ସାରିବା ପରେ ପିଲାମାନଙ୍କ ସହ ମିଶି ଫଟୋ ଉଠାଇଥିଲେ । ଏହାପରେ ବିଶ୍ଵନାଥ ପୂର ସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟକୁ ଯାଇ ସେଠାରେ କ୍ଲାସ ରୁମରେ ଛାତ୍ରଛାତ୍ରୀଙ୍କ ବେଶ କିଛି ସମୟ ଭାବ ବିନିମୟ କରିଥିଲେ । ପାଠପଢା, ଖେଳ କିଭଳି ଚାଲିଛି ସେନେଇ ପିଲାଙ୍କ ଠାରୁ ପଚାରି ବୁଝିଛନ୍ତି ମହାମହିମ ।