ଅର୍ଗସ ବ୍ୟୁରୋ : ଅଭିଯୋଗ ଶୁଣୁନି ପୋଲିସ । ନ୍ୟାୟ ଦେଉ ନାହାଁନ୍ତି ସରକାର । ଯିଏ ମୁହଁ ଖୋଲୁଛି ତା ନାଁରେ ମିଛ ମାମଲା ରୁଜୁ ହେଉଛି । ଏଭଳି କିଛି ଅଭିଯୋଗ ନେଇ ଆଜି ପୁଣି ଥରେ ଲୋୟର ପିଏମଜିରେ ଧାରଣା ଦେଇଛନ୍ତି ନ୍ୟାୟ ପାଇଁ ଲଢ଼େଇ ପରିବାର । ବାରମ୍ବାର ଚେଷ୍ଠା ପରେ ବି ମୁଖ୍ୟମନ୍ତ୍ରୀଙ୍କୁ ଭେଟିବାରେ ବିଫଳ ହେବାରୁ ଆଇନ ବିଭାଗର ସଚିବଙ୍କୁ ଭେଟିଛନ୍ତି ନ୍ୟାୟ ପାଇ ନଥିବା ପରିବାର । ହତ୍ୟା, ଅପହରଣ ଭଳି ୨୭ ମାମଲାରେ ପୋଲିସ ତଦନ୍ତ ଆଉ ଆଗକୁ ବଢୁନାହାନ୍ତି । ଯେଉଁଥିପାଇଁ ସିବିଆଇ ତଦନ୍ତ ଦାବି ସହ ପୋଲିସ ଗିରଫ କରିଥିବା ଦିଲ୍ଲୀପ ସାହୁଙ୍କୁ ଶୀଘ୍ର ଜେଲରୁ ଖଲାସ କରିବାକୁ ଦାବି କରିଛି ସଂଗଠନ ।

ଅଧିକ ପଢନ୍ତୁ ଓଡ଼ିଶା ଖବର

ବିଞ୍ଛାରପୁରର କୁନି ଝିଅ ପିହୁ କୁ କିଏ ଗାଁ ଦାଣ୍ଡରୁ ଉଠେଇ ନେଲା । ଘଟଣାକୁ ପ୍ରାୟ ଦେଢ଼ ବର୍ଷରୁ ଅଧିକ ସମୟ ବିତି ଯାଇଥିଲେ ମଧ୍ୟ ପିହୁର ପତ୍ତା ଲଗାଇବାରେ ପୋଲିସ ଫେଲ ମାରିଛି । ଥାନା ଠୁ ନେଇ ମନ୍ତ୍ରୀଙ୍କ ବାସ ଭବନ ଯାଏ ଧାଇଁ ଧାଇଁ ନୟାନ୍ତ ପିହୁର ମା ମୋନାଲିସ ନାୟକ । ସେହିପରି ୨୦୧୬ରେ ପଙ୍କପାଳ ଉଲ୍ଲାସ ଜେନା ହତ୍ୟା ମାମଲାକୁ ବିତିଲାଣି ୭ ବର୍ଷ । ସବୁପ୍ରମାଣ ଥାଇ ବି ହତ୍ୟାକାରୀଙ୍କୁ ଧରିପାରୁନି ପୋଲିସ ।

ପୂର୍ବତନ ମନ୍ତ୍ରୀ ଦାମୋଦର ରାଉତ ଓ ତାଙ୍କ ପୁଅ ତଥା ପାରାଦୀପ ବିଜେଡି ବିଧାୟକ ସମ୍ବିତ ରାଉତରାୟଙ୍କ ଚାପରେ କ୍ରାଇମବ୍ରାଞ୍ଚ ଆକସନ୍ ନେଉନଥିବା ନେଇ ହୋଇଛି ସାଂଘାତିକ ଅଭିଯୋଗ । କୁଜଙ୍ଗ ଅଂଚଳର ଅମୃତ ଦାସଙ୍କ ହତ୍ୟାକାଣ୍ଡକୁ ବି ଦୀର୍ଘଦିନ ବିତି ଯାଇଥିଲେ ସୁଦ୍ଧା ତଦନ୍ତର ଫାଇଲ ବନ୍ଦ ହୋଇଯାଇଛି । ରାଜନୈତିକ ଚାପ ହେଉ ବା ଆନ୍ତରିକତା ର ଅଭାବ ପରୀ ହତ୍ୟାକାଣ୍ଡ, ମାନବ ପ୍ରେମୀ ଆଦିତ୍ୟ ଦାସ ଆତ୍ମହତ୍ୟା ଭଳି ମାମଲାରେ ପୋଲିସ ତଦନ୍ତ ଉପରେ ପରିବାର ଲୋକଙ୍କ ଭରଷା ନାହିଁ । ସବୁବେଳେ ଆଇନ ତା ବାଟରେ ଯିବା କଥା କହୁଥିବା ସରକାରର ଶାସନରେ ଆଇନ ହୋଇଛି ବାଟବଣା ।

Argus News | argus news | Odisha Latest News, Breaking News, Trending News, Live TV