ପାଳଲହଡାରେ ବିକାଶ ଫାଉଣ୍ଡେସନ ଟ୍ରଷ୍ଟ ପକ୍ଷରୁ ବିଶାଳ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ

ଅର୍ଗସ ବ୍ୟୁରୋ : ଅନଗୋଳ ଜିଲ୍ଲା ପାଳଲହଡା ନିର୍ବାଚନ ମଣ୍ଡଳୀ ଝାରବେଡା ରାଜୀବ ଭବନ ଠାରେ ବିକାଶ ଫାଉଣ୍ଡେସନ ଟ୍ରଷ୍ଟ ପକ୍ଷରୁ ଏକ ବିଶାଳ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ପାଲଲହଡା ନିର୍ବାଚନ ମଣ୍ଡଳୀ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଶୋକ କୁମାର ମହାନ୍ତି, ବରିଷ୍ଠ ନେତା ଲିଙ୍ଗରାଜ ଦାସ, ଝାରବେଡା ଗ୍ରାମପଂଚାୟତର ସମାଜ ସେବୀ କମଳ ଲୋଚନ ବେହେରା ଓ ବହୁ ବିଜେପି କର୍ମୀ ଯୋଗଦେଇ ଶୁଭ ଆରମ୍ଭ କରିଥିଲେ ।

ପରେ ବିକାଶ ଫାଉଣ୍ଡେସନ ଟ୍ରଷ୍ଟ ଅଧକ୍ଷ ଶ୍ରୀମତୀ ମୃଦଳା ଠାକୁର ପ୍ରଧାନ ଯୋଗ ଦେଇଥିଲେ । ସମସ୍ତ ପରିସ୍ଥିତିକୁ ଅନୁଧ୍ୟାନ କରିବା ସହ ଆସିଥିବା ରୋଗୀ ମାନଙ୍କ ସହ ଆଲୋଚନା କରିଥିଲେ । ଏବଂ ତାଙ୍କ ଗହଣରେ ଏକ ଘଣ୍ଟାରୁ ଉର୍ଦ୍ଧ ସମୟ ଅବିବାହିତ କରିଥିଲେ । ଏହି ଶିବିରରେ ୮ଜଣ ବିଭିନ୍ନ ବିଭାଗର ଡାକ୍ତର ଟିମ୍ ସହ ନର୍ସ ଓ ଫାର୍ମାସିଷ୍ଟ ରହି ରୋଗୀଙ୍କୁ ପରୀକ୍ଷା ନିରିକ୍ଷା କରି ମାଗଣାରେ ସମସ୍ତ ଔଷଧ ଦିଆଯାଉଛି । 

ଆଖ ପାଖ  ଅଞ୍ଚଳରୁ ବର୍ତ୍ତମାନ ସୁଦ୍ଧା ୫୦୦ରୁ ଅଧିକ ଲୋକଙ୍କୁ ସ୍ବାସ୍ଥ୍ୟ ସେବା ଯୋଗାଇ ଦିଆଗଲାଣି । ୨୦୦୦ ଲୋକଙ୍କୁ ଏହି ମାଗଣା ସ୍ବାସ୍ଥ୍ୟ ସେବା ଯୋଗାଇବା ପାଇଁ ବିକାଶ ଫାଉଣ୍ଡେସନ ଟ୍ରଷ୍ଟ ପକ୍ଷରୁ ଯୋଜନା ରହିଛି । ଶିବିରରେ ଝରାବେଡା ଯୁବକ ସଙ୍ଘ ଓ ଗ୍ରାମର ସଭାପତି ଆଦି ସାହାଯ୍ୟ ସହଯୋଗ କରିଥିଲେ ।

ଅଧିକ ପଢନ୍ତୁ ଓଡ଼ିଶା ଖବର

ପରବର୍ତ୍ତୀ ସମୟରେ ପାଳଲହଡା ଖୁଲୁଡ଼ି ଠାରେ ଥିବା ଗିରିଶ୍ୱର ଶୈବ ପୀଠରେ ବାବା ଗିରିଶ୍ୱରଙ୍କୁ ଦର୍ଶନ କରିଥିଲେ । ପରେ ସେଠାରେ ଥିବା ଜଳପ୍ରପାତ ଠାରେ ପ୍ରାକୃତିକ ସୌନ୍ଦର୍ଯ୍ୟକୁ ଉପଭୋଗ କରିଥିଲେ । ଏହାର ଉର୍ନତି ପାଇଁ ମନ୍ଦିର ପୂଜକଙ୍କ ସହ ଆଲୋଚନା କରି କେନ୍ଦ୍ର ମନ୍ତ୍ରୀଙ୍କ ଜରିଆରେ କିଛି ଅନୁଦାନ ଦେବା ପାଇଁ ପ୍ରତିଶୃତି ଦେଇଥିଲେ ।